కవిత..పుాబాల

"పూబాల "

---------------

( ఆడపిల్లలకి రక్షణ కల్పించండి )

శీర్షిక

అందాల పుాబాల.

-------------------------

అందాల పూబాల వికసించే పరువాల 

కలువకన్నులతోడ చూచె  నాడ  ఈడ 

వింతగా కనురెప్పలు విప్పీ వివరంగ చూచి 

ఎంతగానో మురిసే వనమంతా పరికించి ॥ 

ఆ తోటలో పూలు రంగు వలువల చెలులు 

వలపు వింజామరల పంచె సౌరభములు 

మొగ్గ తొడిగిన సాటి ముద్దు బాలలతోటి 

కవ్వింత,తుళ్ళింతలాడి పాడెను కలసి ॥ 

అంత  నరుదెంచెనా తోట వనమాలి 

పూలబాలల తెంపె  వాడు దయమాలి 

విరిసి విరియని పూల చేర్చె నంగడిలోన 

వెలగట్టి తెగనమ్మే కరకు సందడితోన ॥ 

చిదిమే కొందరు వాని నలిపే భోగులు మేని 

కొన్ని చేరెను బలికై   ఎన్నో నలిగెను చితికి 

కన్నీరై  మున్నీరై  వాడి నలిగిన  బేల 

ఏల పూచితి ననుచు వగచె విరిసిన బాల ॥ 

_______________________________

రచన, శ్రీమతి,

పుల్లాభట్ల జగదిుశ్వరీముార్తి.

కల్యాణ్. మహారాష్ట్ర .

8097622021.

----------------------