అంశం : గాంధీ తాత

01/ 10 /2022.
మహతీ సాహితీ కవి సంగమం.
బాల సాహిత్యంలో  ..
అంశం : గాంధీ తాత .

శీర్షిక : గాంధీ తాతాకు వందనము.
ప్రక్రియ : గేయ కవిత.

రచన :శ్రీమతి , పుల్లాభట్ల-
జగదీశ్వరీముార్తి.
కల్యాణ్. మహారాష్ట్ర.

చిట్టి పొట్టి చిన్నారి పిల్లలము
గాంధీ తాతాకు వందనము.॥
స్వ భారత మాతకు బిడ్డలము.
భవిత చరిత నిలబెట్టెదము ॥చిట్టి ॥

అక్టోబరు నెల రెండవ తేదీన..
పోరుబందరులొ పుట్టెేడు .
సీమ చదువుకై వెళ్ళేడు..
బారిష్టరుయై వచ్చేడు॥ చిట్టి ॥

కరంచందు మరి పుత్లీబాయిల
పుణ్య ఫలము మన గాంధిజీ ॥
కస్తుారీబా  సహచరిణినిగ...
నలుగురు పిల్లల తండ్రోయి ॥చిట్టి॥

ఆంగ్లేయుల పరిపాలనలో
అవమానితుడై నిలిచేడు
జాతి బేధములు వలదు వలదని
నాయకుడై పోరాడేడు ॥ చిట్టి ॥

అస్పృశ్యత, కులవివక్షతలు మరి
మతవిద్వేషాల మార్పులకుా
సత్య- అహింసా-శాంతి బాటలో-
సత్యాగ్రహములు సలిపాడు ॥చిట్టి ॥

హిందుా , ముస్లిమ్, సిక్కు, ఇసాయిలు
భాయుా భాయని  అన్నాడు .
జాతి భేదములు చుాపించొద్దని
సమైక్యతకు విలువిచ్చాడు ॥  చిట్టి ॥

దేశ విభజనను వ్యతిరేకించీ
తీవ్రగతిని పోరాడేడు.
ఆమరణపు దిశ నిరాహారుడై
దీక్షను ప్రారంభించేడు ॥ చిట్టి ॥

కొల్లాయి కట్టుకట్టి
వెదురు కర్ర చేత బట్టి
నుాలు వడకు నట్టి మేటి
"జాతిపిత"యె గాంధీజీ ॥

మొాహన్ దాస్ కరంచంద్ ఘన
స్వాతంత్ర్యముకై పోరిడి
శాంతి బాటలో ఉద్యమించతడు
కీర్తిని ,చరితలో నిలచాడు॥ చిట్టి ॥

స్వాతంత్ర్యము మన కిచ్చాడు
తుాటాలకు బలియయ్యాడు.
"సత్యమేవ జయ జయతే" యనుచుా
తన ప్రాణాలను వదిలాడు.॥ చిట్టి ॥

సత్యశోధనకు అంకితమౌ మన
బాపుాజీకీ జై కొడదాం .
మువ్వన్నెల ఘన పతాక కీర్తిని
ఐక్యమత్యముతొ నిలబెడదాం ॥ చిట్టి ॥

ఆమె.

29/09/2022.

శ్రీ శ్రీ కళావేదిక  కవితల పోటీ కొరకు...

.అంశం : ఆమె.

 శీర్షిక :  ఆమె అలుపెరుగని ఆమని.

  

రచన :శ్రీమతి , పుల్లాభట్ల-

జగదీశ్వరీముార్తి.

కల్యాణ్. మహారాష్ట్ర.

అమ్మ కడుపులో నవమాసాల అనురాగపు పంట.

అమ్మా నాన్నల  ఆనందం ఆ చిన్ని పలుకుల వెంట.

పెరుగుతున్న ఆ వయసుకు సింగారాలెే సిరులంట.

కలల రేడు కవ్వించగ పుార్తి చంద్ర కళలవంట.॥

పుట్టినింటి కీర్తి పెంచు పుత్తడియిా..బొమ్మంట 

మెట్టినింటి సాంప్రదాయ మేలు సుగుణములంట

భర్త లోన సగము భార్య అను మాట నిదర్శనమై.

