శీర్షిక : సజీవ సమాధులు.

25/09/2023.

శ్రీ శ్రీ కళావేదిక కవితా పోటీల కొరకు,

అంశం : అమ్మ , నాన్న , ఓ వృద్ధాశ్రమం..

రచన:  శ్రీమతి:  పుల్లాభట్ల జగదీశ్వరీమూర్తి.

 కళ్యాణ్ మహారాష్ట్ర

నాటి నుండి, నేటి వరకు, 

 అమ్మా నాన్నలు ప్రత్యక్ష దైవాలంటుా 

మాటల్లో అందలానికెక్కిస్తూ, 

చేతలతో చిత్తు చేస్తునే ఉన్నారు .!!

అవనిలో ఆడది, అమ్మగా మరో బ్రహ్మై ,

 తొమ్మిది నెలల భారాన్ని మోస్తూ. 

 సృష్టికి-ప్రతి సృష్టి  చేసేందుకు

 తన రక్తం మాంసాలను పంచుతూనే ఉంది.!!

ఆ సృష్టికి కారకుడైన తండ్రి, 

తన విద్యుక్త ధర్మాన్ని నిర్వర్తించడం కోసం , 

బాధ్యతల బరువును మోస్తూ, జీవితాంతం, 

తన కుటుంబం కోసం ,తన. జీవితాన్ని

పణంగా పెడుతుానే ఉన్నాడు.!!

పాశ్చాత్య  సంస్కృతి  మొాజుతో ,

 మన సంస్కృతి , సాంప్రదాయాలు 

 ఏనాడో మట్టి కలిసిపోయాయి.

నేను, నా , అనే స్వార్ధం , 

వావి వరుసలకు "చెక్" పెట్టింది .!!

ఆడ దాని అస్తిత్వం , 

అంగట్లో ఆట బొమ్మై పోయింది.

అలసిపోయిన అమ్మ తనం , 

అడ్డుగోడై నిలిచింది.

జవసత్వాలుడిగిన నాన్న ఉనికి ,

 జారిపోతున్న  విలువల, 

విచ్చలవిడి తనానికి , ప్రతిబంధకమైంది.!!

అంతే మట్టిలో కలసిన మానవత్వం , 

మరోదారిని కనుక్కొంది.

తీరిన అవసరాల చివరి  క్షణాలకై , 

జన్మదాతలకు ,ఊరవతల జీవ సమాధులు కట్టి, 

ఆధునుకతను తలపించే .అందమైన పేరు పెట్టింది.!!

అవే నేటి బ్రతుకు బడుగు జీవితాలకు ఆశ్రమాలు.

అంతరించిపోతున్న ఆప్యాతలకు నిలువుటద్దాలు. 

అడుగు కొకటిగా అలరారుతున్న" వృద్ధాశ్రమాలు ".!!

----------------------------------------