సిసింద్రీలు.

06/02/2023.

"

ప్రక్రియ : సిసింద్రీలు.

రుాపకర్త  : శ్రీ కార్తీక్ నిమ్మగడ్డ గారు.

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర.

1. ఓ ఆలోచన .

--------------

మనిషి మస్తిష్కానికి పదును పెడుతుంది

మనిషిని మంచి మార్గంలో నడిపిస్తుంది .

2. ఓ  ఆవేశం.

----------

ఆశయ నిర్ణయాలకు  ఆనకట్ట వేస్తుంది.

ఆఖరున అంతరాళలో ఆవేదన మిగులుస్తుంది.

3. ఓ మాట తీరు.

-------------

ఎంత మంది మనుషులను దగ్గర చేస్తుందో

ఎంతమంది మనసులను గాయం చేస్తుందో ..

4. ఓ అబద్ధం ... 

-------------

 శస్త్రమై జీవితాల్ని నాశనం చేస్తుంది.

  శత్రువై నీలో మనిషిని హత్య చేస్తుంది.

5. ఓ చరిత.

------------

జీవిత  గమనంలో ఆశయాలకై .పోరాటం.

జీవితమంతా ఉద్యమాలతో ముగిసిన కథనం.

6. ఓ భవిత.

-----------

 అందమైన కలలతో  ఆనంద తీరం వైపు .

 అడుగడుగు అవరోధాలకు, అగుపడని గమ్యం వైపు.

 

7.  ఓ రాజకీయం.

---------------

స్వాతంత్ర్యం నిండిన దేశానికి గొడ్డలి  పెట్టు.

స్వార్ధ పుారిత నిర్ణయాలకు మనిషి జీవితాలే తాకట్టు.

8.ఓ స్త్రీ.

--------+

కారుణ్య ముార్తిగా మనలను కనిపెంచిన అమ్మ .

కామం నిండిన కళ్ళకు అంగట్లో ఆట బొమ్మ.

9. ఓ పురుషుడు.

----------------

మానవత్వంతో మసలితే మనుషుల్లో దేముడు

మదాహంకారంతో మసలితే , మృగతుల్యుడు .

10. ఓ మనిషి.

-------------

సమత -మమతల బాటలో సాధిస్తాడు విజయం .

సమానత్వ భావనతో మసలితే భుాతలమే స్వర్గం .

*****************************************