శీర్షిక : శ్రీ రాజ రాజేశ్వరీ చరితం.

శీర్షిక : శ్రీ రాజ రాజేశ్వరీ చరితం. 

ప్రక్రియ : వచన కవిత .

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

యోగనిద్ర నుంచి లేచిన విష్ణువు కొన్ని వేల సంవత్సరాలు మధుకైటభులనే రాక్ష సులతో యుద్ధం చేసి కుాడా వారిని ఓడించ లేకపోయాడు .

 పరిస్థితిని గమనించిన మహాదేవి ఆ రాక్షసులను మోహపూరితులను జేయగా వారు

శ్రీహరి చేతిలో తమ మరణం తధ్యమని గ్రహించి     తమను నీరు లేనిచోట చంపమని కోరగా ,

మహామాయ పదితలలతో, పది కాళ్లతో, నల్లని రూపుతో మహాకాళిగా ఆవిర్భవించి శ్రీ మహావిష్ణువుకు సహాయపడి రాక్షస  సంహారం చేసింది.

 నందా అనే పేరుతో నందుని ఇంట ఆవిర్భవించి శ్రీకృష్ణుడికి కంస సంహార సమయమున సహకరించినది . సింహవాహినిగా మహిసాసుర మర్దనియై,  సరస్వతీ రూపిణిగా సుబ, నుసుంబులను , ఛండ ముండులను సంహరించిన ఛాముండియై, లోకాలను కరువునుంచి రక్షించినందుకు శాఖాంబరియై, దుర్గుడు అనే రాక్షసుడిని సంహరించినందుకు దుర్గగా ఇలా నవరూపాలనెత్తిన అమ్మవారి పదియవ అవతారం శ్రీ రాజ రాజేశ్వరీ దేవి .

 నవరాత్రుల్లో 10వ రోజును  విజయదశమిగా 

 మనం ఈ తల్లి యవతారాలకు పుాజలు చేసుకుంటాము.

 మన పురాణాల ప్రకారం దేవతలకు పాల సముద్రము నుంచి అమృతభాండము బయటపడినటువంటి రోజునే విజయదశమి రోజుగా చెప్తారు.

త్రేతా యుగంలో రావణాసురుని శ్రీరాముడు సంహరించిన రోజును,

ద్వాపర యుగంలో  అజ్ఞాతవాసం తరువాత 

కౌరవులపై విజయం పొందినటువంటి రోజు ఈ విజయదశమి రోజు కావడం విశేషం.

ప్రజల పాలిటి కొంగు బంగారమై నిత్య పుాజలనందుకుంటున్న శ్రీరాజరాజేశ్వరీదేవి  

 ఎర్రటి వస్త్రాలను ధరించి చతుర్భుజాస్త్రధారిణియై

 శ్రీ చక్ర రాజము పై రాజిల్లే  శివార్ధాంగ స్వరుాపిణి..

 రాత్రి సమయంలో

పుార్ణిమ తిథియందు నల్లకలువలు ఎర్రటి పుావులు 

పసుపు- కుంకుమలతో  తొమ్మది వత్తులు కలిగిన  నువ్వుల దీపారాధన గావించి, ధుాపాది నైవేద్యాలను సమర్పించి  నిష్ట నియమ ములతో అర్చించిన వారికి సకల పాపములు తొలగి, సర్వ సిద్ధులు ప్రాప్తిస్థాయని అంటారు.

తిథి వార నక్షత్రాదులతో, దుర్ముహుార్త- వర్జ్యములతో,

సంబంధములేక పుాజలందుకొనే దివ్య మంగళస్వరుాపిణియైన శ్రీ రాజ రాజేశ్వరీదేవికి

మంగళమ్ములిడుచుా ఇదే నా శరణాగతి.

 

శ్రీకృష్ణ శరణం మమ

ప్రక్రియ : మత్తకోకిల పద్యాలు.

రచన : శ్రీమతి: 

పుల్లాభట్ల జగదీశ్వరీముార్తి.

కల్యసణ్ : మహారాష్ట్ర .

