కవిత..ఎర్రగులాబీ..

"ఎర్రగులాబీ". 

______________

  

". 

శీర్షిక :ఎర్రగులాబీ

అక్కడ ఉందో గులాబీ తోట 

అందమైన పూలతో విరబూసి

పచ్చని ఆకులతో

 కళకళ లాడుతూ ...... 

చిగిర్చిన చిరు కొమ్మల 

లేలేత పలకరింపులతో 

సేదతీర్చే మత్తైన పరిమళం 

వికసించే పూల వికాస మాధుర్యం 

ఆస్వాదించే తోటమాలి కన్నుల్లో 

కదలాడే జ్ఞాపకాల కలకలం ॥ 

చిన్నారి గులాబీ కొమ్మను 

చిగురింపచేయడానికి 

తపనతో పడిన శ్రమ 

గొప్పులు తీసి ,నీరు పోసి 

కంటికి రెప్పలా కాచే క్షణాలు 

కొమ్మ చిగిర్చిన రోజు 

పులకరింపుతో చిందులేసే 

సంతోష  తరంగాలు ,

అందరికి వినిపించిన 

ఆశల సరాగాలు 

కన్న  కలల 

ఆనంద సౌధాలు ॥ 

మొగ్గ తొడిగిన గులాబీలు 

వికసించిన రోజు 

శ్రమ పడిన శరీరం 

సేదతీరిన ఆనందపు గగుర్పాటు ॥ 

ప్రాణానికి ప్రాణంగా 

పెంచుకున్న ధనం 

చెట్టుపై పెరిగిన మమకారం 

అందని ఎత్తుకు ఎదిగి 

అరవిరిసిన అందం 

తన సొంతమనే గర్వం ॥ 

అందుకుందామన్న ఆతృతలో 

ఆకులచాటున దాగిన ముళ్ళు 

కసుక్కున గుచ్చుకున్నప్పుడు 

తన్నుకొచ్చిన బాధా వీచిక ....  

ఓర్పు నిండిన కంటి తడిలో 

మసకబారిన పూల రంగు 

చివ్వున చిందిన రక్తానికి 

ప్రతీకగా ........." ఎర్రగా" .... 

విచ్చుకున్న"  ఎర్రగులాబీ "

ముళ్ళమధ్య ఎత్తుగా కనిపించింది 

జీవిత సత్యాలకి చిహ్నంగా .... 

_______________________________

కవిత..వ్రధ్ధాశ్రమం.

       "వృద్ధాశ్రమం". 

___________________________

జరుగుతున్నదక్కడో సమావేశం ......... 

కాన్తిహీనపు కన్నుల్లో

 కరడుకట్టిన కన్నీటి పొరలు 

కాలచక్రం కింద నలిగిన

 బాదాభరిత భాష్యాలు 

గడచిన జీవితపు అచ్చట్లు 

,పిల్లల పెంపకాల ముద్దు-ముచ్చట్లు

కష్ట్తాల  కావిళ్ళ తట్లు

అప్పుల బాధల అగచాట్లు 

జీవిత నైరాశ్యపు నగుబాట్లు,

కల్లలైన కన్నీటి నిట్టూర్పు కోట్లు 

ఒకరి బాధ ఇంకొకరికి చెప్పుకొని 

,తృప్తి పొందే ముసలి జట్లు 

అవే వారి మనస్సుకు

 తీర్పునిచ్చే టాబ్లెట్లు 

బడలికతో వడలిన దేహాలు

బందింపబడ్డ బతుకు భారాలు 

నలిగిన  మనసుల్లో

 నాటుకున్న నైరాశ్యం 

ముడతలుపడ్డ ముఖాల్లో

నాదంటూ లేని దైన్యం 

వెలసిన రాతి బీటల్లో

గూడు కట్టుకున్న కన్నీటి గాధలు 

ప్రతీ జీవితానికి ఒక కధ

ప్రతీ కధలోనీ తీరని వ్యధ 

కధల కలం నుంచి వెలువడిన

రంగుల రాతలతో వెలసిన

" వృద్దాశ్రమం" బోర్డ్ 

మట్టి కొట్టుకుపోయిన మమకారంలా

మసిబారి , వెల-వెలబోతోంది 

మారని మనస్సుల కరకు నిర్ణయాల 

" కఠినాస్త్రం " లా .... 

