రాజ్యాంగ రక్షణ మన బాధ్యత.

శీర్షిక :రాజ్యాంగ రక్షణ.మన బాధ్యత.       

              రచన: శ్రీమతి పుల్లాభట్ల జగదీశ్వరీముార్తి.

                         కల్యాణ్ : మహారాష్ట్ర .

                         -----------------------------

1950 జనవరి 26 న  అమలులోకి వచ్చిన.భారత రాజ్యాంగం , న్యాయ సంబంధమైన చట్టాలన్నింటికి

ముాలాధారమై ,ఒక దేశం లేదా ఒక రాష్ట్రం యొక్క పరిపాలనా నిర్వహణకు పాటించాల్సిన న్యాయ సంబంధిత పత్ర సంపుటి తోప్రభుత్వాధికారాల నియమనిబంధనలతో బాటు,పౌర హక్కులు, 

దేశం సాధించాల్సిన లక్ష్యాలతో కలసిన పటిష్టమైన  పట్టికగా రుాపొందింపబడింది.

ఆనాటి నుంచీ ఈ నాటి వరకు పౌర ,చట్ట సంబంధిత మార్పులతో పాటు భారత ప్రభుత్వ వ్యవహరాల నిర్వహణాధికరణలవంటి ఎన్నో మార్పులతో చట్టాలను తీసుకు వచ్చేరు.

ఈ ప్రభుత్వ చట్టాలను పరిరక్షించే బాధ్యత ప్రజలమైన

మనపై చాలా ఉంది. న్యాయ పరమైన ప్రతీ పనికి మద్దతు ఇస్తుా , మత కలహాలను సృష్టించ కుండా, 

 స్త్రీ స్వాతంత్ర్యతకు సమానహక్కును ఇచ్చి గౌరవిస్తుా, 

 పర్యావరణ రక్షణ కై ప్రతీ ఒక్కరుా తమ వంతు కృషిని

 బాధ్యతాయుతంగా చేస్తుా , ఓటు హక్కును సద్వినియొాగ పరచుకొని, వ్యక్తగత, పరిసరాల పట్ల, సమాజం పట్ల, దేశం పట్ల మన విద్యుక్త ధర్మాన్ని  మనమే నిర్వర్తించాలి.అప్పుడే మన రాజ్యాంగం రక్షింపబడి , దేశం సుభిక్షమౌతుంది. 

శ్రీరామస్తోత్రం

రచన : శ్రీమతి పుల్లాభట్ల జగదీశ్వరీముార్తి.
కల్యాణ్ : మహారాష్ట్ర .
8097622021.

ప్రక్రియ : గేయ కవిత.
----------------------------

రామా ! నిను తలచినంత నేమా వెతలన్ని
తీరునోమారిటు రార ! రామ రవికుల సోమా !॥
బాలా కౌశల్య వర కృపాళా ! శ్రిత పరిపాలా ! 
లీలా కరుణాలవాల , మృదు పద జాలా..॥

కామారి వినుత రామ,  ఇనవంశ కుల సోమ
ధామా ! అయొాధ్య రామ, ముని జన కామా ॥
నందా.... ! దశరధానందా ! సీతా-మనార-
విందా ! మృదు మధుర హసిత భుాష తరంగా !॥

అంగా ! కరుణాంతరంగ..రామా ! ముని
హృదయ భృంగ ! రాజాధి రాజ రామ !
ధను ధర భీమా ॥భంగా! గర్వారి, దైత్య
దమనా,ధర పాలిత వర! సుగుణాభి రామ -
రామమేయ శుభాంగా ॥ 

ఆజ్ఞ కారి, వన విహారి ,యజ్ఞ రక్షకాధారీ
కల్యాణ గుణ కారీ  ! భవ సాగర తారీ॥
అహల్యాది శాప హారి। తాటకాంతకా సౌరీ !  
లోకాది వందిత పద ! పాప నాసకారీ  ॥ ॥

పట్టాభి రామ రామ ! సృష్ట్యాద్యవతార భీమ!
సుందర సుకుమార సోమ ! మంగళ శుభ కామా ॥
రామా ! శ్రీ రామ రామ ! సీతా ! మనోభి రామ ।
వాతాత్మజ వందిత పద ,నౌమీ .। శ్రీ రామా ॥
--------------------------------------------------------
--------------------------------------------------------
హామీ:
హామీ: నా ఈ కవిత ఏ మాధ్యమునందునుా
ప్రచురితం కాని నా స్వీయ రచన.