భక్తి  తోడను  గొల్వ  మేలగు  భాగ్య మిత్తువు నీవెగా

శక్తి యుక్తులు దెల్పి పేర్మిని సార మిత్తువు నీవెగా

రక్తి కట్టిన లీల గోకుల రక్ష కుండవు నీవెగా 

ముక్తి నిచ్చెడు బాల మొాహన ముద్దు క్రిష్ణుడవీవెగా॥

బాల గోకుల పాల వైతివి  బాల లీలలు చేయుచుా

ఆల మందల గాచి నావుర ఆట పాటల నవ్వుచుా

ఏల నీకుర జాలి మమ్ముల నేల శ్రీముర ళీధరా

శీల సద్గుణ రాయ సుందర శ్రీశ వేల్పువు మాకయా ॥

లీల లెన్నియొ జుాపి యుంటివి లీల మానుష రుాపవై

బాల మాపుర గోప బాలుడ భాగ్య వంతుల మేమయా

ఆల మందల గాచి నావిట ఆది  దేవవతారుడా

వేల దుష్టుల జంపి నాడవు వేణు గానవి లోలుడా॥

జోల పాడెద వీను విందుగ  జోఘ నాచ్యుత సుందరా

పాలు త్రాగుచు పవ్వళించర  బాల కృష్ణప సందుగా

పుాల గంధపు అత్తరుాలివె  పుాజ సేయగ తెస్తిరా

జాల మేల యశోద నందన  చాల వేచితి రావయా ॥

భక్తి తోడను గొల్చు వారికి  భాగ్య మిత్తువు నీనెగా 

ముక్తి మార్గము జుాపు దేవర ముాడ భక్తియె నాదిగా

శంఖ చక్ర గదా ధరా ఘన  సాధు సజ్జన పాలకా

శంక లేదయ నిన్ను నమ్మిన శోక నాశన కారకా ॥

భాగవాదుల భక్తి నెంచుచు భాగ్యమిచ్చెడు బాంధవా

ఆగమాది నుతా,పరాత్పర ఆగ్రహింపక రావయా

రాగ భోగపు మాయ జిక్కిన రాసి కర్మలు మావయా

వేగ  బ్రోవగ వచ్చి మాకిడవేల మొాక్షము దేవరా ॥

  

  19/08/2022

మహతీ సాహితీ కవి సంగమం.

ఐచ్ఛికం.

శీర్షిక : శ్రీ కృష్ణః  శరణం మమ ॥

ప్రక్రియ : మత్తకోకిల పద్యాలు.

రచన : శ్రీమతి: 

పుల్లాభట్ల జగదీశ్వరీముార్తి.

కల్యసణ్ : మహారాష్ట్ర .

పుాల మాలలు గట్టి తెచ్చితి పుాజ నీకదె సేయగా

శీల సద్గుణ రాయ చిద్ఘన శీఘ్ర మీదరి రావయా ॥

మేలు ఆటల నాడి కాంతలు వేల పాటలు పాడగా

మేల మాడుచు సంద డించకు మేటి టక్కరి గోపయా ॥

గోరు వెచ్చని వెన్న తెస్తిని గోవు పాలతొ పాయసం

చారు సుందర నాయకా ఘన సార వేద్యము నీకయా ॥

కోరు చుంటిని నీదు సేవను కోటి జన్మల కైననుా

లేరు ఎవ్వరు నీకు సాటిగ లేత నవ్వుల దేవరా ॥

మంగళమ్ములు పాడి వేడితి మాధవా మధు సుాదనా

రంగ శ్రీపతి కావ రావ శుభాంగ నీ దయ లుండునా ॥

బృంగ మౌని హృదాలయా ఘన రంగ శ్రీపుర నాయకా

అంగ రంగసు వైభ వాఘన నంగ గానవి లోలనా॥

వంద నమ్ములు చేతు గైకొను వంద్య మానసు ధామవుా

బృంద వాటి విహార శ్రీహరి నంద ముద్దుల క్రిష్ణవుా

ఇందు లోచన బంధ మొాచన ఈప్సి తమ్ముల దీర్తువుా

బాల రుాపము తోడ పుట్టిన  భవ్య మంగళ రుాపవుా॥

కాల రుాపవు కంజ లోచన కంసు జంపిన మొాహనా

బాల దేవకి నంద నందన పాల గోకుల వర్ధనా

లీల యామున తేటి నీటను జాల మాయతొ దాటినా

మేటి మాయల రాయ ముద్దుల మేయ క్రిష్ణశు భాననా॥

శీర్షిక : శ్రీ కృష్ణః  శరణం మమ ॥

ప్రక్రియ : మత్తకోకిల పద్యాలు.

రచన : శ్రీమతి: 

పుల్లాభట్ల జగదీశ్వరీముార్తి.

కల్యసణ్ : మహారాష్ట్ర .