________________________

రచయిత్రి , శ్రీమతి ,జగదిశ్వరిముార్తి.కల్యాణ్.

 

కవిత..పుాబాల

"పూబాల "

---------------

( ఆడపిల్లలకి రక్షణ కల్పించండి )

శీర్షిక

అందాల పుాబాల.

-------------------------

అందాల పూబాల వికసించే పరువాల 

కలువకన్నులతోడ చూచె  నాడ  ఈడ 

వింతగా కనురెప్పలు విప్పీ వివరంగ చూచి 

ఎంతగానో మురిసే వనమంతా పరికించి ॥ 

ఆ తోటలో పూలు రంగు వలువల చెలులు 

వలపు వింజామరల పంచె సౌరభములు 

మొగ్గ తొడిగిన సాటి ముద్దు బాలలతోటి 

కవ్వింత,తుళ్ళింతలాడి పాడెను కలసి ॥ 

అంత  నరుదెంచెనా తోట వనమాలి 

పూలబాలల తెంపె  వాడు దయమాలి 

విరిసి విరియని పూల చేర్చె నంగడిలోన 

వెలగట్టి తెగనమ్మే కరకు సందడితోన ॥ 

చిదిమే కొందరు వాని నలిపే భోగులు మేని 

కొన్ని చేరెను బలికై   ఎన్నో నలిగెను చితికి 

కన్నీరై  మున్నీరై  వాడి నలిగిన  బేల 

ఏల పూచితి ననుచు వగచె విరిసిన బాల ॥ 

_______________________________

రచన, శ్రీమతి,

పుల్లాభట్ల జగదిుశ్వరీముార్తి.

కల్యాణ్. మహారాష్ట్ర .

8097622021.

----------------------

అధోగతా......పురోగతా.......?.

Adhogataa Purogataa

అధోగతా...పురోగతా?
---------------------------------
మారుతున్నకాలంలో మనిషి ఎటువైపు ప్రయాణిస్తున్నాడో చెప్పడం కష్థమవుతున్నాది . మన పూర్వికులు నిరక్షరాస్యులు , అవివేకస్థ్థితిలో ఉన్న మానవులకోసం వారి యాంత్రిక, దైనందికజీవనాన్ని దృష్థిలోపెట్టుకొని మన సంస్కృతికి కొన్ని సాంప్రదాయాల్ని శాస్థ్రాను కూలంగా కొన్ని ఆచార -వ్యవహారాలని జతకూర్చి , పురాణాలకి ప్రశస్త్యమిచ్చి , దేవతలని ,
వాటిరూపాలని, రూపాన్నిబట్టి దేవతల విశిష్థ గుణ-గణాలని మేళవించి , హైందవసంస్కృతిగా దానిని ఆచరణలోపెట్టేరు .

( ఐతే వైదికకాలంలో పరమాత్మస్వరూపాన్ని రూపరహితంగా , సత్యస్వరూపంగా ఆరాధిస్తూ " బ్రహ్మ, నిర్గుణ, ఈశ్వర: " అనే శబ్ధంతో ఆరాధించేవారు . ఈ నిరాకారస్వరూపానికి ఏరకమైన ఆకారమూలేదు . ఆకాలంలో ఋషులు , మునులు , ,మొదలైనవారు శిలారూపదేవతలని పూజించినట్లు ఆధారాలుకూడాలేవు )

అప్పుడుకూడా ప్రజలు పెద్దలు ప్రవేశపెట్టిన పద్ధతులకి తమతమ ఆలోచనాపంధాలని జతకలిపి , దేవతార్చనలు , దేవీబలులు, స్థ్థ్రీలకట్టుబాట్లు , ఆచార-వ్యవహారాలలో కఠిన నియమ-నిబంధనలు జతకూర్చి , కన్యాశుల్కం , బాలవివాహాది - విధవాముండనాలవంటి కఠోర నియమాలతో జీవితాలని దుర్భరం చేసుకున్నారు .