--------------------------------------------------------

15/04/2021.
తెలుగు భారతి  సాహిత్య సేవా సంస్థ   -ఎస్ వీ ఫౌండేషన్, ప్రజా సేవలో ----
జనదీపిక  సంయుక్తంగా నిర్వహిస్తున్న  కవితా వసంతోత్సవం ,

*శ్రీరామ నవమి కవితా వసంతోత్సవం*

రచన : శ్రీమతి పుల్లాభట్ల జగదీశ్వరీముార్తి.
కల్యాణ్ : మహారాష్ట్ర .
8097622021.

శీర్షిక  :  అవతార పురుషుడు.
ప్రక్రియ : గేయ ప్రక్రియ.
క్రమ సంఖ్య :  127.

దశరధానంద నేత్ర ! కౌశల్యా వరపుత్ర!
భరత లక్ష్మణాది భ్రాత ! రవి కుల జాత॥
కైకేయిా వర పాలిత ! పితృ వాక్య పరిపాలక ,
కానన వనవాస రామ ! ఖలుసాంతక భీమా ॥

శివ ధనుా భంగ రామ ! సీతా మనోభిరామ!
త్రేతాయుగ పరంధామ! పావన ఘన శ్యామా ॥
మాయా మారీచ దమన ! మంగళ శుభ కామనా.. రాక్షసాంతకా ఘనా ! సీతా హృదయ భావన ॥

లంకా ధహనావేశ  ...జానకీ , శోక నాశ !
వాతాత్మజ వందిత పద ! మంగళ కర,చరణా ॥
దశకంఠ...దైత్య దుార। ధర్మ పాల ధను ధీర
మర్యాద పురుషోత్తమ ! మంగళ శుభ చరితా ॥

రాజాధి రాజ రామ ! ముని మానస హృదయ కామ॥
ధామా ! అయొాధ్య పాల  ! రఘు కుల సోమా ॥
ధర పాలిత దివ్య నేత్ర ! రామా వర సుగుణ గాత్ర
కరుణా తరంగ నేత్ర । కామారి మిత్ర ॥

పట్టాభి రామ రామ పావన సీతాభి రామ
పరమాత్మా సుచరిత శుభ సుందర రామా।
దేవాది ముని వందిత నుత పథ, పద గీర్వాణ
జన గణ హిత కల్యాణ ! మంగళ శుభ నామా ॥

--------------------------------------------------------

శీర్షిక : లోక కల్యాణ కారకుడు.
వచన కవిత.

రచన : శ్రీమతి పుల్లాభట్ల జగదీశ్వరీముార్తి.
కల్యాణ్ : మహారాష్ట్ర .
8097622021.

--------------------------

దుష్ట శిక్షణ , శిష్ట రక్షణ కోసం
శ్రీమహా విష్ణువు ఎత్తిన దశవతారాల లో
ఏడవ అవతారం శ్రీరామచంద్రుడు ॥

రావణ సంహరనార్ధమై, శ్రీరాముడు వసంత రుతువులో చైత్ర శుద్ధ నవమి, గురువారం నాడు పునర్వసు నక్షత్రపు కర్కాటక లగ్నంలో మధ్యాహ్నం 12గంటలకు జన్మించారు. ప్రతి సంవత్సరం ఈ రోజునే మనం శ్రీరామనవమిని పండగలా జరుపుకుంటాం.

లోక కల్యాణార్ధం మానవ అవతారం ఎత్తిన
శ్రీ రామచంద్రుడు , తలిదండృలను ఎలా
గౌరవించాలో , వారి మాటకు ఎంత విలువ
ఇవ్వాలో తెలియపరచేడు.
బాధ్యత గల రాచ బిడ్డగా ధర్మ బద్ధమైన
ప్రజా పాలనఎలా చేయాలో ఆచరించి చుాపేడు.
ఒకే మాట ,ఒకే భార్య అంటుా వైవాహిక
బంధపు విలువలని చాటి చెప్పేడు.
అన్నదమ్ముల ఆదర్శానికి , ఆలు మగల అనుబంధానికి, ధర్మ  పరిపాలనకు ,
దుష్ట -శిక్షణ కు,శిష్ట -రక్షణకు , పేరుగా
శ్రీ రాముని చరితం తార్కాణ మంటారు.
జగద్విఖ్యాతి  గాంచిన "శ్రీరామ నామ జపం"
సర్వ దేవ ,ఋషి ,ముని మానవులందరికీ  ముక్తి,మొాక్ష కారకమని , కలియుగంలో
రమ నామ జపమొక్కటి చాలు , జన్మ తరింపజేయడానికని , వేద శాస్త్ర పురాణ
విదితమైనది. సాక్షాత్తుా  మహాదేవుడు కుాడా
నిత్యం జపించే శ్రీరామ నామాన్ని మనముా
జపించి కృతార్ధుల మౌదాం.
----------------------------------------------