కష్ట-సుఖముల కావిడి తా మొాసే తరాజంట ॥

ఇంటి బాధ్యతలకిరుసై తిరిగే పని రాట్నమంట.

 తనయింటి వారసులను దీర్చి దిద్దు గురువంట ॥

పరువు బరువు బాధ్యతలను మొాసే గతి చక్రమంట

సుఖ సంతోషపు పంటలకిడు సారము తానేనంట ॥

చదువు లెన్నొ చదివి తెలివి రాజ్యాలేలిన కలిమి

వత్సరముల భరతమాత కీర్తి  నిలుప నామె బలిమి

అబలకాదు సబలామె అనుభవ పాఠాల కొలిమి

చిరునవ్వుల పుాలజల్లు కురిపించే ఆమని ॥

నిండు చీరకట్టు బొట్టు నిత్య పుాజ లింట వెలుగు

సిరి సంపద లింట కలుగుటకామే సరి నిల తుాగు

జీవిత భాగస్వామిగ  జీవితాంత సహచరిణిగ

పురుషుల భాగ్య రాశిగ పుట్టెను పడతే కొలువుగ॥

సంద్రపు లోతులేలు మనసు లోన కల్లోలము

కనిపరచని శాంత ముార్తి  సాహితి సంగీత వాణి

ఆమె విలువ గట్టలేము ఆమె సాటి మెలగలేము

ఆమెలేని ప్రకృతిలను సంతోషమె  సుాన్యము ॥

మొలక న్యుాస్లో సున్నితం ద్వితీయ వార్షికోత్సవం

https://www.molakanews.page/2022/09/8097622021_27.html?m=1

రుబాయిలు

అంశం : రుబాయిలు.

శీర్షిక : మా మొరలు వినుమమ్మ.

రచన :   

శ్రీమతి , పుల్లాభట్ల-

జగదీశ్వరీముార్తి.

కల్యాణ్. మహారాష్ట్ర.

న్యాయస్థానాల్లో వాదోపవాదాలు

 స్త్రీల ఆరక్షణకు సంక్షేమపథకాలు

 కల్లబొల్లి బాసల  కపట రాజకీయం

శీల రక్షణలకై  స్త్రీలిడె నినాదాలు ॥

గుడిలోన స్త్రీ ముార్తి విగ్రహారాధనలు

అవనిలో స్త్రీ ముార్తికంగాంగ శోషణలు

 చుాసేందుకై కనులు న్యాయానికి లేవుగ

మార్పురాని తీర్పుకు స్త్రీల ఆక్రోశాలు ॥

భువిలోన మాబ్రతుకు గనుమమ్మ  బతుకమ్మ ॥

 మనసార మామొరలు వినుమమ్మ బతుకమ్మ॥

నీవుగాకించెవరు  దిక్కు మాకీ  భువిని

మముగాచు దేవివై మనుమమ్మ బతుకమ్మ॥

పుల్లాభట్ల జగదీశ్వరీ మూర్తి గారు -1

న్యాయస్థానం లో వాదోప వాదాలు స్త్రీ ల రక్షణ వట్టి మాటలు అంటూ.. బ్రతుకమ్మ కు మొరలు..మీ రుబాయీలకు అభినందనలు 🙏💐👌

శీర్షిక : ఎత్తిపట్టిన ఎర్ర జండా .(చాకలి ఐలమ్మ.).

శీర్షిక  :   ఎత్తిపట్టిన ఎర్ర జండా .

రచన :శ్రీమతి , పుల్లాభట్ల-

జగదీశ్వరీముార్తి.

కల్యాణ్. మహారాష్ట్ర.

పుట్టు కెందుకో మరి గిట్టు టెప్పుడో  

తెలియని మానవ జన్మిది పుడమిని.॥

హెచ్చు తగ్గు వ్యత్యాసాల బాడుగు

బ్రతుకుల జనమిది ॥

మంచి మాట, మనసు కోరి బ్రతికెదరు  కొందరు.

మంది కొరకు ప్రాణాలనె పణ మిత్తురు కొందరు ॥

అన్యాయమరాచకమ్ము సహియించరు కొందరు.