జాతులు, శాఖలు , ఉచ్చవర్గాలు , నీచవర్గాలు అంటూ తమసాటి వారిని తమతో వేరుచేస్తూ కట్టడి చేసేవారు .

కాలం గడుస్తున్నకొలదీ వీరిలోకూడా మార్పు వచ్చింది . కొన్ని కట్టుబాట్లు వెసులు పడ్డాయి . ఆడపిల్లలను చదువు, సంస్కారాలకై స్కూళ్లకి పంపడం , యుక్తవయస్సువచ్చాకా వివాహాలుచేయడం , కన్యాశుల్కం వంటివి రూపుమాపడం వంటి చిన్న-చిన్న మార్పులు మొదలయ్యాయి.

ఈమార్పు ఇంతటితో ఆగలేదు . మగవారు వ్యవసాయం , పౌరోహిత్యం , వేదపఠనం వంటివి వదలి ఉద్యోగస్తులయ్యేరు . కాలం మారిందిం, మనం మారాలి ,అంటూ మరీ ముందుకు సాగిపోయారు .

దాని పర్యవసానంగా పొద్దెక్కినా నిద్రలేవని పడకలు , ఒక సమయం , పద్ధతీ లేని ఆహారపూలవాట్లు , సుచీ - శుభ్రతా లేని దైనందిక చర్యలు , దైవం అంటే ఎవరు ? ఆచారం అంటే ఏమిటీ ? అంటూ వితండవాదం చేస్తూ అజ్ఙానంలో కొట్టుకుపోతున్నామన్న ధ్యాస కూడాలేకుండా వ్యవహరిస్తున్నారు .

మితిమీరిన స్వాతంత్ర్యం మినీబట్టలరూపంలో , మాదకద్రవ్యాల మత్తులో ,మనుగడమరచి ఆడా, మగా, తేడాలు విడచి వికటంగా వెకిలిపోకడలుపోతున్నాది .మనిషి వికాసానికై తోడ్పడవలసిన విజ్ఞానం మందుగుండు పేలుళ్లతో మసికొట్టుకుపోయింది . స్వాతంత్ర్యానికి మరో మెట్టు , అబలల ఆర్తనాదాలు , బాల-బలాత్కారాలు , భ్రూణహత్యలు .ఈ పరిస్థితిలో ఏదిమంచో, ఏదిచెడో నిర్ణయించుకోలేక మానవజీవనం అగమ్యగోచరమవుతున్నాది . ఎందుకంటే కాలంలో ఏ మార్పూ రాలేదు . మనిషి మాత్రం మారేడు .

రాను, రాను సమాజ పరిస్థితి ఎలామారిందంటే , ఆధునికపోకడలంటూనే ఆచారాలంటారు , కానీ వాటిని పాటించరు . సంస్కారం ఇది , అంటారు కానీ ఎక్కడా కనిపించదు. స్త్రీ లకి స్వాతంత్ర్యం అంటారు , కానీ రక్షణ లేదు .మాట్లాడే మాటలో
మృదుత్వం లేదు , కట్టే బట్టలో నిండుతనం లేదు . నీతులుచెప్పేవారు తమదాకా వస్తే తప్పుకుంటున్నారు . రాతలు రాసేవారు రాయడంతో తమపని అయిపోయిందనుకుంటున్నారు .

ఎవరో వస్తారు , ఏదో చేస్తారని మిగిలినవాళ్లు ఎదురుచూస్తున్నారు . ఇలా చేసేబదులు అంతా ఒక్కటై ఒక నవ, సమసమాజాన్ని 
స్తాపించి , మంచిగా , మహొన్నతంగా , మానవత్యంతో బతికే మహాప్రస్థానాన్ని ప్రతిష్థిస్తే  , అందరం
ఒక్కటై కలసి జీవిస్తే ,...............