నవయుగాదికి స్వాగతం

శీర్షిక  : నవ యుగాదికి నవ్వుల స్వాగతం.

రచన : శ్రీమతి పుల్లాభట్ల జగదీశ్వరీముార్తి.
కల్యాణ్ : మహారాష్ట్ర .
8097622021.

కరోనా కాటుతో పాటు , పెరిగిన కాలుష్యం
వల్ల, ఆక్సిజన్ కొరత తో అవస్త పడుతుా,
అనారోగ్యం పాలైన ప్రజలకు మేలు
చేసే రీతిలో వచ్చిన ఉగాది కన్య ,

సమృుద్ధికరమైన  నీటి వనరులతో ,వచ్చి పచ్చదనానికి ,పర్యావరణ రక్షణకుా
శ్రీకారం చుట్టింది. ప్రజలలో ఉత్సాహం
ఉరకలు వేసింది. అందరుా అనందం తో
మాస్క్ లు  ధరించి, సామాజిక దుారం
పాటిస్తుా "ప్లవ"  కన్యకు పట్టం కట్టేరు.

ప్రతీ ఏటా జరిగే యుగాది సంబరం
మంగళకరమైన మామిడి తోరణాలతో
మొదలై ,  వేద ఘోషల,దైవారాధనలతో ,
షడృుచుల నైవేద్యాలు నేతి పిండివంటల
పసందు ఱుచులతో , సాయంత్రం వరకు
సందళ్ళతో కళ కళ లాడితుా.జరిగింది.

కొత్త వత్సరం తెచ్చిన  కొత్త ఉత్సాహంతో
కోలుకున్న జనులు  మన సంస్కృతి,
సాంప్రదాయాల ప్రాశస్త్యాన్ని  కొనియాడుతుా ,
ఉగాది ఉత్సవాన ఆనంద కోలాటకాలాడేరు..

----------------------------------------------------

రామనామ మహిమ

18/04/2021
మనుమసిద్ధి కవన వేదిక కు పంపిన కవిత
అంశం : రామ నామం. కవితాంశం కొరకు...
శీర్షిక  :  రామ నామ మహిమ ( ప్రతిలిపి).

వచన కవిత.

రచన : శ్రీమతి పుల్లాభట్ల జగదీశ్వరీముార్తి.
కల్యాణ్ : మహారాష్ట్ర .
8097622021.

వైకుంఠ వాసుడైన శ్రీ మహా విష్ణువు.
మానవావతారమెత్తిన శ్రీరాముడు.దుష్ట శిక్షణ  శిష్ట రక్షణ  జేయడానికి అవతరిస్తున్న యుగపురుషుడు.
శ్రీ "మహావిష్ణుని అష్టాక్షరీ" మంత్రంలో ఐదో అక్షరమైన   ‘రా’, "శివ పంచాక్షరీ"  మహామంత్రంలోని రెండో అక్షరం ‘మ’.కలిపితే  రామ శబ్దం నిర్మితమైంది.
మంత్ర  బీజాక్షర శక్తి కలిగిన" రామ "అన్న శబ్దానికి
"ఓం" కారము కుాడా చేర్చ నవసరం లేదు .
గణేశ, శైవ, శక్తి, సూర్య వైష్ణవ మంత్రము-
లన్నింటికంటెనూ అధిక ఫలము "శ్రీ రామ నామ "
జపము వలన కలుగు తుంది."ర" శబ్దము, అగ్ని బీజం   " ఆ" శబ్దము,వాయు బీజం "మ" శబ్దము,ఆకాశ బీజం -ఇటువంటి అగ్ని , వాయ,రాకాశ  బీజ సమ్మిళితమైన " శ్రీ రామ"  నామ మహిమ ఇంతా అంతా
అని చెప్పనలవి కాదు.ఏకపత్నీ వ్రతుడు, పితృ, మాతృ భాతృ, సదాచారం, నిగ్రహం, వంటి
సర్వ సద్గుణాలు మూర్తీభవించిన దయార్ద హృదయుని ," రామ" అన్ననామాన్ని మన-
మందరం జపించి కృతార్ధులమౌదాం.