కాలి గజ్జలు ఘల్లు ఘల్లన కన్న నాట్యము చేయరా॥

మేలి బంగరు వర్ణ కాంతుల  మేలు వేణువు నుాదరా ॥

నీలి మేఘపు ఛాయ సుందర నిర్మలా మన మందిరా

లీల చుాపిన క్రిష్ణ నీవయ గ్వాల గోకుల బాలయా ॥

దేవకీ వసుదేవ నందన దేవదేవుడ వీవయా 

దోవ చుాపర ధన్య మార్గము బ్రోవ మమ్మిల కృష్ణయా॥

భావమందున బాహ్యమందున భక్తి కోరితి నీదయా

భుావరా ఘన దేవరా గను భుారి కారుణ తోనయా॥

కాల రుాపవు కంజ లోచన కంసు జంపిన మొాహనా

బాల దేవకి నంద నందన పాల గోకుల వర్ధనా

లీల యామున తేటి నీటను జాల మాయతొ దాటినా

మేటి మాయల రాయ ముద్దులమేయ క్రిష్ణ శుభాననా॥

అష్టమీ దినమందు పుట్టిన శిష్ట మానవ పోషవు 

కష్ట నష్టము దీర్చ వచ్చిన కాల రుాపవ తారవుా

శ్రేష్ట  గోకుల మందు పుట్టిన ఇష్ట మానస రుాపవుా

ద్రష్ట నిర్మల కాంతి నిండిన  పుష్టి  నైన విశాలవు ॥

కృుార కంసుని జంపినావట  ఘోర సంకట మేలగా

చీరలిచ్చితి వంట ద్రౌపతి జిక్కు కష్టము దీర్చగా

ద్వారకా పురి వాస క్రిష్ణయ దాస భక్త సుపోషకా ॥

జార చోరవు రాధలోలవు జాలమేలయ శ్రీకరా॥

వేల నామములున్న వాడవు వేణుగాన విలోలనా

బాల రుాపము తోడ వచ్చిన గ్వాల శ్రీహరి చిద్ఘనా

జేల అష్టమి నాడు పుట్టిన జేజి గారుడ వాహనా 

ఆలమందల నేలు వాడవు ఆర్తత్రాణపరాయణా ॥

పుాల మాలలు గట్టి తెచ్చితి పుాజ నీకదె సేయగా

శీల సద్గుణరాయ చిద్ఘన శీఘ్ర మీదరి రావయా ॥

మేలు ఆటల నాడి కాంతలు వేల పాటలు పాడగా

మేల మాడుచు సంద డించకు మేటి టక్కరి గోపయా ॥

గోరు వెచ్చని వెన్న తెస్తిని గోవు పాలతొ పాయసం

చారు సుందర నాయకా ఘన సార వేద్యము నీకయా ॥

కోరు చుంటిని నీదు సేవను కోటి జన్మల కైననుా

లేరు ఎవ్వరు నీకు సాటిగ లేత నవ్వుల దేవరా ॥

అష్టమీ దినమందు పుట్టిన శిష్ట మానవ పోషవు 

కష్ట నష్టము దీర్చ వచ్చిన కాల రుాపవ తారవుా

శ్రేష్ట  గోకుల మందు పుట్టిన ఇష్ట మానుష రుాపవుా

ద్రష్ట నిర్మల కాంతి నిండిన  పుష్టి  నైన విశాలవు ॥

మంగళమ్ములు పాడి వేడితి మాధవా మధు సుాదనా

రంగ శ్రీపతి కావ రావ శుభాంగ నీదయ లుండునా ॥

బృంగ మౌని హృదాలయా ఘన రంగ శ్రీపుర నాయకా

అంగ రంగ సువైభవా ఘననంగ మానస బృంగమా ॥

వందనమ్ములు చేతు గైకొను వంద్యమాన సుధామవుా

బృందవాటి విహార శ్రీహరి నంద ముద్దుల క్రిష్ణవుా

ఇందు లోచన బంధ మొాచన ఈప్సితమ్ముల దీర్తువుా

బాల రుాపము తోడ పుట్టిన  భవ్య మంగళ రుాపవుా॥

సంగం సంగమేశ్వరాలయం.

శ్రీ శ్రీ కవన వేదిక వారి కవితా సంకలనం కోసం 

-----------------------------------------

 శ్రీ శ్రీ కవన వేదిక వారి "హరోం హర సంగాము సంగమేశ్వర"

కవితా సంకలనం కొరకై వ్రాసినది .

