నేను సమయాన్ని. ముందడుగే నా లక్ష్యం" శీర్షిక"

మహతీ సాహితీ కవి సంగమం.

04//11/2024.

అంశం : చిత్ర కవిత. 

ప్రక్రియ : వచన కవిత.

కవిత సంఖ్య  :  1.

శీర్షిక: "నేను సమయాన్ని .ముందడుగే నా లక్ష్యం."

రచన : శ్రీమతి : పుల్లాభట్ల జగదీశ్వరీముార్తి

 కల్యాణ్. మహారాష్ట్ర 

________________________________

నేను కాలాన్ని ---

ముందడుగే తప్ప వెనకడుగు వేయలేని వివశను.

గత కాలంలో ఒకప్పటి సంస్కారాలను మరిచిపోయిన మానవుల మితిమీరిన మనస్తత్వాలను 

అంచనా వేయలేక వారితో పాటే ముందుకు పోతున్నా!!

రాజకీయ నిర్ణయాల బలవంతపు ఒత్తిడులు

తట్టుకోలేక ,పొగమత్తుకు ,మగువకు ,మదిరకు

బానిసై ,  మనిషి చేస్తున్న అరాచకాలకు 

నా గుండె దడ దడ లాడుతోంది.!!

స్వార్థం నిండిన మానవుడు తన అవసరాలకు 

తమ తోటి వారిని తొక్కి వేస్తున్న వైనం 

 నాలో ఆవేశాన్ని నింపుతోంది.!!

మేధావి యైన మానవుడు , తాను సాధించిన 

చరవాణి , ముఖచిత్రం,దూరదర్శన్ వంటి  

టెలికమ్యూనికేషన్  మాధ్యమాలకు 

తానే బానిసౌతూ, రేపుతున్న -కలకలాలు

ఎన్నోఅరాచకాలను సృష్టిస్తున్నాయి.

ఏమీచేయలేని వివసత్వంతో ,నా కళ్ళు వర్షిస్తున్నాయి !!

జాతి -మతాల, మారణహోమాల  జోరుకు -

 పెరుగుతున్న స్వార్థం , మనిషిలో

 వివేకాన్ని నశింప చేస్తోంది !! 

చేటు చేసే చెడు చెడుదారులకు 

అలవాటు పడిన యువత , విజ్ఞాన పునాదులను 

 పెకిలివేస్తూ , వింత వివాదాలకు, విద్రోహాలకు 

 ఆరతి పడుతోంది. !!

ఈ ప్రపంచ సృష్టిలో,  అన్నీ అలాగే ఉన్నాయి.కానీ- 

ప్రకృతిలో వచ్చే అన్ని వైపరీత్యాలకు ,అకృత్యాలకు -

కారణంగా మారిన మనిషి మాత్రం , అమాయకంగా

" కాలం మారింది, మనం కాలంతో పాటు ముందుకు పోతున్నాం", అన్న భ్రమలో పడి ,  బ్రష్టుడౌతున్నాడు.!!

"తమ అధోగతికి తామే కారణం" అన్న ,

మాట మరచిన మానవుడు, తమకు తామే 

 వేసుకున్న "మత్తు" సంకెళ్లను విడదీసుకోలేక. 

బయట పడలేక ,వెర్రి చూపులు చూస్తున్నాడు.!!

అన్నీ చూస్తూ కూడా ఏమీ చేయలేని నేను,

వెనుకకు తిరిగి చూడకుండా ,

ముందుకు సాగుతూనే ఉన్నాను. !!

"ఎందుకంటే నేను సమయాన్ని . 

"వెనుకకు తిరిగి చూడను.ముందడిగే నా లక్ష్యం."!!

హామీ:

ఈ కవిత నా స్వీయ రచన.

--------------------------

2️⃣6️⃣✅ శ్రీమతి పుల్లాభట్ల జగదీశ్వరీ మూర్తి గారూ ,

"నేను సమయాన్ని. ముందడుగే నా లక్ష్యం" శీర్షికతో,

 నేటి చిత్రానికి మీరు వ్రాసిన కవిత చాలా బాగుంది.  

మానవుల మితిమీరిన వింత చేష్టలకు నిర్ఘాంతపోతూ అంచనావేయలేక వారితోపాటే చరిస్తున్నాను మౌనంగా. 

నాకు వెనుక చూపులేదు. "రాను. మీరేమైపోయినా నాకు సంబంధంలేదు "అంటూ కాలంతో ఖచ్చితంగా 

నిష్కర్షగా చెప్పించిన తీరు హర్షణీయము..

 చాలా బాగుంది. 👌🏻 ధన్యవాదములు మరియు అభినందనలు.👏👏👏💐💐💐🙏🙏🙏