హామీ: నా ఈ కవిత ఏ మాధ్యమునందునుా
ప్రచురితం కాని నా స్వీయ రచన.
******:::***::*********************::::*

15/04/2021
తెలుగు భారతి  సాహిత్య సేవా సంస్థ   -ఎస్ వీ ఫౌండేషన్, ప్రజా సేవలో మనం-శుభోదయం  -జనదీపిక  సంయుక్తంగా నిర్వహిస్తున్న  కవితా వసంతోత్సవం.

*శ్రీరామ నవమి కవితా వసంతోత్సవం*  కు పంపినది
*క్రమ సంఖ్య 127.

శీర్షిక : లోక కల్యాణ కారకుడు.
-------------------------

.లోక కల్యాణార్ధం మానవ అవతారం ఎత్తిన
శ్రీ రామచంద్రుడు , తలిదండృలను ఎలా
గౌరవించాలో , వారి మాటకు ఎంత విలువ
ఇవ్వాలో తెలియపరచేడు.
బాధ్యత గల రాచ బిడ్డగా ధర్మ బద్ధమైన
ప్రజా పాలనఎలా చేయాలో ఆచరించి చుాపేడు.
ఒకే మాట ,ఒకే భార్య అంటుా వైవాహిక
బంధపు విలువలని చాటి చెప్పేడు.
అన్నదమ్ముల ఆదర్శానికి , ఆలు మగల అనుబంధానికి, ధర్మ  పరిపాలనకు ,
దుష్ట -శిక్షణ కు,శిష్ట -రక్షణకు , పేరుగా
శ్రీ రాముని చరితం తార్కాణ మంటారు.
జగద్విఖ్యాతి  గాంచిన "శ్రీరామ నామ జపం"
సర్వ దేవ ,ఋషి ,ముని మానవులందరికీ  ముక్తి,మొాక్ష కారకమని , కలియుగంలో
రమ నామ జపమొక్కటి చాలు , జన్మ తరింపజేయడానికని , వేద శాస్త్ర పురాణ
విదితమైనది. సాక్షాత్తుా  మహాదేవుడు కుాడా
నిత్యం జపించే శ్రీరామ నామాన్ని మనముా
జపించి కృతార్ధుల మౌదాం.
----------------------------------------------

గాయత్రీదేవిగారు రాసిన ఉత్పలమాల పద్యాలు

మహతీసాహితీకవిసంగమం

కరీంనగర్

అంశం:ఐచ్ఛికం

తేదీ:8.12.21

మ.సా.క.సం:5

పేరు:డా.గాయత్రీదేవి

ఊరు:విశాఖపట్నం

క.సం:2

ప్రక్రియ:ఉత్పలమాలిక.

శీర్షిక;భారతమాతకు గజమాల.