ఈ అల్లర్లు ఉండవు . ఆర్తనాదాలు ఉండవు . అప్పుడే " సత్యం వద - ధర్మం చర " అన్న పదానికి న్యాయం చేకూరుతుంది .

అదే నిజమైన జ్ఞానం , నిశ్చలమైన భగవత్తత్వస్వరూపం ..
విజయోస్థు .
-----------------------------------------------
రచన..శ్రీమతి',
పుల్లాభట్ల జగదీశ్వరీముార్తి.
కల్యాణ్.
-----------------------------------

*****

మనమంతా ఒక్కటే |

మనమంతా ఒక్కటే .
*****

బ్రహ్మ తను చేతనాస్థ్థ్తితిలో ఉండగా చేసిన సృష్థ్థి సర్వోత్తమమైనదిగాను , అచేతనాస్థ్థితిలోఉండి చేసిన సృష్థ్థి భీభత్సముగాను మారినది . ఉత్తమమైన సృష్థ్థిలో ఋషి , ముని , దేవతాది సర్వగుణ సంపన్నులు జనియించగా అస్థవ్యస్థస్తితిలో నుండగా చేసిన సృష్థ్థిలో దానవ , విష -క్రిమికీటకాది క్రూర జంతువులు ఉద్భవించినవి .

వాటికారణంగా లోకమంతా అస్థవ్యస్థమైనది . అటువంటిసమయంలో దుష్థ , దానవ , క్రిమి-కీటకాదుల సంహరణార్ధం యజ్ఞయాగాదులు చేయదలచి దేవతలు సంసిద్ధులు కాగా , దైత్యాది విషకీటకాదులు ఆటంకపరచడం మొదలైంది . వాటి బారి-బాధలనుంచి విముక్తికై యొచన చేసిన శక్తిస్వరూపడైన భగవంతుడు తాను చేసిన సృష్థిని నాలుగు భాగాలుగా విభజించి యజ్ఞ, -
యాగది శుభకర్మలకు కర్తలుగా కొంతమందినీ , అవసర సామగ్రిసమకూర్చడానికి కొంతమందినీ ' యజ్ఞపరిరక్షణకై మరికొంతమందినీ , వీరందరిరక్షణ -పర్యవేక్షణకై ఇంకొంతమందినీ నియమించీ ,వారివారి కర్మానుసారంగా గుర్తింపుకై బ్రాహ్మణ , క్షత్రియ , వైస్య , శూద్రులుగా విభజించడమైనది .
వీరిలో ఏఒక్కరికొరతైనా యజ్ఞకర్మ పరిపూర్ణంకాదు . బ్రాహ్మణుడు పవిత్రుడై వేద-మంత్రాది స్థోత్రపఠనం చేస్థూ యజ్ఞాహుతికై ద్రమువ్యలు   సమర్పించుసమయంలో క్షత్రియులు , దైత్యాది- క్రూర మృగాది , క్రిమి -కీటకాల బారినుండీ యజ్ఞరక్షణ గావించుట , వైస్యులు యజ్ఞసామగ్రి సమకూర్చుట , శూద్రులు వీరందరి సౌకర్యార్ధం అవసరకార్యాలు చేస్తూ యజ్ఞరక్షణ సానుకూలపరచడం చేస్తూఉండేవారు .
ఈ నాలుగువర్ణాల కష్థ ఫలితంగా యజ్ఞపురుషుని తృప్తి పరచి దుష్థశక్తులను విధ్వంసంచేసి శాంతిస్థాపన చేయడం ఆకాలంనుంచీ మొదలై ,రానురాను ఆచారంగా మారింది .

అయితే యజ్ఞయాగాదులు చేయడం ఎందుకు ?, అసలు దేముడంటే ఎవరు ? అన్న ప్రశ్నలు రావచ్చు.

