పంచపదిలో.. విఠల్ గారి మాట

మీ కవన రచన అద్భుతం

మీ సంగీతం పరమాద్భుతం

మీ తపన మహాద్భుతం

మీ యత్నం అత్యద్భుత

పంచపది సాహితీ కవన వేదిక ధన్యం విఠల!

*మహా సంగీతజ్ఞి,గాయక శిఖామణి, కవన శిరోమణి పుల్లాభట్ల జగదీశ్వరీ మూర్తి గారు మన సమూహంలో వుండడం మనందరికి గర్వకారణము.*

🙏🙏🙏👏👏👏🙏🙏🙏

నేటి పంచపది

[2/26, 18:43] p3: 26/02/2022.

నేటి పంచపది :  115

అంశం : జెట్టి ఈశ్వరీబాయి.

రచన : శ్రీమతి :పుల్లాభట్ల జగదీశ్వరీముార్తి

కల్యాణ్ , మహారాష్ట్ర

 గీతా ప్రైమరీ స్కూలు, గీతా మిడిల్ స్కూలు అనే విద్యాసంస్థలతో  ఉపాధ్యాయురాలిగా వృత్తి ప్రారంభం.॥

దళిత వర్గాల వీధుల్లో  లభించిన అధిక ఓట్లతో చుట్టిన శ్రీకారం .॥

వెనుకపడిన, బలహీన, బడుగువర్గాల అభ్యున్నతికి 

తోడ్పడాలన్న ఆశయ సాకారం .॥

ఎ.పి. షెడ్యూల్డు కులాల ఫెడరేషన్ ప్రధాన కార్యదర్శిగా

ఈశ్వరీ బాయి  కృషి  అపారం ॥

తెలంగాణ రాష్ట్ర భాషా సాంస్కృతిక శాఖ ఆధ్వర్యంలో ప్రతిఏటా ఈశ్వరీబాయి జయంతి, వర్ధంతి వేడుకలమొాఘమీశ్వరీ ॥

*పంచపది కవన వేదిక* 

*నేటి పంచపది*115* తేదీ:26.2.22

అంశం *జెట్టి ఈశ్వరీబాయి*

*నేటి పంచపదులలో*

ప్రథమ బహుమతి *పంచపది శ్రేష్ఠ*

శ్రీమతి పుల్లాభట్ల జగదీశ్వరీమూర్తి గారు 15

ద్వితీయ బహుమతి *పంచపది విశిష్ట*

శ్రీమతి డా ఉషారాణి కోగంటి 19

*నేటి పంచపది* విజేతలందరికి అభినందనలు.

💐💐💐💐💐

[2/26, 21:57] +91 94405 30763: *నేటి అత్యుత్తమ అంత్యప్రాసగా ఎన్నుకోబడిన పంచపది*

నేటి పంచపది 

తేది -26-2-22

అంశం - జెట్టి ఈశ్వరీబాయి 

పేరు -ఎం .వి .ఉమాదేవి 

సబ్బండవర్ణాల ఆశాజ్యోతి, నాయకురాలు 

నిస్వార్ధహృదయంతో మహిళా సేవకురాలు 

ప్రశ్నించేస్వభావంతో  ప్రగతి కారకురాలు 

సామాజికన్యాయం,విద్యనిచ్చే  సాధకురాలు 

జెట్టి ఈశ్వరీబాయి అంబేద్కర్ వారసురాలు ఉమా!!

🙏👏🙏

సీస పద్యము

రచన : శ్రీమతి :పుల్లాభట్ల జగదీశ్వరీముార్తి

కల్యాణ్ , మహారాష్ట్ర .