శ్రీరమణీయమున్ సహజసిద్ధమనోహరభాగ్యదమ్ములున్

సారవిభాప్రభాసమునుసజ్జనచిత్తమువోలెశోభిలున్

హారముగాగనిల్చినవహా!విరళీకృతశైలసంపదల్

భారతధాత్రికియ్యవియు ,భద్రతగూర్చును సైనికాళులీ

ధారుణిధాతసృష్టి ,కడుధన్యముదివ్యపవిత్రధర్మమై

భారతభూమిరక్షణయెభాగ్యముగాతలదాల్చినట్లు ,దీ

క్షారతియుత్తరానహిమశైలమునిల్చెమహోన్నతమ్ముగా

భారతసైనికాళికిల ,బంగరుమార్గముజూపునట్లుగా

తూరుపుతెల్లవారగను తోరపుకాంతులభానుమూర్తికిన్

సారపుజన్మభూమిగను ,జక్కగభాసిలు ,నస్తమించ ,నా

దూరపుకొండలే ,మహిత దూరపుబంధువువోలెదోచు ,చె

ల్వారగశైలసంపదలుభారతదేశపు భాగ్యరాశులై

సారమతింగవీంద్రుడు ప్రసన్నకథాకలితార్థయుక్తితో

భారతభారతీపదముబంగరుపువ్వులపూజసేసి ,తా

భారతగాథలోమహితపావనధర్మముసూక్తిసారముం

దీరుగనిల్పినట్టి ,మహనీయుని నన్నయకంజలింతు ,నా

శ్రీరమణీయకావ్యములశ్రీహరిశంకరుతత్త్వమొక్కటే

వారికృపావిలాసమిది,భావనజేయగవిశ్వమంత ,వి

స్తారతశోభనిచ్చె కవితాసుధభూషగదాల్చెనాంధ్రమున్

గారవమొప్పమ్రొక్కిడుదు,కైతలబమ్మకుతిక్కయజ్వకున్.

భారతపర్వశేషమునుభాసురలీలరచించి.,వర్ణనా

సారమరందధారలను ,జల్లుచుతెన్గుప్రబంధమూర్తియై

క్షీరమరందమాధురుల శ్రీకరిశారదపాదసన్నిధిన్

జేరినశంభుదాసునికి ,చేతమురంజిలనంజలించుచున్

ధీరుడుసంస్కృతాంధ్రములరసతేజమునందిన ,దివ్యమూర్తి ,సం

స్కారపయోధిలోమునిగి ,కమ్మనిరామకథారసమ్ములన్

చారుమనోజ్ఞమోహనము ,సందడిజేసిన వేయిపడ్గలున్

హారముగానువైచి ,భువిహ్లాదముగూర్చెనువిశ్వనాథుడా

శ్రీరమణీయకావ్యముల ,శేముషిసింధువు ,సంస్కృతమ్ములో

ధీరశకుంతలాగధను ,ధీరునియక్షునిమేఘదౌత్యమున్

హారముగాసరస్వతికి ,హ్లాదమొనర్చినకాళిదాసు ,ఓం

కారమునట్లుభాసిలెను ,కమ్రశుభోపమవాణిదాసుడా 

చారుశరీరు ,పాపహరు ,సాధుగుణాకరు ,రామభద్రునిన్

తారక మంత్రసాధనను ,తన్మయతన్ ,గనివల్మికీయుడున్

కూరిమినాదికావ్యముగ ,క్రొత్తదనమ్మునగూర్చినిల్పె ,నా

తారకరామభక్తు ,మది,దద్దయుగొల్తు ,ప్రచేతసాత్మజున్

సారపదప్రవాహఝరి ,సత్కవితావిధిశారదాంబనే

చారుతరమ్ముగాగొలిచె ,సత్కృతిగాకనకాభిషేకముల్

ధారుణిపొందినట్టి,కవితారససారధి ,రెడ్డిరాజ్యపున్

వారధి ,సార్వభౌమకవి ,ఫాలవిలోచనభక్తవర్యుడై.

కోరడుభూమిభాగములు ,గోరడు భాగ్యపురాశులెయ్యడన్

తారకరామమంత్రమహితాబ్ధిని ,దేలుచు ,పోతనార్యుడున్

కోరికతీర ,కృష్ణురసఘూర్ణిత వృత్తము గోపికాసుధల్

జారగవ్రాసెభాగవత ,సత్కృతి ,తెన్గునశబ్దశయ్యగా..

భారముడించమానవులపాపమణంగగ ధర్మమార్గ ,సా

కారుడు,బాదరాయణుడు క్ష్మాస్థలిజేసెపురాణరాశులన్

భారతగాథలన్ ,మహితభాగవతమ్మును ,ముక్తిమార్గప్రా

కార ,పరోపకారమతి ,కారణజన్ముడు విష్ణురూపుడా

వీరుడుకోవిదాళి ,మునువిద్యలవేల్పుగపండితాళి ,వి

స్తారయశోవిభూషిత ,ప్రసన్నమతుల్ యనకృష్ణరాయలా

పూరగళమ్మునెత్తి కవిపుంగవశ్రేణినిగారవించి ,స

త్కారమొనర్చెసంతతము ,కావ్యరసమ్ములనోలలాడి సం.

పూరకపద్దెవిద్దియల ,భూషగదాల్చగ కృష్ణరాయలే

తీరుగపల్లకీవహనదీక్షనుబూనుచుగారవించుచున్

జేరికగండపెండెరము.,చిత్తముపొంగగనీకునిచ్చె ,నో

సారమతీ!కవీనతులు ,సత్కవిపెద్దనజ్ఞానశోభితా!