భగవంతుడు అనేదానికి ఒకరూపమంటూ లేదు . అది ఒక విశ్వ-చైతన్యశక్తి .ఆ శక్తివల్లే ఈ పూర్తి ప్రపంచమంతా ఆధారపడిఉంది . గాలికి , వెలుతురుకి , నీటికీ , అగ్నికి ,ఒక రూపం అంటూ లేదు . కానీ వీటిని వేటిలో బంధిస్తే వాటిరూపుని సంతరించుకుంటాయి .అలాగే ఈ భగవత్-శక్తికి మనం మన ఆలోచనలకి అనుకూలంగా ఆకారాలని , పేర్లని , మనమే కల్పించుకొని కొన్ని నిర్దిష్థమైన నియమాలని నిర్ణయించుకున్నాము . ఈ శక్తిని మనం ఏ రూపం లో ఆరాధించినా ఇచ్చే ఫలితం ఒక్కటే . కారణం ఈ శక్తి కోరేది సత్కర్మ , సదాచరణ , సద్ధర్మ పరిపాలన .

రామభక్తుడైన హనుమంతునికి సముద్రలంఘనానికి ముందు , అతను శక్తిమంతుడనని తెలియచెప్పేందుకు సుర , గణ , సేనాదులు ఆతని శక్తిని పేర్కొని ఆతనిముందు వర్ణించగా , ఆ సామూహిక వాక్పటిమాశక్తి ఆతనిని ఆవహించీ , మహాబలుడై
ఎన్నో క్లిష్థకార్యాలను సానుకూలపరిచేడని పురాణాలు చెపుతున్నాయి .

కాబట్టీ భగవంతుడనే ఈ శక్తి జాగ్రూతమవ్వాలంటే " ఓంకార " మనే ప్రణవాన్ని సామూహికంగా ఉచ్చరిస్థూ సమారాధనచేయాలి . దానివల్ల ఈ శ్రీశక్తి మహొజ్వలంగా మారి సంకల్పశిద్ధిని కలుగజేస్థుంది . ఈ శక్తివల్లే మన శరీరం లోని ప్రతీ కదలికా ఆధారపడి ఉంది . అటువంటి శక్తి విశ్వశక్తిగా మారాలంటే , ఆవాహన , ఆరాధన , మంత్రోచ్చరణ అవసరం .
అది యజ్న్యయాగాదులవల్ల , నిష్థాగరిష్థులైన సద్బ్థ్రాహ్మణుల మంత్రోచ్చారణ , వేద-పఠనాది సత్కర్మలవల్లా సంభవమవుతుంది . దానికొరకై బ్రాహ్మణుడుచేసే సమారాధనకి సమాన సహాయ-సహకారాలు అందించేది మిగిలిన మూడువర్గాలవారు గనక ఇందులో ఒకరు హెచ్చు ,ఇంకొకరు తక్కువ అనే ప్రసక్తి లేదు .
విశ్వశాంతికై అందరూ కలసి వివేకంగా వ్యవహరిస్తే ప్రజారక్షణ , శాంతి-సంరక్షణా సాధింపగలుగుతాము . ప్రతీఒక్కరిలోను ఉండేది ఆ పరమాత్మస్వరూపమే. దానికి చావు, పుట్టుక , వర్ణభేదం , వర్గభేదం లేదు . కానీ శరీరానికి సంబంధించీ కొన్ని నియమాలూ, నిష్థ్థలూ , సాంప్రదాయాది - స్వద్ధర్మ కర్మలూ కాక కామ, క్రోధ , లోభ , మోహ , మద , మత్సర్యాది ఆరు
శతృవులు ఆవహించి విటిచే పీడింపపడుతూండడం వల్ల , ధర్మాది , కామ ,మోక్షాలకోసం సామూహిక సత్కర్మలు , యజ్ఞయాగాది మంత్రోచ్చరణ సాధనలు చేయమని నిర్దేసించడమైనది .

కనుక ఆలోచనాపరులమైన నమంతాకలసి విశ్వకల్యాణంకొరకు ,విలక్షణమైన మార్గాలను అనుసరిస్తూ , కలసి,మెలసి , సంఘమర్యాదలు పాటిస్థూ , సత్సంగజీవనం కొనసాగించాలి.

