ప్రకృతి తో పయనం( కవిత)

30/04/2023.

జయ శంకర సారస్వత సమితి కవితా పోటీల కొరకు,

శీర్షిక  : ప్రకృతితో పయనం.

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర .

చల్లనిగాలి వీచే వేళలో పయనించే మల్లెపూల

 మత్తు పరిమళం మురిపిస్తోంది.

కోయిలమ్మ పాడే పాటలో నిండైన  రవం , 

హాయినిండు  నిత్య వసంతమై మరపిస్తొింది॥

పరుగులు తీసే మనసు విహంగం

ఆ పరుగుతో పయనించే వయసు యానమై

ఇంద్రధనుసు ప్రభల పరుగుల స్వప్నమయ్యింది.. ॥

                        

కన్నె మనసు కవితైెతే ,ఆ కవితలింద్రధనుసైతే 

ఆకాసమంతా చిలిపి కలల మిణుకు తారలే కదా! .. 

ఆ తారలన్నీ మెరిసే చిరు వెన్నెలలై  కురిస్తే

ఆ చందమామ కళలలో దాగిన వలపు కధలే .కదా!॥

మబ్బుచాటున దాగిన మేఘం,  చినుకై కురిస్తే

 నా మనసు వేచియున్న ఒక చకోరమై నిలుస్తే..

తొలి చినుకు తడికి పడే ఆరాటం ఓ ప్రేమే కదా !॥

ఇలలోని అందమంతా నే పాడే పాటకు పల్లవైతే 

జలజలల సాగే రాగ ఝరుల సందడి సడి

నా మదిలో రేగిన కలకలాల అలల సడులే కదా ! ... 

చిన్ని చిన్ని  చిలుక జంటలు ,పచ్చనైన  

చేల పంటల్లో  చేసే కువ -కువల  కిల- కిలలు 

నా మధుర గీతిలొ నిండు లయకు పదములే కదా... ॥

చిరుగాలి వెంట నా పయనం ,

కెరటాల నడుమ నా గమనం , నాలో

భావాలే అలలై తేలుతుా , చేరుకున్న తీరం ,

నే కోరుకున్న మధురమైన  గమ్యమే  కదా ॥    

మనసంత మధుర భావం నిండియుంటే

 మదినిండ రసపు పానం కదలుతుాంటే

అది పండు వెన్నెలంత తీయనైనదే కదా ! ...

పుాచే పూల సౌరభం, మలయారుత వలయ మైతే

చిరు చినుకు తడులు నిండిన మట్టి సోరభం -

చిన్నారి విత్తుకు, మొలకై  నిలిచే  ప్రాణంమే కదా !॥

తలపించు  వేయి వినొదాల హాయి తలపుల్లో .... 

చేసే సంగీత- సాహిత్య -స్వర  ,విహారానికి

స-రి-గ-మ సఖుల సాయమే శృతి లయలైతే ,

సరదాలు చిందు రాగ మధువుల మకరందలో

మనిగే జీవితం ,ఆనంద మధు పరాగమేకదా. ॥

హామీ : 

పై కవిత నా స్వీయ రచన.

____________________________________________