అంశం:దత్తపది

కనుమ,వినుమ,మనుమ,చనుమ

ప్రక్రియ : సీస పద్యము 

(కనుమ)పం డగనాడు కష్టించు రైతుతో

మిత్ర భావము తోడ ( మనుమ) నీవు॥

కడు ప్రేమ మీరంగ కలిసి పండగ జేయ

 (చనుమ) వారికడకు  జక్క గాను॥

 

పట్టుపు ట్టములిచ్చి పలకరింపుల తోడ

(వినుమ)వా రిదిమాట వివర ముగను ॥

తగుపంట ఫలముకు  తగుసాయ మునుజేయు

 అతడన్న దాతగా  అవని వేల్పు ॥ 

(సీస పద్యము మొదటి ప్రయత్నము.)

ప్రక్రియ:పద్యం : ఆటవెలది.

 

(కనుమ ) మంచి నెపుడు కనులార భువిలోన

(చనుమ )గురుల కడకు చదువు లొప్ప

(మనుమ) మహిని మంచి మాటతో జనులతో.

(వినుమ) శుభము లిచ్చు విలువ పెరుగు ॥

రగులుతున్న చైతన్యం

25 /02/2022.

శీర్షిక : రగులుతున్న చైతన్యం.

రచన : శ్రీమతి :పుల్లాభట్ల జగదీశ్వరీముార్తి

కల్యాణ్ , మహారాష్ట్ర .

నీలాకాశంలో పొగబారిన మేఘాలు.

పర్యావరణపు వేడి సెగలకు 

వింత రోగాలతో విచ్ఛిన్నమౌతుా 

తమలో దాచుకున్న తేమ చుక్కలను

కాపాడుకునేందుకు అకాశమంతా

పరుగులు పెడుతున్నాయి. ॥

చినుకు తడికి నోచుకోని నేల తల్లి

పచ్చని పైరు చీర , చివికిపోయి చీదర 

కంపుకొడుతుా నిస్సారమైన బ్రతుకుతో

బీటలు బారిన బీడయ్యింది.॥

మానవత్వం చచ్చిన మనుషులు

అహం నిండిన స్వార్ధంతో 

చేసిన దాడులకు విరిగిన గ్రహ 

చరియల వింత ఆకారాలు 

విచిత్ర రోదనలు చేస్తుా 

వెక్కిళ్ళు పెడుతున్నాయి-॥

వీధిన పడిన వింత ఆకారాలు

గ్రహాల మీదకు వచ్చిన 

మానవ భుాతాలను పారద్రోలేందుకు

చేస్తున్న మారణ హోమాలకు  

భుామిపైకి  దుాసుకువెళుతున్న  

విష-వాయువుల  ఆక్రమణల

దాడికి జనులు వింత రోగాలతో

వీధిలోకి రావడం మానుకున్నారు.॥

పనీ పాటా లేని  పనికిమాలిన జనం 

తోచక చేస్తున్న చెత్తపనులకి 

పుట్టుకొస్తున్న భరత భవిత 

ఆటపాటలు లేని అసహనానికి 

రగిలిపోతుా అ= అంటే అధికారం ,

ఆ = అంటే ఆక్రమణలు.. అంటుా 

చేస్తున్న అక్షరాభ్యాసానికి ఆకాసం

తన పై నున్న మిన్ను విరిగి 

మీద పడ్డట్టు కెవ్వున కేక వేసింది.॥

  

 

 

 

 

 

నేను సైతం యుాట్యుాబ్ ఛానల్ కొరకు

సాహితీ బృందావన జాతీయ వేదిక మరియు

నేనుసైతం...యుాట్యుాబ్ ఛానల్ వారు సంయుక్తంగా  చేయబోయే సంకలనం కొరకు..

నా పేరు శ్రీమతి పుల్లాభట్ల జగదీశ్వరీముార్తి

కల్యాణ్ , మహారాష్ట్ర లో ఉంటాను.

శీర్షిక  :మహిళా రత్నం శ్రీ " దుర్గాబాయి దేశ్ ముఖ్.