మనకున్న వేళ్ళలోనే ఒక్కవేలికి బలముండదు , కానీ ఐదువేళ్ళు కలిస్తే ముష్థిఘాతమవుతుంది . అలాగే అందరం కలిస్తేనే సమైక్యతానందాన్ని పొంది , సద్గతి పొంద గలుగుతాము .

ఐకమత్యమే మహాబలం.

ఆలోచించండిమరి .
సర్వే జనా: సుఖినోభవంతు .
ఓం శాంతి:
----------------------
రచన  , శ్రీమతీ ,
పుల్లాభట్ల జగదీశ్వరీముార్తి.
కల్యాణ్.

నవావర్ణ శ్లోకాలు

|| ధ్యానం ||

ధ్యాయేత్ ఆది మధ్యాంత రూపిణీ ,
అఖండైక రస వాహినీ, |
అష్థాదసా పీఠ అఘనాసినీ, దేవి ,
ముక్తిప్రదాయినీ, సంగీతరసపోషిణీ ||

అరుణ కిరణోజ్వలాకాంతిరసభాసినీ,
అ,క,చ,ట,త,ప వర్గాది గుణభేదినీ , |
అంబ యంత్రాది ,కాది,సాది,
మంత్రాది వసనీ ,కామేశి శివకామినీ ||

1. త్రైలోక్యమోహన చక్రం .
ఆనందభైరవి రాగం .
*****
సర్వానందకరీం ,జయకరీం ,
త్రిపురాది చక్రేశ్వరీం |,
శర్వాణీ షడ్చక్రభేదకరీం ,శివసతీ,
నిగమాదిసంవేదినీం ||

మహిషాసురాది దైత్యమర్దనకరీం ,
భయహరీం, అణీమాద్యష్థ సిద్దేశ్వరీం |,
'' త్రైలోక్యమోహనచక్ర'' నిలయీం ,
సురనుతాం,'' ఆనందమయి భైరవీం'' ||

2 సర్వాశాపరిపూరకచక్రం ,
కళ్యాణి రాగం.
*****
'' సర్వాశాపరిపూరకచక్ర ''నిలయే ,
శర్వాణి శివవల్లభే .|
శ్రీవాణీ, రమా ,సేవితపార్స్వయుగళే ,
పర్వేందుముఖి పార్వతే ||

దూర్వాసార్చిత దివ్యపాదయుగళే ,భగవతే,
భవ,బంధ,భయ మోచకే |
ఉర్వీతత్వాది స్వరూపిణీం , చైతన్యఖనీం ,
'' కళ్యాణి '', ఘనరూపిణీం ||
3 . సంక్షోభణచక్రం .
శంకరాభరణం రాగం .
*****
అనంతకోటి బ్రహ్మాండనాయకీం ,
''సర్వసంక్షోభిణీం'', బ్రహ్మాణి బహురూపిణీం |
అనంగాద్యుపాసినీం అనంగకుసుమాం,,
అంబ అష్థ్థాదశాపీఠికాం ||

హస్తే అంకుశ,చాప, బాణ, ధనుధరీం ,
జయకరీం తత్త్వప్రదే , శాంకరీం |
శతసహస్రరత్నమణిదీప్తీం,మందేస్మితేందువదనాం ,
' శంకరాభరణవేణీం '' ||

4 .సకలసౌభాగ్యచక్రం .
కాంభోజిరాగం .
*****

నమ: అంబికాయై , నమ:చండికాయై ,
నమ : ఓంకార, హ్రీంకార, బీజాక్షరై |
నమ '' కాంభోజ''చరణే ,చతుర్దశభువనే ,
'' సకలసౌభాగ్య '' శుభదాయినే ||

నమ:కల్మషహరణే కలిసంతరణే ,
చతుర్వర్గ ఫలదాయినే ......|
నమ: కామేశ్వరీ, కాళికే, ఘనకపాలికే,
సకల భువనాంతర్గతపాలికే ...||