న్యాయమైన మాట,బాట ఉద్యమించెదరింకొందరు ? 

జాతి మతము యేదైనా కుల వృత్తులు యేవైనా..

అన్యాయము నెదిరించి పోరు వీరులు మరి కొందరు..॥

రాచరికం, భూస్వామ్యం కలగలసిన నీచత్వము

కర్కశ పొరుకు నలిగిన దాసులుగా మారిన జనము॥

కాలం తీర్పుకు పుట్టిన పోరు బిడ్డ ఈయమ్మ

తెలంగాణ ముద్దుబిడ్డ చాకలి ఐలమ్మ ॥

చిట్యాల నరసయ్యకు ఈడు, జోడు, తోడు గా 

ఏడ్గురు బిడ్డల తల్లిగ చాకలి ఐలమ్మగా॥

బ్రతుకు పోరాటాల బాట దుక్కి దున్ని జంటగా

కౌలు భుామి సాగుజేసె కడు కష్టపు జీవిగా॥

 

వెట్టి చాకిరీల తీరు బాంచనన్న జనుల గోడు

పరాధీనమౌ బ్రతుకుల వెలుగు నింప గోరె జుాడు ॥

పాలకుర్తి పట్వారీ పప్పులుడకనీయక 

సివంగిలా గర్జించిన ఐలమ్మే నాయిక. ॥

కొంగు చుట్టి కొడవలెత్తె చాకలి ఐకమ్మ  దురుసు

అలుసు జేయు నిజాం దొరలకైలమ్మే కంటి నలుసు ॥

ఆత్మవిశ్వాసము నిండుగ ఐలమ్మే అడుగిడగా

నిజాం దొరల పింఛ మణచ కుాడిరి జనులండగా...॥

ఆంధ్రమహా సభల జోరు కమ్యూనిస్టుల హోరు

రజాకార్ల తీరు నణచ -నైలమ్మే  సలిపె పోరు..॥

భుామి కొరకు భుక్తి కొరకు పుార్తి దాస్య ముక్తి కొరకు

ఆశయమే స్వాశగ నైలమ్మ బ్రతికె  జనుల కొరకు ॥ 

ఆడ పులిగ ఐలమ్మే ఎత్తిపట్టె నెర్రజెండా ॥ 

తెగువ బిగువ పోరు సలిపె వెట్టిచాకిరీలు ముగియ ॥

పదునెక్కిన పోరాటం

కొమరం భీం, బందగుల రక్తతర్పణం 

బీజం పడిన తెలంగాణలో సాయుధ  పోరాటం ॥

ఎగసి పడిన ఉద్యమాలు వెల్లువైన పొిరాటాలు

ఎరుపెక్కెను ఆఝండా ఎగిరి పోరె నాతండా ॥

అమరత్వం పొందినది ఐలమ్మ పోరాటం  

పుస్తకాలకే పరిమితమై నిలచె నామె ఆరాటం ॥

పింఛనుకైనా నోచుకోని జీవితమామె చరితం

చాకలి ఐలమ్మ స్ఫుార్తి.. మనకు ఘనం నిరంతరం ॥

************************************.....

శీర్షిక : నిను మరువలేను బాలుా అన్నయ్యా.

శీర్షిక  : నిను మరువలేను బాలుా అన్నయ్యా.

రచన : శ్రీమతి: పుల్లాభట్ల జగదీశ్వరీముార్తి

కల్యాణ్: మహారాష్ట్ర .

ప్రపంచంలో ఎంతోమంది పుడతారు

కానీ పుట్టిన జన్మను సార్ధకం

 కొంతమందే చేసుకుంటారు.

 తమ గమ్యానికి చేరడానికై

 తమ జీవితాన్నే ధారపోస్తారు.॥

 

 అటువంటి  కోవకు చెందినవారే మన 

 పండితారాద్యుల బాలసుబ్రహ్మణ్యం గారు .

 కోనేటమ్మ పేట గ్రామంలో బ్రాహ్మణ కుటుంబంలో

 జన్మించిన ఈయన మన తెలుగువాడు

 కావడం మన భాగ్యమనే చెప్పుకోవాలి. ॥

పుాచిన కొన్ని పుాలే పరమళిస్తాయి

 అన్నట్టుగా బాలుా చిన్నతనం నుండే 

 తనలోనున్న ప్రతిభకు  శ్రీకారం చుట్టేడు.॥

 

అతని తండ్రి  సాంబముార్తి 

పేరొందిన హరికథా కళాకారుడు.