నాటినుండి నేటి వరకు గల చరిత్రలో ,

ఎందరో మహిళామణులు విద్య , వైద్య,  న్యాయ ,

సంగీత , సాహిత్యాది అనేక కళా రంగాలలోనే గాక ,

శాస్త్ర  సాంకేతిక వైజ్ఞానిక, రాజకీయ, స్వాతంత్ర్యాది

ఉద్యమాల లో పాల్గొని , తమ విశిష్ట ప్రతిభను 

చాటుకున్నారు.

వారందరుా మన భరతమాత కీర్తి కిరీటంలో 

కలికితురాయిలై , నేటికీ  చరిత్ర పుటల్లో

మహిళా శక్తికి స్ఫుార్తిదాయకులై నిలచేరు. 

జాతీయ మరియు అంతర్జాతీయ మహిళా-

దినోత్సవాల సందర్భంగా , సాహితీ బృందావన జాతీయ వేదికవారు నిర్వహిస్తున్న

 " మగువ మహారాణి " పోటీలకుగాను

 నేను తీసుకున్న అంశం నాటి మహిళా రత్నమైన

 శ్రీ " దుర్గాబాయి దేశ్ ముఖ్ " గారిది.

ఈమె మధ్యతరగతి బ్రాహ్మణ కుటుంబీకులైన

రామారావు క్రిష్ణవేణమ్మ  దంపతులకు రాజమండ్రిలో

జన్మించారు.

8 సంవత్సరముల వయస్సు లో ఆమెను ఆమె తల్లిదండ్రులు , ఆమె మేనమామకు ఇచ్చి వివాహం చేయ నిశ్ఛయించగా, ఆ వయసులోనే ఆమె ఆ వివాహాన్ని తిరస్కరించేరు.

12 సంవత్సరాల వయసుకే ఆమె హిందీ పాండిత్యాన్ని

సంపాదించి , రాజమండ్రిలో హిందీ పాఠశాలను

నెలకొల్పి , అన్ని వయసులవారికీ విద్యా బోధనను 

చేసేరు

మహాత్మాగాంధీగారు ఆంధ్రా పర్యటనకు వస్తున్నారని తెలిసిన  ఆమె ఎనలేని విరాళాలను సేకరించి ,

వాటితోపాటు ఆమె చేతికున్న బంగారు గాజులను కుాడా స్వాతంత్ర్య పోరాట విరాళంగా సమర్పించేరు.

ఆంధ్రా పర్యటనలో గాంధీగారు చేసిన హిందీ ఉపన్యాసాలను , తెలుగులోనికి అనువదించి 

ఆయన  ప్రశంసలను పొందేరు.

ఉప్పు సత్యాగ్రహంలో అరెస్టు కాబడి కుాడా , 

స్వాతంత్ర్యోద్యమాలలో  పాల్గొన్న ధీర వనిత

శ్రీ  దుర్గాబాయి దేశ్‌ముఖ్ గారు.

ఇన్ని చేస్తుా కుాడా ఆమె తన చదువుకు ఆటంకం రానీయలేదు. విరామసమయాల్లో అమె చదువుకుంటుా  తన విద్యను సకాలంలో పుార్తిచేసి, 

న్యాయ కోవిదురాలిగా , ప్రఖ్యాత క్రిమినల్ లాయర్  గా

జగద్విఖ్యాతిగాంచేరు.

అనేక సాంఘీక సంక్షేమ  సంస్థలను ప్రారంభించి

స్త్రీ ల అభ్యున్నతికి కృషి చేసేరు.

చెన్నై లో ఆంధ్ర మహిళా సభను  

లిటిల్ లేడీస్ ఆఫ్ బృందావన్ అనే బాల సంఘాన్ని

స్థాపించేరు.

ఆంధ్ర  విద్యాలయంలో మహిళా వసతి గృహాలను, హైదరాబాదులో  ఆంధ్ర మహిళా పత్రికను స్థాపించి

దానికి  సంపాదకత్వాన్ని వహించేరు.