5 . సర్వార్ధసాధకచక్రం .
భైరవిరాగం .
*****
'' సర్వార్ధసాధకచక్ర '' నిలయే,
బహిర్దసాదిచక్రవలయే, బహురూపికే ''భైరవే'' |
నిత్యశుద్ధే, ముక్తబుద్ధాభేద్య, సత్ --
చిదానందమయి సాత్వికే ||

త్త్ర్రైమూర్తి త్రిగుణాత్మికే ,ధరనుతే ,
క్షిత్యాదిశివశక్తి స్వరూపాత్మికే. |....
కదంబవనవాటికే, త్రిభువనపాలికే,
దేవి త్త్వ్రైలోక్యరక్షాళికే ,,,,,||

6. సర్వరక్షాకరచక్రం .
పున్నాగవరాళిరాగం .
*****

దశరాదివినుతే గురుగుహవిదితే , దేవి-
దశశక్తి దైత్యాళికే ..... |
''సర్వరక్షాకరీ '', సర్వసంపత్కరీ , దేవి ,
కైలాశరమణేశుమణి సాత్వికే ||

దశకళాత్మికే , దశరసాత్మికే ,దేవి -
సంగీత, సాహిత్య , రసపోషికే.....|
అతిమధురవాణీ ,'' పున్నాగవరాళివేణీ ''
పాహి | సర్వజ్ఙే శివకామినీ....||

7 . సర్వరోగహరచక్రం .
శహనరాగం .
*****

రాజీవనయనే ,.. రాకేందువదనే ,
''శహన'' రాగోత్సాహి లయరంజనే |
స్వాత్మానుభోగినీ , శుభరాజయోగినీ
దేవి ,ఓంకారి, హ్రీంకారి ,జనమోదినీ ||

అతిరహస్యయోగినీ "సర్వరోగహరచక్రస్వామినీ ''
దేవి వాగ్దేవతారూపి విద్యాఖనీ |
కోదండధారిణీ , వీణాసువాదినీ , దేవి -
శరణార్తిశమనీ , సుసౌదామినీ ..||


8 . సర్వశిద్ధిప్రదచక్రం .
ఘంటారాగం .
*****
ఆవాహయే దేవి , అరుణోజ్వలే, అంబ -
దైత్యాళి , జయకాళి , జగదంబికే ....|
సర్వ శక్త్యాత్మికే , దేవి సుకసారికే దివ్య ,
'' ఘంటామణిఘోష '' కవాటికే.......||

నఖోదితవిష్ణు , దశరూపికే , దేవి
దశాకరణ శబ్ధాది అంతర్లయే |
సర్వాత్మికే , సర్వరక్షాకరీ, '' సర్వ -
వరశిద్ధిప్రదదాయి '' త్రిపురాంబికే ||

9 .సర్వానందమయచక్రం .
ఆహిరిరాగం .
*****

జయతి జయతి అంబే, శృంగారరస కదంబే ,
శివకామేశ్వరాంకస్థ - బింబేందుబింబే....|
చింతామణిద్వీప మంచస్థ్థితే , దేవి -
చిద్బింబ , శివరూపి , చక్రస్థితే......... ||

కమలాంబికే దేవి విమలాత్మికే ,
''సర్వ ఆనందమయి'' రూపలలితాంబికే |
శాకంబరీ, దేవి శాతోదరీ జనని ,
దుర్గా,రమా, వాణి సతి సాత్వికే ||

జమంగళం |, దేవిం శుభ మంగళం ||
నిత్య జయ మంగళే , శక్తి కురు మంగళం ||

ఓం | భూ: శాంతిప్రదే | భువన శాంతి ప్రదే |
భూత , ప్రేతాది - గ్రహపీడ శమనహ్రదే .....|
సకలసౌభాగ్య ప్రద పూర్ణమయి మంగళే |
ఓం.......శాంతి:......శాంతి: ......శాంతి:. . ||

రచన -
పుల్లాభట్ల జగదీశ్వరి .