.

తారసపుష్టితోప్రతిపదమ్మునయాంధ్రపుజాతినానుడుల్

సారెకుసారెకుంగలుగ ,సజ్జనచిత్తమురంజిలం జమ

త్కారముదోపగకవితగారవమందగచేమకూరయున్

వారకవ్రాసెకావ్యమును ,పార్ధునిదివ్యవిలాసగాధలన్.

ఈరసరమ్యవిశ్వముననేప్రభుగాధలుదివ్యబోధలై

వారకపారిజాతమును భామకుతెచ్చెనుకృష్ణమూర్తి ,తత్

భారతరమ్యగాధలవి బాయకభక్తితెనుంగుకిచ్చి ,బృందారకవంద్యుగొల్చుమహితాత్మునితిమ్మనకంజలించగా 

గారవమైనజీవికను ,కష్టసుఖమ్ములు రాజభోగముల్

దారుణమంచునెంచిభవతారణమందగశంభుభక్తుడై

తోరణకట్టువోలెకవితోత్పలమాలలనర్చసేసె ,నా

మూరితిధూర్జటీమహిత ,మోక్షపుగామిగభూతలమ్ములో 

.

భా‌తరామగాధలను ,పావనరీతినిద్వ్యర్ధికావ్యమై

తీరిచికల్పనాజగతితేజముమీరగపూర్ణభావసం

చారి ,కళావతీకథను ,సన్మతిపింగళిసూరనార్యుడే

సారమెరింగెఠీవికను ,సత్కవిరాయలకాలమందు,నా

దారినిసాహితీజగతితద్ధిమినాదవిలోలలోలతా

ధారమురామరాజు ,భువిధన్యతతావసురాజగాధనే

పారములేనిదీక్షయు ,నపారతపంబుగతెన్గుభాష ,తా

నారసికమ్రరీతికడునద్భుతలీలరచించెమూర్తియున్

శారదసత్కృపామహితసారమనస్కుడురామకృష్ణ ,యా

సారముపాండురంగవిభుసన్నుతిసేయుచు ,పాదుకొల్పెనీ

ధారుణిసోదరీమహిమ ,తాల్మివచించెయశస్కరుండునై

సారెకుసారెకుం సరససాహితిచిప్పిలయాంధ్రనాట ,నా

  

ధారమువాజ్ఞ్మయమ్ముసమతా ,సుధపొంగగబాలబాలికల్

సారవివేకమందగనుసద్బుధవంద్యుడు చిన్నసూరి.,వి

స్ఫారత సూత్రభాష్యముగ బాలలకైనొకగ్రంథరాజమున్

కోరినశబ్దశుద్ధినిడు ,కోర్కెలతీర్చెడుకల్పవృక్షమై .

వారలువీరలున్ జనులు వాడెడిభాషకు పట్టుబట్టి ,తా

ధీరతనుద్యమించె ,భువితెల్గువెలుంగుకు ,దీక్షబూనినా

రా ,రమణీయపుం బథమురంజిలగూర్చెనురామమూర్తి ,లో

నారటమందియాంధ్రులకు నచ్చతెలుంగునుధారపోసె నా,

శూరునిబాటలోనడచి ,శుద్ధతముత్యపుమాలల్లి ,తా

భారతికంఠహారముగ ,భద్రతపూర్ణమ ,కన్యకాది ,వి

ద్యారమణీయతత్త్వములనర్చనసేసెను ,దిద్దుబాటుతో

కారణజన్ముడయ్యె ,కార్యధురంధరుడప్పరాయుడా 

పేరదిపాపరాయలట ,పెన్నిధికంకటివంశజాతుడే

సారతరామగాధమహి ,సన్నుతిలందుచునుత్తరార్ధమున్

తీరగువైభవాత్మకము ,తేటతెలుంగులవాక్యలాస్యమే

పారగ శాశ్వతమ్ముగను ,పావనరీతిరచించినాడు ,తత్.

