Friday, October 8, 2021

నవ దుర్గా స్తుతి

కవి పేరు: రచన : శ్రీమతి: పుల్లాభట్ల జగదీశ్వరీమూర్తి .
ఊరు: కల్యాణ్ : మహారాష్ట్ర.
శీర్షిక:  నవ దుర్గా స్తుతి.
ప్రక్రియ: ఇష్టపది.
ఈ వారం కవిత సంఖ్య:  4.

1.శైలపుత్రి
2.బ్రహ్మచారిణి
3.చంద్రఘంట
4.కుాష్మాండ
5.స్కందమాత
6.కాత్యాయని
7.కాళరాత్రి 
8.మహాగౌరి 
9.సిద్ధిధాత్రి.


ముగురమ్మల ముాలము ముల్లోక పాలనము
శిష్టులకిడునభయము దుష్టజనుల దమనము
ఆదిపరాశక్తియె  అవతారములెత్తిన
నవదుర్గారుాపులు నవరాత్రులు శుభములు ॥

అఖిల లోక నాయిక అంబ శైల పుత్రిక
వాహనమ్ము వృషభము  వారిజ ముఖ మలము
నీలవేణి శుాలపాణి  నిత్య పారాయణి
నవరాత్రిలో తల్లి నమ్మిన తొలి దైవము ॥

ధవళ వస్త్ర ధారిణి తరుణి బ్రహ్మచారిణి
కర కమండల ధరి, సు కాంత జ్ఞాన రుాపిణి
జపమాలా ధారిణి జగదీశ్వరి జననీ.
తపఃచార్ని  దయగుణి తవ చరణం శరణం

చంద్రఘంట  రుాపిణి చంద్రిక ముఖ తోషిణీ.
శక్తి ధైర్య రుాపిణీ  శాంకరి  భయ హారిణి
ధుామ్రలోచను దమనీ దుఃఖ,  పాఫ ,నాశినీ
నవ దుర్గా రుాపిణి  నాద వేద రుాపిణి ॥

విశ్వ శక్తి రుాపిణి  విజయ విశ్వ మొాదిని
అష్ట భుజా రుాపిణి  అష్ట అస్త్ర  ధారిణి.
కుాష్మాంద స్వరుాపిణి గుాడగుణ స్వభావిని
ఆది శక్తి  రుాపిణి  అంబ సింహ వాహినీ॥

ఐశ్వర్య ప్రదాయిని అంబ మొాక్ష కారిణి.
ఇహ పర సుఖ దాయిని ఇచ్ఛా పుార్తి కరణి
స్కందమాత పావని స్కందుని ప్రియ జనని
తారకసుర భంజని ధరణోద్ధర కారిణి ॥

 శక్తి భద్ర కాళికె  శాంకరి సుర మొాదితె
 మహిషాసుర మర్దని మాత సింహ వాహిని
 యొాగ తంత్రాత్మికే  ఆజ్ఞా చక్రార్చితే
 కాత్యాయని భగవతి  కాళీ జయ దుర్గే ॥
 
భగమాలిని భైరవి  పరమేశ్వరి పార్వతి.
సర్వాంతర్యామిని సర్వ హృదయ వాసీని
మణి ద్వీప నివాసిని మాత వేద రుాపిణి.
దుర్గా త్రై యంబికెే  దుర్లభే శివాత్మికే ॥

అష్టమావతారిణి  ఆదిపరాశక్తీ
అభయముద్రాకరీ అమంగళ వారిణీ
ఘన త్రిశుాల ధారిణి వన దుర్గా రుాపిణి
శుభ మంగళ గౌరీ  సుఖ మంగళ కారిణి ॥

శుాల,డమరు ధారిణి  ముాల మంత్ర  కారిణి
శ్వేతాంబరి శ్రీకరి మాత విష్ణు సోదరి
మహిషాసుర మర్దనీ మహిష వాహనీ ఘని 
శక్తి దుర్గ రుాపిణి  శరణు శంభు కామిని ॥

సిద్ధిధాత్రి  శ్రీకరి  బుద్ధి ప్రద శాంకరి.
ఇహ పర సుఖ కారిణీ  ఇందు వదని ఈశ్వరి.
శంఖ చక్ర ధారిణి   సార పద్మ లోచని
బ్రహ్మ జ్ఞాన ఫలకరి బ్రాహ్మీ మాహేశ్వరి.॥

సర్వ సిద్ధి వరదే   శర్వు రాణి శుభదే
అభయప్రద హస్తే అంబే శివ శక్తే.
నవ దుర్గా రుాపే నారాయణీ సతే
నవ రుాపిణి మాత్రే  నామ విజయ కీర్తే ॥

***********************

Friday, August 6, 2021

పరమపద సోపానపథము( వైకుంఠపాళీ).