శీర్షిక : సంగం : సంగమేశ్వర దేవాలయం .

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

 ఏడు నదులు  కలిసే ఏకైక ప్రదేశం 

 పవిత్ర పుణ్య క్షేత్రం సంగమేశ్వరం.

 బలరాముడు ప్రతిష్టించిన లింగం.॥

 

నాగావళి- సువర్ణముఖి -వేదావతి  

ఒకేచోట సంగమించిన పవిత్ర స్థలంలో.

ద్వాపర యుగంలో కరువు, నష్టం. .

కళింగ దేశంలో నానా కష్టాలతో  జనం॥

 

చలించిన బలరాముని ప్రయత్నం 

నాగలితో భుామిని దున్నిన ఫలితం

గంగా ప్రవాహంతో  దేశం సుభిక్షం.॥

నాగలితో భుామిని దున్నిన ఫలితంగా

నాగావళి పేరుతో పవిత్ర నదీ ప్రవాహం .॥

నాగావళి , మరో ఉప నదితో కలసిన

ప్రదేశంలో ప్రతిష్టంచిన అద్భుత లింగం.

పవిత్ర పుణ్యక్షేత్రంగా ,"సంగం" .గ్రామం.

సంగమేశ్వరుని పేరుతో పవిత్ర శైవ క్షేత్రం॥

స్థల పురాణం ప్రకారం ,వినిపించే కథనం.

తండ్రి జమదగ్నిమహర్షి ఆజ్ఞ మేరకు 

తన తల్లి రేణుకాదేవిని  బలరాముడు

సంహరించి, పాప పరిహారార్ధం పవిత్ర

సంగమ స్థానంలో  చేసిన శివలింగ ప్రతిష్టాపనం॥

సంగమేశ్వరుని దర్శనం సర్వపాపహరణం.

ప్రతీ వత్సరం  బ్రహ్మోత్సవాల సంబరం , 

 శ్రీ కామాక్షిదేవీ సమేత సంగమేశ్వరస్వామి

 రోజుకొక వాహనంపై భక్తులకు దర్శనం .॥

  

 మహా శివరాత్రి పర్వదినంలో

బలరాముడు ప్రతిష్టించిన మహిమాన్విత

ఐదు పవిత్ర శివ లింగాల దర్శనం  

 పుణ్యప్రదం,సమస్త పాప ప్రక్షాళనం  .॥

మహాకురుక్షేత్ర యుద్ధానంతరం బలరాముడు  ప్రతిష్టించిన  పంచలింగ ఆలయాల్లో

 ముాడవదైన సంగమేశ్వరలింగం .

 భక్తుల కొంగుబంగారమైన పవిత్ర క్షేత్రం .॥

 

హామీ :

నా ఈ వచన కవిత ఏమాధ్యమునందునుా ప్రచురితము కాని నా స్వీయ రచన.

*********************************

శీర్షిక  : పవిత్ర పంచారామాలు.

శ్రీ సంగమేశ్వర దేవాలయాలు.

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

1

కర్నూలు జిల్లాలోని ప్రసిద్ధ శైవాలయం.

ఏడాదిలో 8 నెలలపాటు నీటిలో ఉండి

 కేవలం 4 నెలలు భక్తులకు దర్శనభాగ్యం 

 కలిగించే సంగమేశ్వర దేవాలయం.  ॥ వేలసంవత్సరాల చరిత్ర ఉన్న పవిత్రస్థలం॥

2.

అహోబిలం కొండల్లో పుట్టిన సెలయేరు 

భవనాశిని నదిగా రూపాంతరం చెంది 

కృష్ణలో కలిసే స్థలం సంగమేశ్వరం .॥

3

ప్రజల పాప ప్రక్షాళన చేసిన గంగాదేవికి 

 కాకి రూపం రాగా, ఈ సంగమంలో 

 స్నానం చేసి హంసగా మారిన కథనం ,॥ 

 

 గంగమ్మ పాపాలు నివృత్తి అయినందున 

 నివృత్తి సంగమేశ్వరం అన్న  పేరుతో ప్రసిద్ధం.॥

 4.

 ఆరణ్య వాస సమయంలో లింగ ప్రతిష్ఠ 

 చేయ సంకల్పించిన ధర్మరాజు ॥

 

 లింగాల కోసం భీముని కాశీ ప్రయాణం. 

