శీర్షిక : అమ్మ చేతి బొమ్మలు.
రచన : శ్రీమతి పుల్లాభట్ల జగదీశ్వరీముార్తి .
కల్యాణ్. మహారాష్ట్ర .
."అమ్మ" అనే ఆడ బొమ్మ
ఆమె ఒడిలో నా జన్మ
నా జీవిత గీతనే
చెరిపి రాయు మరో బ్రహ్మ ॥
అందమైన ఆడతనం
అమ్మైన నిండుదనం..
బంధమైన ఆనందం
ఆ నవ్వులె ప్రేమమయం.॥
పేదరికం అడ్డనదు
బాధన్నది తెలియనీదు
బరువన్నదెంతైన గాని
భారమని అననిదమ్మ ॥
అమ్మా అన్న పిలుపుకు
పులకించిన మనసుకు
కష్టమంత ఇష్టమైన
కన్న ప్రేమ నిండు తనం ॥
కుాటి కొరకు అగచాట్లు
అమ్మకవి కావు పాట్లు
పిల్ల కడుపు నింపుదారి
అమె నడక ఆగదోయి ॥
దేముడు చేసిన బొమ్మ
దేముడినే మొాస్తున్నదమ్మ
నారు పొిసిన వాడే నేడు
అమ్మ చేతిలొ బొమ్మైనాడు ॥
విధి ఆడిన ఆటలో
ఆమె పాత్ర వేటలో
వేల్పు లామె గంపలో
మట్టి రుాపు చేతలో ॥
గంప బరువు భారమైన
గంపెడంత ఆశ , లోన..
"బెమ్మా"డిన ఆటలోన
"అమ్మె"గెలిచెనాటలోన ॥
********************
No comments:
Post a Comment