రాష్ట్రమంతటా   ఎన్నో కళాశాలలు, వసతి గృహాలుా,

నర్సింగ్ హోమ్ లు, వృత్తి కేంద్రాలు నెలకొల్పారు.

చెన్నై లో 70 మంది కార్యకర్తలతో  ఉదయవనం అనే

సత్యాగ్రహ సిబిరాన్ని ఏర్పరచేరు.

స్వాతంత్ర్యానంతరం అమె భారత రాజ్యాంగ నిర్మాణ 

సభలోసభ్యురాలిగా పనిచేసేరు.

అటుపై C D దేశ్‌ముఖ్  గారితో వివాహానంతరం

అమె సాక్షారతాభవన్ ను స్థాపించగా..

ఆంధ్ర విశ్వవిద్యాలయం వారు ఈమెకు గౌరవ

డాక్టరేట్ ను ప్రదానం చేసేరు.

పిదప భారత ప్రభుత్వంచే నెలకొల్పబడిన

కేంద్ర సాంఘీక సంక్షేమ బోర్డ్ కు , దిల్లీ లో ఉన్న

బ్లైండ్ రిలీఫ్ అసోసియేషన్ లకు అద్యక్షురాలిగా

పని చేసారు.

కేంద్ర సాంఘీక సంక్షేమ బోర్డ్  వారు ఈమెకు 1998లో

ఈమె పేరున " డాక్టర్ దుర్గాబాయి దేశ్‌ముఖ్" వార్షిక అవార్డు ను నెలకొల్పి , దానిని మహిళా అభ్యున్నతికి

పాటుపడే స్వశ్ఛంద సంస్థలకై వినియొాగపరిచేరు.

దిల్లీ లో ఉన్న  బ్లైండ్ రిలీఫ్ అసోసియేషన్ వారు

2006లో ఈమె పేరున "దుర్గాబాయి దేశ్‌ముఖ్ -

కాలేజ్ ఆఫ్ స్పెషల్ ఎడ్యుకేషన్" ను నెలకొల్పారు.

ఇలా ఒక స్త్రీ గా, పిన్న వయసు నుండి కుాడా దేశానికి

ఎనలేని సేవలందించిన గౌరవనీయులు 

శ్రీ దుర్గాబాయి దేశ్‌ముఖ్  గారు 1981 మే వ తారీఖున

హైదరాబాదు లో దివంగతులై భరత మాత కీర్తి కిరీటంలో మణిరత్నమై చిరస్మరణీయులయ్యేరు.

"మగువ మహారాణి " పేరుతో మహిళలకు

అత్యున్నత వేదికను కల్పించి , మహోన్నతమైన మహిళా మణుల వీర చరితల సంస్మరణతో, మహిళా శక్తిని జాగృత  పరచే విధంగా , వచన, కవితా గానాలను చేసే అవకాశాలను కల్పిస్తుా ప్రోత్సహిస్తున్న 

సున్నితం ప్రక్రియ రుాపకర్త ,సాహిత్య పోషిణులుా ఐన గౌరవనీయులు శ్రీ నెల్లుట్ల సునీతగారికి , ఆమెకు సహకరిస్తుా కవులను ఉత్సాహపరుస్తున్న 

యుాట్యుాబ్ ఛానల్ నిర్వాహకులు

గౌరవనీయులైన శ్రీ దేవవరపు ఈశ్వర రావుగారికి

సాదర నమస్కారములతో

నా మనఃపుార్వక ధన్యవాదాలు తెలుపుకుంటున్నాను.

                               🙏🙏

తెలుగు వెలుగు

2102/2022.

శీర్షిక : దేశ భాషలందు మేటి భాష.

రచన : శ్రీమతి :పుల్లాభట్ల జగదీశ్వరీముార్తి

కల్యాణ్ , మహారాష్ట్ర .