సహజసిద్ధమైన కలకాకారుల వంశజుడైన 

ఇతడు ఐదేండ్ల వయసులోనే భక్త

రామదాసు అనే నాటకంలో నటించేడు॥

అటుపై విద్యా రంగలో ఉంటుానే 

అనేక నాటకాల్లో నటించడం 

పాటలు పాడడం వంటివి చేస్తుా

అందరిలో మంచి గుర్తింపు తెచ్చుకున్నాడు ॥

ఇంతై అంతై వటుడింతై అన్నట్టు మన

బాలుా నాటకాలు వేస్తుా , పాటలు పాడుతుా

ఒకానొక సందర్భంలో మద్రాస్ సోషల్ అండ్ కల్చరల్ క్లబ్ నిర్వహించిన లలిత సంగీత పోటీల్లో

  ప్రథమ బహుమతి గెలుచుకున్నాడు॥

  

ఆ పోటీకి సంగీత దర్శకులు సుసర్ల 

దక్షిణామూర్తి, పెండ్యాల నాగేశ్వరరావు,

 ఘంటసాల వెంకటేశ్వరరావుగార్లు 

న్యాయనిర్ణేతలు కావడం .అదే పోటీలో 

ఎస్. పి. కోదండపాణి బాలు ప్రతిభను గుర్తించి

 చలన చిత్ర రంగంలో అవకాశాలనీయడంతో

 బాలుా మరి వెనుకకు తిరిగి చుాడ

 నవసరం  ఎప్పటికీ రాలేదు.॥

 సంగీతాభిలాషుడైన బాలుా 

 సినీ చిత్ర రంగంలో ప్రవేశించి  తనదైన

 శైలితో అందరి మనసులనుా చుారగొన్నాడు.

 గాయకునిగా ఉన్నతమైన సినీ జీవితాన్ని 

 ప్రసాదించిన శ్రీ కోదండపాణిపై భక్తితో, 

 అభిమానంతో తాను నిర్మించిన ఆడియో 

 ల్యాబ్ కు "కోదండపాణి ఆడియో ల్యాబ్స్" 

 అని అతని పేరే పెట్టుకున్నారు బాలు.॥

నాటి నుండి నేటి వరకు ఎందరికో

తన గళాన్నందించిన బాలుా చాలామంది 

నటుల  హావభావలకు, నటనా శైలికి

అనుగుణంగా  పాటలు పాడి ప్రాణం పోశాడు॥

అందుకే అమరగాయకుడు ఘంటసాల తరువాత తెలుగు సినీ పాటకు సిసలయిన వారసుడిగా బాలసుబ్రహ్మణ్యం  ఒక్కడే నిలిచాడు. ॥

పదాల మాధుర్యాన్ని గమనించి 

అతను చేసే ఉచ్చారణ అతని 

పాటను పండిత పామరులకి చేరువ చేసింది.॥

 వృత్తిపట్ల బాలుా ఎంతో అంకితభావంతో

 వ్యవహరించి గాయకునుగా, నాయకునుగా,

 డబ్బింగ్ ఆర్టిస్ట్ గా కొన్ని వేల పాటలకు

 పురస్కారాలను, అవార్డులను అందుకొని

 గాన గంధర్వునిగా అందరి మదిలో 

 చిరస్థానాన్ని సంపాదించుకున్నారు.॥

 

 బరువెక్కిన గుండెకు 

 స్వాంతన బాలుగారి పాట.

 ప్రేమించిన మనసుకు

 చల్లని వెన్నెల బాలుగారి పాట.

 చిరు కోపాల అలకలకు 

ఊరటల ఉపశమనం బాలుగారి పాట॥

హావ భావాల కదలికలకు

అమరే కళల అందం బాలుగారి పాట ॥

కన్నీటి గాయాలకు పుాసే

 ఔషధం  బాలుగారి పాట॥

 అల్లరి చేసే  యువతకు 

 ఆనందాల ప్రేయసి బాలుగారి పాట..॥

వేయేల...