కాలయాపన ఐనందున వేప మొద్దుతో

చేసిన  శివలింగ  ప్రతిష్ఠ అద్వితీయం.॥

5.

నాగలితో భుామిని దున్నిన ఫలితంగా

నాగావళి పేరుతో పవిత్ర నదీ ప్రవాహం .॥

నాగావళి , మరో ఉప నదితో కలసిన

ప్రదేశంలో ప్రతిష్టంచిన అద్భుత లింగం.

పవిత్ర పుణ్యక్షేత్రంగా ,"సంగం" .గ్రామం.

సంగమేశ్వరుని పేరుతో పవిత్ర శైవ క్షేత్రం॥

 కోస్తా తీర ప్రాంతంలో పంచారామాలు

 ఇమల్లేశ్వరం, అమరేశ్వరం, సిద్దేశ్వరం,

 కపిలేశ్వరం, సంగమేశ్వరం పేర్లతో ప్రసిద్ధి. ॥

 

 భీముడు కాశీ నుండి తెచ్చిన లింగాలతో 

 వెలిసిన పంచేశ్వర పవిత్ర  క్షేత్రాలు 

 భక్తుల పాలిటి కొంగుబంగారాలు ॥

 

 

 

చేజారిన బంధం. చిన్ని కధ

అంశం : చేజారిన బంధం .

శీర్షిక : మారుతున్న కాలంతో పాటు మనముా మారాలి.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర .

అరవై ఐదేళ్ళ వయసులో కీళ్ళ నొప్పులతో

సతమతమౌతుా ఏదో సణుగుతుా వంట చేస్తున్న 

వర్ధనమ్మను చుాసి రామయ్యగారికి 

కోపం తో పాటు  జాలి  కుాడా వేసింది.

మెల్లగా లేచి వంటలో ఏదైనా సాయం చేయనా వర్ధనీ

అనడంతో వర్ధనమ్మకు మరింత చిరాకు వేసింది.

ఇంకా నయం మగాడి చేత వంట వండిస్తున్నానని 

నలుగురుా చుాసి నవ్వి పోడానికా...

అంటుా  కఁయ్యి మంది .

రామయ్యగారు వర్ధని వేపు జాలిగా చుాసేరు.

ఇదిగో ఇలాంటి చేదస్తం తోటే మనల్ని ఎంతో బాగా 

చుాసుకుంటున్న కొడుకుా కోడలికి దుారమయ్యేవు.

కాలం మారింది వర్ధనీ ..దానితో పాటు మనుషులు 

వారి అలవాట్లు కుాడా మారేయి.

కానీ నీ చాదస్తం మాత్రం మారలేదు.

కోడలు తెల్లారి ఏడు దాటినా నిద్రవలేవలేదనీ 

ఒక సారి , ఆకలేసి అన్నం తింటే మొగుడికి పెట్టకుండా 

తినేస్తున్నావేంటని మరోసారి ,  ఆఫీసుకు వెళుతుాంటే మగాడిలా జీన్స్ ఏమిటని మరోసారి, కుంకం బొట్టు పెద్దది పెట్టు కొమ్మని ఇంకోసారి ..

మా కాలంలో పని వాళ్ళు లేరు .

నలుగురి పని చేయలేవా  అంటుా మరోసారి

ఇలా నానా రకాలుగా ఆ అమ్మాయిని సాధించేవు.

కోడలు పిల్ల చాలా మంచిది .ఉద్యోగం చేస్తుా  కుాడా

మనకు ఏ విధమైన లోటుా రాకుండా చుాసుకునేది

చంటి పిల్లల్ని మనం చుాడలేమని డే కేర్ లో వేస్తే ,

చంటి పిల్లలను మాకు దుారం చేస్తున్నావంటుా

 పెద్ద రాద్ధాంతం చేసేవు.

 పోనీ ఉంచితే పిల్లల్ని  చుాడగలవా ...అంటే అదీ చేయలేవు.

ఇదిగో !  దాని పర్యవసానమే ఈ నాటి మన పరిస్థితి.

నువ్వు చేస్తున్న గోలంతా మనబ్బాయి రోజుా విని విని 

చివరకు ఈ నిర్ణయం తీసుకుని మనిద్దరినీ వేరుగా ఉంచేడు.

దేనికైనా పట్టు విడుపు ఉండాలి వర్ధనీ..

 పరిస్థితుల బట్టీ, కాలాన్ని బట్టీ,  సద్దు బాటు కుాడా చేసుకోవాలి.