పారవశమ్ముతోపలికె ,పావనిరామునిభక్తురాలు ,స

త్కారవిదూర!సాధుమతి ,కమ్మనితెల్గున తేనెవాకగా

నారదసన్నుతాదిమునినాథసుపూజితరామగాధ ,నా

భారతిదీవనమ్ములను ,పట్టుగమొల్లయు ,కీర్తిగాంచ ,సత్ 24

హారముశైవనాదముగ హారతులిచ్చిననన్నెచోడుడున్

సారతరమ్ముగా‌బసవసారమునిచ్చెనుసోమనాథ ,ధీ

సారము ,లీభువిన్ ,మహిత ,శైవపుతత్త్వముగావెల్గె ,సుధా

పూరితమాంధ్రభాషగడు ,పుణ్యధనంబయె ,జానుతెన్గుగా

ధీరులవాక్యకోవిదుల ,ధీధితినిండి సినారెపద్యముల్

హారములయ్యెభారతికి ,హ్లాదమొసంగు ,గజళ్ళసందడిన్

తోరపుగీతరాగముల.,తతోషణచెందిన భారతి కాలియందియల్

శారదరాత్రులందునవ ,శాద్వలవీధుల.,మంజునాదముల్.

తేరిదివేలవర్షముల ,తెల్గువెలుంగులు ,పద్యగద్య ,ప్రా

కారమువోలెభాసిలును కావ్యజగమ్మదిమోహనమ్ముగా

భారతభారతీపరమపావనిపాదమిళిందులై ,కవుల్

ధారుణి నవ్యభావముల ,స్థానముగాకవనమ్ముచెప్పెడిన్.

స్వీయరచన

,

శ్రీనాధుని చాటు పద్యాలు

శీర్షిక : చాటు పద్యాలు.

రచన: శ్రీమతి : పుల్లాభట్ల జగదీశ్వరీముార్తి.

కల్యాణ్. మహారాష్ట్ర .

కొండవీటి ప్రభువు పెదకోమటి వేమారెడ్డి ఆస్థానకవి యైన శ్రీనాధుడు ఓనాడు సర్వజ్ఞ భుాపాలుని దర్శనార్ధం వెళ్లేడు.

పెదకోమటి వేమారెడ్డికినీ  , సర్వజ్ఞ భుాపాలునికినీ మధ్య నున్న వైరం తెలిసిన శ్రీనాధుడు .

సర్వజ్ఞ భుాపాలుని ఆస్థనంలో 

" శివునికి , మీకుా తప్ప సర్వజ్ఞ భుాపాలుడను నామం మరెవరికుంది. " అనే  పొగడ్త గల పద్యం చదివి , ప్రశంసాది సత్కారాలందుకున్నాడు లందుకున్నాడు .

అతడు చదివిన పద్యమిది.

"సర్వజ్ఞ నామధేయము

శర్వునకే , రావు సింగ జనపాలునకే,

యుర్విం జెల్లును , దక్కొరు

సర్వజ్ఞుండనుట కుక్క సామజ మనుటే ॥

 సర్వజ్ఞ భుాపాలుడను శ్రీనాధుడు పొగడిన మాటవిని మండి పడుతున్న 

 పెదకోమటి వేమారెడ్డి దగ్గరకు వచ్చిన శ్రీనాధుడు,  అదే పద్యంలో రెండవ పాదం లో 

 జనపాలున .."..కేయుర్విన్ జెల్లును.".అని చదివి వినిపించి  , మీకు విరోధియైన ఆతనిని ఈ విధంగా తిట్టి వచ్చేనని చెప్పి, ఆతనిచే సన్మానాలందుకున్నాడు.

 ఈ విధమైన చమత్కారం "సమయొాచితంగా మరెవరికైనా వస్తుందా" అనిపించేంతగా ఆశ్ఛర్యం కలిగించే విధంగా ఉంది కదుా..

 ఈ పద్యం చుాడండి...

3.

"శివుడద్రిని శయనించుట

రవిచంద్రులు మింటనుంట రాజీవాక్షుం

డవిరళముగ శేషునిపై

బవళించుట నల్లి బాధ పడలేక సుమీ!"

నల్లి బాధ పడలేకనే శివుడు కొండలపై, రవిచంద్రులు ఆకాశాన, విష్ణువు ఆదిశేషునిపై పడుకున్నారని భావం.

శివుడు బండలమీద , విష్ణువు పాము మీద వాసముంటున్నారన్న  వ్యంగ్యంగా

పద్య వర్ణనలో దాగి ఉన్న వెటకారం...అబ్బో....

