అద్భుత రచన

*మహతీ సాహితీ కవిసంగమం, కరీంనగరం*

తేదీ: *11-02-2023- శనివారం*

అంశము: *బాలసాహిత్యం(చ వత్తు పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *తేల్చి చెప్పవమ్మ! తెలుగు బొమ్మ!*

*********************

*(1)*

*ఇచ్చిన పనినే చేసెను!*

*తెచ్చిన యుంగరము జూపి దీవెనలందెన్!*

*మెచ్చెను జానకి యతనిని!*

*పిచ్చిగ రెచ్చిన యసురుల పీచము నణచెన్!*

*(జవాబు: ????)*

*(2)*

*పచ్చగడ్డి మేసి పాలిచ్చు మనకంట!*

*మచ్చికైన పశువు! మాత మనకు!*

*నచ్చినట్లు మెలగు!నరునకు నేస్తమై!*

*అచ్చమైన అమ్మ! అవనియందు!*

*(జవాబు: ???)*

*(3)*

*తాల్చెను చంద్రుని తలపై!*

*కూల్చెను త్రిపురాసురులను ఘోర రణమునన్!*

*కాల్చెను మన్మథు జ్వాలల!*

*కొల్చిన మోక్షమునిడు!మన కోర్కెలు దీర్చున్!*

*(జవాబు: ???)*

*(4)*

*పిల్చిన తప్పక పలుకును!*

*తేల్చెను గోవర్ధనగిరి తృణమాత్రమునన్!*

*తాల్చును పింఛము తలపై!*

*వేల్చివరల పట్టియూదు వేణువునతడే!*

*(జవాబు:- ???)*

*(5)*

*వచ్చిన కవులను జేర్చుకు*

*నిచ్చిన రచనలను జేయ నిష్టముతోడన్!*

*మెచ్చుక పత్రములిచ్చెడి*

*యచ్చపు సాహిత్య సంఘమది!జూచితిరే!*

*(జవాబు:-???)*

*********************

హామీపత్రము: *స్వీయరచన*

*(జవాబులు)*

*1.హనుమంతుడు*

*2. ఆవు*

*3.శివుడు*

*4. శ్రీకృష్ణుడు*

*5. మహతీ*

*నా పొడుపు పద్యాలను ఆదరిస్తున్న కవిమిత్రులు అందరికీ హృదయ పూర్వక ధన్యవాద నమస్సులు!*

----- *వేణుగోపాలుడు*

🙏🙏🙏🙏🙏

🌹🌹🌹🌹🌹