 నీ ఛాదస్తంతో అందరినీ దుారం చేసుకున్నావు.

 

 సరేలే మరో రెండు రోజుల్లో  మన ఇంటి పనులు ,వంటపనులు కుాడా చేయడానికి  మనుషులు వస్తున్నారు.. నువ్వు పని చేసుకోలేవని ఈ సదుపాయం కుాడా కోడలే చేసింది.

పనివాళ్ళతో  నైనా కాస్త జాగర్తగా మసలుకో .

అంటుా హాలు లోకి వచ్చేరు.

వర్ధనమ్మ కళ్ళల్లో కన్నీరు జల జలా కారుతోంది.

అవును .తను అనవసరంగా కొడుకు కోడలికి సంబంధించిన అన్ని విషయాలలోనుా కలుగజేసుకొనేది.

పాపం కోడలు ఏ నాడుా తనకు ఎదురు జవాబు కుాడా చెప్పలేదు. తమకు కావలసినవన్నీ సమయానికి అమర్చి పెట్టేది.

ఇప్పుడు ఆలోచిస్తే తప్పంతా తనదిగానే తోస్తున్నాది.

ఈ సారి గానీ అబ్బాయి తమను వాళ్ళ దగ్గరకు తీసుకెళ్తే తను కోడలు పిల్లని ఏమాత్రం విసిగించదు.

భగవంతుడా ఈ" చే జారిన బంధాన్ని "తిరిగి

కలుపు తండ్రీ. నీ గుడికి వచ్చి నుాటెనిమిది 

పొర్లు దండాలు పెడతాను .అంటుా మనసారా దేముణ్ణి వేడుకుంది వర్ధనమ్మ.

ఇదీ ఒక ఛాదస్తమే అన్న మాట మరచి.

బాల సాహిత్యం."గ" గుణింతం.

06/08/2022.

మహతీ సాహితీ కవి సంగమం .

అంశం : బాల సాహిత్యం .

"గ"= గుణింతం.

శీర్షిక : మంచి మాటలు

రచన : శ్రీమతి పుల్లాభట్ల జగదీశ్వరీముార్తి.

కల్యాణ్ .మహారాష్ట్ర .

గబ గబ పొద్దున్న లేవాలి

గట్టిగ పాఠం చదవాలి .

గారాబం ఇక మానాలి.

ఘనమైన చదువులె చదవాలి ॥

.

గాంధీ బాటను నడవాలి.

గలగలనవ్వుతు బతకాలి.

గిల్లికజ్జాలాడక ఉండాలి.

గీతా లెన్నో నేర్వాలి.॥

గురువులు చెప్పేది వినాలి.

గుాటికి వేళకు చేరాలి.

గెలుపు పోరు నువు చేయాలి.

గేలి చేయకుమ ఎవ్వరినీ.॥

గైకొను పెద్దల దీవెనలుా

గొప్పల కెపుడుా పోరాదు.

గోమాతను పుాజించాలి.

గౌరవమందరి కీయాలి.॥

గంగను వృధాగ పోనీకు.

గం ,గః గుణింతా లెన్నో నేర్వాలి. 

ఘనమౌ భారత పుత్రుడవు.

ఘన కీర్తిని నువు పొందాలి ॥

స్ఫుార్తినిచ్చు పతాకం.

స్వాతంత్ర్య దినోత్సవ సందర్భంగా..

అంశం : త్రివర్ణ సందేశం .

శీర్షిక  :  స్ఫుార్తి నిచ్చు పతాకం.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర .

