బాల సాహిత్యం...

అంశం : బాల సాహిత్యం .

"వ"   గుణింతం .

శీర్షిక  : మంచి మాటలు.

రచన - శ్రీమతి పుల్లాభట్ల జగదీశ్వరీమూర్తి .

కల్యాణ్ .మహారాష్ట్ర  .

వరుస  పసి తనపు పాలుగారుచుా

వలపు తేనొలుకు మాటలాడుచుా 

వెలుగు కలలలో తేలియాడుచుా

వేడ్క మురిపించు ముద్దు బాలలుా ॥

వచ్చె భానుడదె నిదుర లేవండి

విసుగు మాని ఇక బడికి వెళ్లండి

విద్య విలువనే తెలియరారండి

వందనాలు మీ గురులకిడి రండి ॥

వందనీయులౌ గురుల విడకండి 

వారు చెప్పేటి బాట నడవండి .

వావి వరుసలకు విలువలివ్వండి  

వలయు వ్యక్తిత్వముంచి మెలగండి ॥ 

వెలుగు బాట  విజ్ఞాన మొందగా

విధిగ  విలువైన విద్య నేర్వండి ॥

వరుస గెలుపులను పొంద పోరండి

విమల యశులైన కీర్తినొందండి  ॥

విరులు మాలగా జేసుకొని రండి

విష్ణు  దేవునీ మెడను వేయండి

వేల్పు కొలువులిల అమ్మ నాన్నండి.

వలయు మార్గదర్శకులు వారండి ॥

వేద పాఠాలు వేల గ్రంధాలు

వేల నీతులిడు మలుపు  అందాలు.

వరలు సంపదలు సాంప్రదాయాలు,

వైభవమ్ములిల  జగతి బంధాలు॥

వైరి భావములు విడచి సాగుమా

వృక్ష రాజముల నరక బోకుమా.

వజ్ర వైడుార్యముల వెంట బడకుమా

వరలు సంపదది విద్యయే సుమా॥

వట్టి మాటలిక గట్టిపెట్టుమా

విలువ పెంచు ఘన నీతి నెరుగుమా..

వెన్నెలంటి చిరునవ్వు తోడుగా

విశ్వ హితుడవై నిలచిపోవుమా ॥

[10/12 23:56] +91 99890 18003: 41)

శ్రీమతి పుల్లాభట్ల జగదీశ్వరీమూర్తి గారు మీ 

శీర్షిక  : మంచి మాటలు.

వరుస  పసి తనపు పాలుగారుచుా

వలపు తేనొలుకు మాటలాడుచుా 

వెలుగు కలలలో తేలియాడుచుా

వేడ్క మురిపించు ముద్దు బాలలుా ॥

-------

వజ్ర వైడుార్యముల వెంట బడకుమా

వెన్నెలంటి చిరునవ్వు తోడుగా

విశ్వ హితుడవై నిలచిపోవుమా ॥

👉 వెన్నెల్లో వన్నెల వెన్నముద్దలు మీ అక్షరలయలు. మెదడు మెచ్చుకొను  మంచి ముత్యాలు.అధ్బుతం అభినందనలు 🙏🎉💐💐🎉🙏