రచన : శ్రీమతి : 
పుల్లాభట్ల జగదీశ్వరీముార్తి.
కల్యాణ్ .: మహారాష్ట్ర .

శీర్షిక : జీవిత వలయం.

రాతియుగంలో  సశ్య
శ్యామల మైన  సుందర దేశ ప్రకృతి
ఆదిమ వాసుల అరమరికలు లేని జీవితం
స్వశ్ఛ మైన ప్రకృతి వనరుల పచ్చ ధనం
తేట నీరు, వీచు గాలుల శుద్ధమైన
ఆరోగ్య సంపదకు నిలయం
మారుతున్న కాలంలో 
మనిషి వేసిన ముందడుగు
జాతి ,మత విభజనలు , 
విద్యా విధానాలో వర్ణ విభజనార్హతలు.
బడుగు బతుకుల  బానిసత్వపు ఆటుపోట్లు.
 మరో అడుగు ముందుకి  
 వేసిన విద్యా విధానాలు
 తిరుగుబాట్ల ఉద్యమాలు,  
 స్వాతంత్ర్య జీవన పోరాటాలు ,  
 సాధికార సాఫల్యతానందాలతో.
 మరో అడుగు ముందుకి.
 మనిషి వికసించిన మేధస్సుతో...
 ఆకాశ హార్మ్యాలు , అంతరిక్ష  యానాలు..
 సుఖ- సౌఖ్య,  జీవనగతి తో 
 మారిన మనస్తత్వాలు
 సమయ సందర్భాలు 
 లేని సారహీనపు అలవాట్లు.
రాత్రి క్లబ్బు పబ్బులు , పగటినిద్ర రోగాలు.
 బీడు పడ్డ భుాలులు జీవితపు భాగాలు.
 చెట్ల కొరత, చెత్త నిలవ, జీవ హింస , స్వార్ధ
 చింతనలు నిండిన బుద్ధిహీన ప్రజావేశాలు.
  దిగజారుతున్న వలువలు ,
  బజారున పడ్డ స్త్రీ విలివలు.
  కాలుష్య కణ ప్రభావాలు
  ముక్కు ముాతులకు మాస్కులు 
  మందులేని మానవ కళేబరాలు.
  గుట్టలు తేలిన దహనం కాని కళేబరాలు.
  అణగారిన బ్రతుకుల దిక్కుతోచని జీవితాలు.
  ఆకాసానికి నిచ్చెనలు  .ఆగని తాపాలు
  అతఃపాతాళాల అణపులు.
  అంతా నాదే , నీదీ నాదే ,అన్న భావంతో 
  బరువుగా ఉండే  చేతలు. 
  రచ్చకెక్కిన రాజ్యాంగాలు. ఇచ్ఛా శక్తుల
  రౌడీ రాజ్యాంగాలు. ఒకొక్క గద్దెపై ఒకొక్క
  విష సర్పం..కాటేసిన ఫలితం మానవ ఖననం.
  ఈలోకంలో మనిషి ఒడిదుడుకుల సవారీకి 
 దారి , విష సర్పాల జీవిత  వైఖుంఠ పాళీ..
  

 

Friday, July 30, 2021

ఆగష్ట్ 15

*తెలుగు వెలుగు సాహిత్యవేదిక*లో
202 1 ఆగష్ట్  15 కవితా పోటీలు.
వజ్రభారతి వాట్సప్ గ్రుాప్ పేరు.

శీర్షిక  : ఝండా కు వందనం..

బ్రిటిష్ వారి ఆధిపత్యానికి
తల వంచిన భారతీయులు.
భారత స్వాతంత్ర్య పోరాటానికై
ఉద్యమ బాటలో దేశ భక్తులు ॥

పట్టుబట్టిన గాంధీజీ నడచిన
బాటలో, ఉప్పు సత్యాగ్రహాలు.
దాండీమార్చ్ తో చేసిన
శాంతియుత పోరాటాలు ॥

"పింగళి వెంకయ్య" చేసిన 
స్వాతంత్ర్య ముక్తి "ఝండా సృష్టి".
"బంకిం చంద్ర చటర్జీ "రాసిన 
దేశభక్తి నిండిన"జన గణ మణ"
గీతి,  నిండిన ఉద్యమ స్ఫుార్తి.॥

వెరసి,లభించిన దేశ స్వాతంత్ర్యం
గాంధీ, నెహ్రూల పోరాటాల ఫలితంం
బానిసత్వ ముక్తి పొందన దినం
ఆగష్ట్ 15ను, మరువలేదు జనం.॥

నేటికీ జనం జరుపుకుంటున్న
భారత స్వాతంత్ర్య దినోత్సవం .
ఎగురుతున్న ఝండాకు చేద్ధాం
వందనం,కలసి మనమందరం ॥

రచన : శ్రీమతి: పుల్లాభట్ల జగదీశ్వరీమూర్తి .
కల్యాణ్ : మహారాష్ట్ర .
8097622021.