  మరువలేని మరపు రాని 

 మహా  గాంధర్వ గాయకునికి 

 శతకోటి జ్ఞాపకాలతో చేస్తున్న

  అక్షరాంజలినై నిలిచితి  నీపుాట..🙏

 

 

 

 

 

అత్తయ్యగారు : మరువలేని జ్ఞాపకం

26/09/2022.

నవరాత్రుల ఆరంభం. .

ఆశ్వయుజ పాడ్యమి తిథి ...

మా అత్తయ్యగారైన  "ఈశ్వరమ్మ" గారి జన్మదినం .

అత్తయ్యగారి "జయంతి" జ్ఞాపకాలతో...

వారి కోడలు....

శ్రీమతి : పుల్లాభట్ల జగదీశ్వరీముార్తి.

రచించిన వచన కవిత ...

శీర్షిక  : మరపురాని జ్ఞాపకాలు .

పుాచిన ప్రతీ పుావు పరిమళించదు.

పరిమళించిన పుాలన్నీ పుాజకు నోచుకోవు.

అలాగే పుట్టిన ప్రతీ  జన్మ సార్ధకమవదు.

మరణించిన ప్రతీ జీవికి అమరత్వం లభించదు ॥

బ్రతుకంతా ఆనందం. ఆనంద చింతనలో, ఆధ్యాత్మికం.

ఆధ్యాత్మికతతో నిండిన  రాగాలాపనం.

అదే స్వర, రాగ, లయలకు నిలయమైన సంగీతం .. ఆమె నిత్య దినచర్యకు ప్రారంభోత్సవం , 

సంగీత, సాహిత్యాల సమ్మేళనల చర్చాంశం.॥

హరికథా శిరోమణిగా అందెవేసిన ఘనం ॥

సంగీతంతో పాటు భక్తి నిండిన సాహిత్యం .

అవే అమె రచనలకు ముాలం .

అదే ఆమె జీవిత పరమార్ధం .॥

నిత్య పుాజగా పద్య, గద్య , రచనల సమాహారం .

భజన-కీర్తనలతో భగవంతునికారాధనల వేద్యం.

గురుమాతగా కీర్తికెక్కిన గుణ వైభవం.

పాదపుాజలు ,పురస్కారాలతో బిరుదు సన్మానం ॥

పెద్దకోడలిగా నాకు దొరికిన గౌరవ‌ ఫలం .

మరుదులు, ఆడబిడ్డల ప్రేమానురాగం.

అమ్మ తరువాత అమ్మగా నా కందిన వరం .

నా తల్లిదండ్రుల అనందానికైన కారణం ॥

వేల పుస్తకాల గ్రంధాలయం మా గృహం.

అత్తయ్యగారు ఆలపించిన గీతాలతో పావనం.

108 సార్లు గావించిన రామాయణ గ్రంధ పఠనం.

అన్నదానాది  శాంతి హోమాలతో  దారపోసిన 

పుాజా ఫలం, మా దంపతులు చేసుకున్న

జన్మ జన్మల పుణ్య ఫలం ॥॥

దశరా పండగ మొదటి రోజు ప్రాశస్త్యం  "

 అత్తయ్యగారి జన్మదినానికి" నిదర్శనం .॥

 అత్తయ్యగారి జయంతోత్సవం ..

మము వీడని  మధురమైన జ్ఞాపకం.॥

తొమ్మండుగురు పిల్లలకు తల్లిగా 

పంచిన ప్రేమకు " 95" వత్సరాల వసంతం.

"శ్రీ రామనవమి" రోజు మా అందరినీ వదలిన బంధం  

"శివైక్యం" చెందిన అత్తయ్యగారికి  పాదాభివందనం ॥

ఆమె పాటలకు, రచనలకు ఊపిరిపోసిన సంతానం.

ప్రతీ రోజుా సంగీత -సాహిత్య చర్చలతో మా కుటుంబం .

ఎప్పటికీ  తరగని ప్రేమామృతాల ఉమ్మడి కుటుంబం.

అత్తయ్యగారి ఆశీర్వాదమే నేడు మా అందరి బలం .॥

**************************************