కార్తీక పూర్ణిమ.

తపస్వి మనోహరం కవిత కొరకు,

18/11/2023.

అంశం : కార్తీక  కార్తీక పూర్ణిమ.

శీర్షిక : సాంప్రదాయాలు.

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

ప్రక్రియ : ఆటవెలది

ఆక సమ్ము నంటు నాకాశం దీపాలు

ఆల యాల  వెలుగు నాది గాను.

దారి చూపు కంబ  ధ్వజము  నందున నిల్చి

పాత్ర లోన దివ్వె పాప హరిణి ll

కార్తికమ్మునందు కార్తీక పౌర్ణమీ

దీప వళుల తోడ దివ్య ముగను

వెలుగు నిండు జగము వేల సిరులు పంచు

హరియు హరుడు గూడీ నలరుచుండ ll

శక్తి తోడ. గూడి శివుడు యుద్ధము జేసె

 సురుల నరుల కెల్ల  శుభము జేసే

త్రిపుర సురుల గూల్చ త్రేలోక్య విజయమ్ము.

పౌర్ణ  మదియె మనకు పుణ్య దినము ll

కార్తి కమ్ము నందు కడుభక్తి తోడనుా

దీప దాన మిడిన దివ్య ఫలము

మాస మియ్య దిలను మహిమాన్వి తంబనీ

ఋషులు మునులు జెప్పె ఋజువు తోడ॥

సాంప్ర దాయ రీతి సద్ధర్మ ములతోడ

శివుని కొల్తు రిలను శీల వతులు

పాప ములవె బాయ పడతులం దరుగుాడి

పుాజ సేతు రిలను పుణ్య మలర ॥

పేర్చి దీప వళుల పేర్మిపుా జలుజేసి

నెయ్య మునను గలసి నెయ్యి బోసి

ఆక శమ్ము జేర నాకాశ దీపమ్ము  

వెలుగ సంత సముల వేల్పు గొలచి ॥

ఉదయ సంధ్యలు వారు  ఉపవాస దీక్షతో

  మహిమ దలచి మాత దుర్గ గొలచి

  శంక లవియె తొలగ  శక్తి వేల్పుల గొల్చి

  ఫలము పొందె దరుగ పడతు లెల్ల ॥

  

  నిష్ట తోడ జేయు  నిత్య కార్యము లెల్ల

  సఫల మౌను అదియె సత్య మిలను

  అణువు ఆణువు లోన అగుపించు నీశ్వరుడు.

మనసె తీర్ధ మౌను మహిని మనుజ॥ 

సత్య ధర్మ ములను సరిమార్గ ములదెల్ప

వ్రతము నోము లనుచు వర్ణ నలిడి

సకల జనుల గుణము సన్మార్గ ములనేల

సంప్ర దాయ మేలె సార గతుల ॥

******************************