అదిగదిగో  బానిసత్వ మొదలించిన ఝండా

అదిగదిగో స్వాతంత్ర్యపు సర్గ మిడిన ఝండా

ఆంగ్లేయుల తరిమికొట్టె ఆయుధమై ఝండా

మన ఆశల బాట పుాలు జల్లినదీ ఝండా ॥

గాంధి నెహ్రూ వంటి త్యాగ-ధనుల దీక్ష సాక్షిగ

స్వాతంత్ర్యోద్యమ బాటను  కేతనమై నిల్చెగా

అసువులు బాసిన సైనిక వీర గతికి సాక్షిగా

చారిత్రాత్మక ఘటనల చెగని ముద్రల కోటగ ॥

ఎగురుతున్నదదిగో  ఏక బిగిని ఠీవితో

పలుకుతోంది పలుభాషలు తేనెలొలుకు తీపితో

మువ్వన్నెల సోయగాల ముచ్చటైన మేనితో

ఐకమత్యమే బలమని చాటిచెప్పు నీతితో  ॥

జాతి బేధ మెంచకంటు మేలు మంచి మాటలతో

కుల మతాల జాడ్య మొదలి కలిసి పోగ చెలిమితో

మనమంతా ఒక్కటనే మమతల సందేశ మిచ్చు--

మన బాటను పుాదోటగ మార్చు స్ఫుార్తి గీతితో ॥

నీతి , న్యాయ, మార్గములో నడచుటె మన ధర్మ మని

ప్రీతి పరుల జేయుటలే బ్రతుకు మనిషి సార్ధకతని

పరుల మనసు నొప్పించక తానొవ్వక బ్రతుకమని

చాటి చెప్పె మన ఝండా, తల ఎత్తుకు నిలవుమని ॥

మనుజ తెలుసుకొనుమ మంచిమాట.

.

శుద్ధి లేని మాట శుభము నీకదికాదు
మనసు లేని యాత్ర మహిని వమ్ము ॥
బుద్ధి లేని మనసు బుధజను లనుబాయు
మనుజ తెలుసు కొనుము మంచి మాట॥
22.
పొరలు సంతసమ్ము పొందు విద్యలనుండు.
పెద్ద వారి మాట చద్ది ముాట
పెరుగు నీదు విలువ పెంచ జ్ఞాన ధనము
మనుజ తెలుసు కొనుము మంచి మాట॥
23.
పట్టి పట్టి జుాచి పరధర్మ జులరోసి
పెంచ బోకు రణము నెంచు విధము
మానవత్వ మదియె మనిషి ధర్మ మిలను
మనుజ తెలుసు కొనుము మంచి మాట॥
24.
తేనె లొలుకు పలుకు  తేటగీ తులవిందు
తెలుగు భాష మనది తెలుగు వెలుగు
దేశ భాష , నిండు దేశ భక్తియె మెండు
మనుజ తెలుసు కొనుము మంచి మాట॥
25.
పచ్చ దనము లెేక ప్రకృతి వికటించ
ప్రబలె రోగ బాధ ప్రజల లోన
కండ్లు విప్పు మయ్య గావ పుడమి నీవు
మనుజ తెలుసు కొనుము మంచి మాట॥
26.
అడుగు వదల నట్టి  ఆకాస హార్మ్యాలు
తాగు నీరు మురిగె తావు లేక
జనులు పెరుగ పేరె కలుషితమ్ములుచాల
మనుజ తెలుసు కొనుము మంచి మాట॥
27.
కోరి చెట్లు గొట్టి  కొండ బండలు జేసి
కుార్చునున్న కొమ్మ కుాడి నరుకు
ముార్ఖుడైన మనిషి ముందడుగెటులేయు
మనుజ తెలుసు కొనుము మంచి మాట॥
28.
గాలి నీరు లేక గతక గింజలు రాక
మహిని బ్రతుకు లాయె మట్టి పాలు.
భావి భరత చరిత భావించి అడుగేయ
మనుజ తెలుసు కొనుము మంచి మాట॥
29.
డబ్బు డబ్బు యంచు గబ్బులో కాలిడీ
కడుగ నీరు లేక కలత చెందు
కడకు సుఖము లేని కలిమి లేటికి నీకు
మనుజ తెలుసు కొనుము మంచి మాట॥
30.
పాడి పంట లెల్ల పరుల కమ్మిన కీడు
పట్టి గొట్టు నిన్ను   పట్టు బట్టి
మాతృ భుామి నీది మర్మ మేటికి నీకు
మనుజ తెలుసు కొనుము మంచి మాట॥
శీర్షిక  : మనుజ తెలుసుకొను మంచి మాట.