నాటి సంస్కృత భాష నుండి పుట్టి

నేటి వ్యవహారిక భాషగా మారి

జన పదాల అందమై, కావ్య కన్నెల

 గంధమై అలరారుతున్న

భవిత చరితల వెలుగు బాట

 మన తెలుగు భాష ॥

మేటి సాహిత్యపు మేలు సారమై  

అష్ట దిగ్గజాల పద్య గద్యాల 

రచనల లో  అంద ఛందాల 

మేలు కందమై అక్షరాల తోటలో 

పరిమళ గంధమై వికసించిన

సుకుమార సుందర పారిజాత 

సుమ బాల మన తెలుగు బాల ॥

సప్త స్వరాల సంగీత నాదమై 

అరువది నాలుగు కళలకు నిలయమై

కోటిరతనాల వీణగా వన్నె కెక్కిన

అందమైన భాష మన తెలుగు భాష॥

వేమన పద్యాలలో అలవోకగా

 అందాలు సంతరించుకుంటుా..

మేటి  కవుల కవన వనంలో , 

పరిమళాల గంధమై విహరిస్తున్న కావ్య-

 కవితా సుందరి మన తెలుగు భాష॥

 

 మనవైన సాంప్రదాయాల అందమై

  సమానత్వ విలువలకు బంధమై

  కీర్తి పతాకపు రంగుల బాటలో

  వేల భాషల కలుగోలుపు వేటలో

  ఐకమత్యానికి నెలవైన అందమైన 

  రంగుల పుాలతోట మన తెలుగు ॥భాష ॥

  

*********************

పగలేవెన్నెలా జగమే ఊయల పాటకు పేరడీ.

మహిళా దినోత్సవ సందర్భంగా రాసిన పాట

పగలే వెన్నెలా ....జగమే ఊయలా...

పాటకు  పేరడీ

రచన : శ్రీమతి :పుల్లాభట్ల జగదీశ్వరీముార్తి

కల్యాణ్ , మహారాష్ట్ర .

మహిళా మణులు ఈ, జగతికి రాణులుా 

మహిళ ఇలను సబలె గాని అబల కాదుా...॥

పుట్టినింట ఆనందము పంచు రాణిగా

మెట్టినింటను జ్యోతియై వెలుగు లక్ష్మి గా

కష్టసుఖములందు ఆమె తోడు నీడగా

నెరవేర్చును బాధ్యతలను అర్ధ భాగిగా

పెనిమిటి పిల్లల.. పాలిటి వరముగా

మగువే  గృహసీమను  ఏలు రాణిగా..॥

వేద వైద్య విజ్ఞానము లేలు బాటలో

విద్యలందు ఆరితేరె విజయ పథములో

నవరసమ్ము లేలు కళా రంగాలలో 

నడుముగట్టి నడచె స్త్రీ లు ప్రగతి బాటలో

పురుషుల నీడగా బాధ్యత తోడుగా

మహిళలె.. మహిని నిలచి జయము లేలెగా॥

తెల్లదొరల నొడ్డి పోరు నాటి జోరులో

స్వాతంత్ర్యము కోరి, శాంతి ,గాంధి బాటలో

బానిస సంకెళ్ళు తృుంచ ఉద్యమాలలో 

శక్తి రుాపులై నిలచిరి  స్త్రీ లు వేలలో

సాహస మేలినా మహిళలు ఎందరో

స్త్రీ శక్తికి రుాపాలై నిలిచె గెలుపులో  ॥

కత్తి పట్టెవీర నారి ఝాన్సి లక్ష్మి గా

దేశ మేలె ఇందిరమ్మ  ఎన్నో ఏళ్ళుగా

మహిళ సాధికారతకై ఉద్యమించెగా

 ఆకసాన సగ భాగిగ కీర్తు లేలెగా

మన చరితల పుటలలో

మకుటాయమానులై

మగువలె మహరాణిగ 

ఖ్యాతి గాంచెగా॥