పొడుపు లథలు

*మహతీ సాహితీ కవిసంగమం, కరీంనగరం*

తేదీ: *25-02-2023-శనివారం*

అంశము: *బాలసాహిత్యం(జవత్తు పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *పొడుపు విప్పవమ్మ!బుజ్జిబొమ్మ!*

ప్రక్రియ: *పద్యము*

*********************

*(1)*

*అర్జనంబు సేయ నదియెంత తృప్తియో!*

*స్వార్జితంబులిచ్చు సంతసములు!*

*గడ్డిమేయదెపుడు గర్జించు సింహము!*

*వర్జితంబు గాదె పరుల సొమ్ము!*

*(2)*

*అన్నలిద్దరుందు రత్యంత బలశాలు*

*లనుజులిద్దరుందు రతని వెనుక*

*మధ్యసోదరుడయి మహినంత గెల్చెను*

*పొడుపు విప్పవమ్మ!బుజ్జి బొమ్మ!*

*(3)*

*పాలు పెరుగు త్రాగి పర్జన్యుడిని గెల్చె!*

*కర్జమేదియైన కన్నడచట!*

*నీతివైపు నిలిచి నిర్జించె నసురులన్!*

*పొడుపు విప్పవమ్మ!బుజ్జిబొమ్మ!*

*(4)*

*ముజ్జగంబులందు ముక్కంటిగా తాను*

*పూజలందుకొనును! భోగమిచ్చు!*

*పుత్రుడాయె తనకు బొజ్జగణపతియే!*

*పొడుపు విప్పవమ్మ!బుజ్జిబొమ్మ!*

*(5)*

*పాలనుండి వచ్చు!పాలకు తోడౌను!*

*పెరిగినంత జిలుక వెన్న వచ్చు!*

*త్రాగినంత మనకు దాహమే తీరేను!*

*పొడుపు విప్పవమ్మ! బుజ్జిబొమ్మ!*

*********************

హామీపత్రము: *స్వీయరచన*

*జవాబులు*

1. --------- (నీతి పద్యం)

2. *అర్జునుడు*

3. *కృష్ణుడు*

4. *శివుడు*

5. *మజ్జిగ*

*నా పొడుపు పద్యాలను ఆదరిస్తున్న కవిమిత్రులు అందరికీ ధన్యవాదనమస్సులు*

--- *వేణుగోపాలుడు*

🙏🌹🙏🌹🙏🌹🙏🌹🙏