హామీ:
ఈ నా కవిత ఏ మాధ్యమునందునుా ప్రచురితంకాని నా స్వీయ రచన.

 
*************************

Saturday, May 22, 2021

న్యక్తాక్షరి అనగా నేమి..?

[5/22, 18:20] +91 95530 92592: *యుగంధరాచార్య గురువుగారికి ప్రణామాలు  🙏*
వ్యస్తాక్షరి అంటే ఏమిటి ?
న్యస్తాక్షరి అంటే ఏమిటి ?
తెలియజేయగలరు...
[5/22, 18:42] వాగ్దేవీకళాపీఠ అడ్మిన్: *వ్యస్తాక్షరి*
ఇది ధారణకు సంబంధించిన అంశము. 
ఈ అంశంలో ఒక వాక్యం లేదా పద్యంలోని అక్షరాలు లేదా పదాలకు అంకెలు వేసి వాటిని వేరువేరుగా కత్తిరించి వాటికి క్రమము తప్పించి అవధానము జరుగుతున్నప్పుడు మధ్యమధ్యలో అవధానికి అందిస్తారు. 
అవధాని ఆ కాగితపు ముక్కలో ఉన్న అక్షరాన్ని లేదా పదాన్ని చదివి గుర్తు పెట్టుకుని ఆ కాగితపు ముక్కలను పక్కకు పడవేస్తాడు.
అవధానం చివరలో ఆ అక్షరాలను/పదాలను క్రమంలో పేర్చి వాక్యాన్ని/పద్యాన్ని అప్పజెప్పుతాడు.
[5/22, 18:42] వాగ్దేవీకళాపీఠ అడ్మిన్: *నిర్దిష్టాక్షరి (న్యస్తాక్షరి) :*
నిర్దిష్టాక్షరి అనగా నిర్దేశించబడిన అక్షరాలు గలదని అర్థం. దీనినే న్యస్తాక్షరి అని కూడా పిలుస్తారు. 
వృచ్ఛకుడు ఒక విషయాన్ని గురించి ఫలానా చందస్సులో ఒక పద్యం చెప్పమని అవధానిని అడుగుతూ, పద్యంలోని నాలుగు పాదాలలో ఫలానా స్థానంలో ఫలానా అక్షరం మాత్రమే వుండాలి అని నాలుగు అక్షరాలను నిర్దేశిస్తాడు. 
అవధాని పృచ్ఛకుడు చెప్పిన అక్షరాలను ఉపయోగించి పద్యాన్ని పూరిస్తారు.

హయ ప్రచార రగడ.

రచన : శ్రీమతి పుల్లాభట్ల జగదీశ్వరీముార్తి.
కల్యాణ్ : మహారాష్ట్ర .
ప్రక్రియ: హయప్రచార రగడ.

శీర్షిక :  జాలిలేని కరోనా.


పాప కణము పరిహ సించె
ఆప రోగ మధిగమించె ॥

మహా మారి మనిషి బట్టె
అహర హమును  అణచి జుట్టె ॥

దుార ములను తుాచి యుంచె
భార మైన  భయము పెంచె ॥

మాట లాడ మాస్క్ లుంచె
 బాట బంధు జాడ తుంచె॥

పలక రింప పలుక  రారు
వలపు జుాప పరుగిడేరు.

అంటు రోగి  వనుచు జుాసె
ఒంట  రిగను ఒదలి  వేసె

జాలి లేని  జనులదెగను
గాలి నమ్మె  ఘనము గాను

ఆసు పత్రి  ఆశ తోచె
వేసి మందు వేల దోచె॥

కట్టె వదిలి కదలె, మాయె
మట్టి లోకి మరలి పోయె.

ఎవరి కెవరు ఎరుక లాయె
చివరి బ్రతుకు చితికి పోయె ॥
  



 

Monday, April 19, 2021

గిడుగు రామ్ముార్తి పంతులు



శీర్షిక :
శ్రీ  గిడుగు రామ ముార్తి పంతులు 

పాఠ్యాంశ' , గ్రంధ,కావ్యాల భాష.
అక్షరాశ్యులకు కుాడా అర్ధమవని గ్రాంధిక  ప్రాస
నిరక్షరాశ్యులకు  కుాడా అర్ధమవ్వాలన్న ధ్యాస 
నిత్య వాడుక భాషగా మార్చాలన్న ఆత్మ ఘోష॥