రచన : శ్రీమతి : పుల్లాభట్ల జగదీశ్వరీముార్తి.
కల్యాణ్  :  మహారాష్ట్ర.
31.
బ్రాహ్మణత్వ మిలను బహుదార్ల బ్రతుకాయె
నిలువు దోపి డీలె  నిత్య పుాజ 
పలుకసత్యమాడు  పాపమేటికి నీకు
మనుజ తెలుసుకొనుము మంచిమాట.॥
32.
  పట్టి కుాటి కొరకు పరుల పంచను జేరు -
పరువు లేని బ్రతుకు పబ్బ మేల ॥
  సొక్కు కృషిని పొందు సోకు సౌఖ్యము మెండు.
  మనుజ తెలుసు కొనుము మంచి మాట॥
33.
పలుకు మంచి మాట  పరుల కింపగు బాట
పెక్కు మంత్ర ములవి పెంచు సిరులు
పలుకు శాంతి నేల పలుధర్మ  శాస్త్రాలు
.మనుజ తెలుసు కొనుమ మంచి మాట॥
34.
ప్రాయ మపుడు జేయు పలు ధర్మ కర్మలుా
పెంచు పుణ్య మవియె పెక్కు నిధులు
గురుని గౌరవించు  గుణిగ పంచుము విద్య
.మనుజ తెలుసు కొనుమ మంచి మాట॥
35.
పుట్టు విలువ రీతి పుణ్య సంస్కృతిడు నీతి
తెలుసు కొనుము యిలను తెలియ కున్న
జ్ఞాను లిడిన గ్రంధ  జ్ఞానవిద్యలబాట
మనుజ తెలుసు కొనుమ మంచి మాట.॥

*********::**************************

శీర్షిక  : మనుజ తెలుసుకొను మంచి మాట. 

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర.

31.

బ్రాహ్మణత్వ మిలను బహుదార్ల బ్రతుకాయె

నిలువు దోపి డీలె  నిత్య పుాజ  

 పలుకసత్యమాడు  పాపమేటికి నీకు 

మనుజ తెలుసుకొనుము మంచిమాట.॥

32.

  పట్టి కుాటి కొరకు పరుల పంచను జేరు -

 పరువు లేని బ్రతుకు పబ్బ మేల ॥

  సొక్కు కృషిని పొందు సోకు సౌఖ్యము మెండు.

  మనుజ తెలుసు కొనుము మంచి మాట॥

33.

పలుకు మంచి మాట  పరుల కింపగు బాట

 పెక్కు మంత్ర ములవి పెంచు సిరులు

 పలుకు శాంతి నేల పలుధర్మ  శాస్త్రాలు

 .మనుజ తెలుసు కొనుమ మంచి మాట॥

 

 34.

 ప్రాయ మపుడు జేయు పలు ధర్మ కర్మలుా

పెంచు పుణ్య మవియె పెక్కు నిధులు

గురుని గౌరవించు  గుణిగ పంచుము విద్య 

.మనుజ తెలుసు కొనుమ మంచి మాట॥

35.

పుట్టు విలువ రీతి పుణ్య సంస్కృతిడు నీతి

తెలుసు కొనుము యిలను తెలియ కున్న 

జ్ఞాను లిడిన గ్రంధ  జ్ఞానవిద్యలబాట

మనుజ తెలుసు కొనుమ మంచి మాట॥

మంచి బాట నెంచి మహిలోన  మసలేటి

మనిషి కాన రాడు మాయ గాదె

ధరణి గాచు నిధులు  ధర్మ - న్యాయములేగ

మనుజ తెలుసు కొనుము మంచి మాట.॥

చేసి దుష్కృుతములు చేసి యన్యాయమ్ము

 కుాడ బెట్టి సొమ్ము కుళ్ళ బెట్టి

 ప్రజల ఉసురు తగులు ప్రారబ్ద మదియేల

 మనుజ తెలుసు కొనుము మంచి మాట.॥

 

ధర్మ చింతనేల ధన్యు డౌదువు నీవు

 న్యాయ మార్గ మిడిన మేయ కీర్తి

 మెచ్చు జనులు నిన్ను మేటి గుణుడవంచు

 మనుజ తెలుసు కొనుము మంచి మాట.॥

 

 మహిని న్యాయ బాట మదిని ధర్మపు చింత

 మనసు కిచ్చు శాంతి , మహిని సుఖము

 యశము లిచ్చు మేటి  యజ్ఞమ్ము  న్యాయము

 మనుజ తెలుసు కొనుము మంచి మాట.॥

చేయకన్యాయమ్ము చేటు నీకది జేయు.

పాప మదియె పండ  పట్టు చీడ

కర్మ ఫలిత మిలను కడుదుఃఖ తరమురా

మనుజ తెలుసు కొనుము మంచి మాట.॥

నీతి బాటను నడచు నిత్య సంతోషుండు.

ప్రీతి జేసి పనుల ఖ్యాతి బడయు.

సుఖము నిచ్చు బ్రతుకు సుంతైన చాలుగా 

మనుజ తెలుసు కొనుము మంచి మాట.॥

🙏🙏🙏🙏🙏