పర్యవసానం పుస్తక వనంలో వీర విహారం
తుమ్మెద గ్రోలిన మధువు రీతి ,
నిత్య సాహిత్య రస పానం ,.
సాధించిన "వ్యవహారిక భాషా సుగంధ" ఫల సారం॥
 
తోటి సహాధ్యాయుల  సమిష్టి సహకారంతో ..
భాషోద్యమాకారుని క్రుషి , వేసిన సోపానం.
నేడు యావత్ భారత దేశం చేస్తున్న--
తెలుగు వెలుగుల" సరళభాషా"  వీర విహారం.॥
 
 అందరికీ అందుబాటులోకి వచ్చిన ఆనంద సౌరభం
 " తెలుగుభాషాదినోత్సవ" మనే సాహిత్య సంబరం.
 అతని జన్మదినదినాన -
 అద్భుతంగా జరిగే  ఆనందోత్సవం. ॥
 (29 ఆగష్ట్ నాడు." తెలుగు భాషా దినోత్సవం ).
 
 కైజర్ - ఇ- హింద్ అనే  గౌరవ స్వర్ణ సుాత్రం తో
 నిండిన  పురస్కార  సుమ-సౌరభాల తోరణం.
 డాక్టరేట్, కళాప్రపుార్ణ వంటి ఎన్నో బిరుదు-
 సుమాల  సమాహార  సమ్మేళనం.॥
 
 పట్టు వదలని విక్రమార్కుని  రీతి
పట్టుదల తో సాధించిన ఘన కీర్తి.
తెలుగుభాషా ఉద్యమొాద్యుతి స్ఫుార్తి
అతడే శ్రీ  గిడుగు  రామ్ముార్తి.॥
----------------------------------------

రచన, శ్రీమతి-
పుల్లాభట్ల జగదీశ్వరీముార్తి.
కల్యాణ్
8097622021.


💐మీ కవితను గిడుగు వారి సంకలనం కోసం ఎంపిక చేశాం.  మీకు హైదరాబాద్ లో ఈనెల 22న ఆత్మీయ సత్కారం ఉంటుంది. మీరు తప్పక ఆవిష్కరణ సభకు హాజరు కావాలని విజ్ఞప్తి. మీకు గిడుగు ఫౌండేషన్, వెన్నెల అకాడమీ తరఫున హార్దిక అభినందనలు.💐💐అభినందనలతో..💐💐 గిడుగు లక్ష్మీకాంతి, వ్యవస్థాపక అధ్యక్షురాలు,  గిడుగు రామ్మూర్తి పంతులు ఫౌండేషన్, డాక్టర్ ఉద్దండం చంద్ర శేఖర్, చైర్మన్, వెన్నెల పబ్లికేషన్స్. 9441433833.

Sunday, April 18, 2021

రామ నామ మహిమ

రచన : శ్రీమతి పుల్లాభట్ల జగదీశ్వరీముార్తి.
కల్యాన్. మహారాష్ట్ర 

వైకుంఠ వాసుడైన శ్రీ మహా విష్ణువు.
మానవావతారమెత్తిన శ్రీరాముడు.దుష్ట శిక్షణ  శిష్ట రక్షణ  జేయడానికి అవతరిస్తున్న యుగపురుషుడు.
శ్రీ "మహావిష్ణుని అష్టాక్షరీ" మంత్రంలో ఐదో అక్షరమైన   ‘రా’, "శివ పంచాక్షరీ"  మహామంత్రంలోని రెండో అక్షరం ‘మ’.కలిపితే  రామ శబ్దం నిర్మితమైంది.
మంత్ర  బీజాక్షర శక్తి కలిగిన" రామ "అన్న శబ్దానికి
 "ఓం" కారము కుాడా చేర్చ నవసరం లేదు .
గణేశ, శైవ, శక్తి, సూర్య వైష్ణవ మంత్రము-
లన్నింటికంటెనూ అధిక ఫలము "శ్రీ రామ నామ " 
జపము వలన కలుగు తుంది."ర" శబ్దము, అగ్ని బీజం   " ఆ" శబ్దము,వాయు బీజం "మ" శబ్దము,ఆకాశ బీజం -ఇటువంటి అగ్ని , వాయ,రాకాశ  బీజ సమ్మిళితమైన " శ్రీ రామ"  నామ మహిమ ఇంతా అంతా 
 అని చెప్పనలవి కాదు.ఏకపత్నీ వ్రతుడు, పితృ, మాతృ భాతృ, సదాచారం, నిగ్రహం, వంటి 
 సర్వ సద్గుణాలు మూర్తీభవించిన దయార్ద హృదయుని ," రామ" అన్ననామాన్ని మన-
 మందరం జపించి కృతార్ధులమౌదాం.