అలాగే అరవ దేశానికి వెళ్ళినపుడు

అచటి ఆడవారిని గుార్చి  అతని మదిలో మెదలిన భావాన్ని నిర్భయంగా వివరించి చెప్పిన పద్యం ..

4.

మేత గరిపిల్ల పోరున మేకపిల్ల

పారుబోతుతనంబున బందిపిల్ల

యెల్ల పనులను జెరుపంగ బిల్లిపిల్ల

యందమున గ్రోతిపిల్ల యీ యరవపిల్ల ॥

ఎంత నచ్చకపోతేమాత్రం...పరాయి దేశానికి పోయి అచటి స్త్రీ లను మనం ఇంతలా మనం వెక్కిరించి చెప్పగలమా...

ఈ పద్యం చుాడండి.

5 వ పద్యం .

"గిట గిట నగు నెన్నడుములు

పుట పుట నగు గన్నుగవలు పున్నమి నెలతో

జిట పొట లాడెడు మొగములు

కటి తటముల కొమరు శబరకాంతల కమరున్ "

జాతి ,మత, కుల వివక్షతలు లేకుండా కేవలం అందాన్ని మాత్రమే ఆస్వాదించే ఆనంద దృష్టి కోణమిది...

ఈ కాలంలో ఇలా ఆడవారిని గురించి వర్ణిస్తే 

అమ్మొా...చెప్పు దెబ్బలే గతి.

అప్పటిలో గ్రంధ రచనలో లబ్ధప్రతిష్టుడైన శ్రీనాధుడు రాసిన ప్రతీ కావ్యముా కుాడా  కవుల హృదయాలను దోచినదే.

ఈ రకంగా ఎన్నో చమత్కారాలతో నిండియున్న ఈతని

రచించిన చాటు పద్యాలు జనరంజకములై ప్రసిద్ధి గాంచేయి. అటువంటి శ్రీనాధుని రచనలగురించి ఎంతచెప్పినా తక్కువేకదుా..

బాల్యములోనే మరుత్తరాట్చరిత్ర అనే

బృహత్కావ్యాన్ని రచించిన ప్రౌఢ కవి శ్రీనాథుడు.

శ్రీనాథుడు తన గ్రంథాలతో ఎంతగా లబ్ధప్రతిష్టుడయాడో చాటువుల ద్వారా కూడ అంతే

ప్రసిద్ధిగాంచినవాడు.

కొండవీటి ప్రభువు పెదకోమటి వేమారెడ్డి ఆస్థానకవి యైన శ్రీనాధుడు.

డిండిమభట్టు అనే పండితుని వాగ్యుధ్ధంలో ఓడించి అతని కంచుఢక్కను పగుల గొట్టించాడు. ఈతనికి కవిసార్వభౌముడను బిరుదము ఉంది.

 కవులు తమ కావ్యాలలో ఇతివృత్తానికీ, కవితా పారమ్యానికీ ప్రాముఖ్యమిచ్చారు తప్ప వైయక్తిక అనుభూతులకు ఎక్కడోగాని తావీయలేదు. 

శ్రీనాధుడు మాత్రం  తనలో కలిగిన భావాన్ని వ్యక్తీకరించేందుకు వెనుకంజ వేయలేదు సరికదా,

అతడు ఆ భావాన్ని ఎవరికి వారు తమకే అన్వయించుకొనే విధంగా అందంగా పద్య

పాదాలను పొందుపరచేవాడు.

 పొగడ్త , హాస్య , వ్యంగ్య ,అపహాస్యార్ధములు మేళవించి కవితలల్లి  ఎందరిచేతో సన్నానాది గౌరవాలనందుకున్న చతురుడు.

ఒక అక్షరమొా పదమొా విడగొట్టి చదివితే వేరు వేరు భావాలను ప్రస్ఫుటించ గల ఈయన పద్య సుమాలు

చాటు పద్యాలుగా కీర్తికెక్కాయి.

 తెలుగు సాహిత్యానికే వన్నె తెచ్చిన అతని  చాటు పద్యాలు  ఎంతగానో ప్రాశస్త్యం పొందేయనడంలో సందేహం లేదు.

వాటిలో వాటిలో కొన్ని మచ్చుతునకలు..

నాకు నచ్చిన కొన్ని చాటుపద్యాలు..

"సిరిగలవానికిజెల్లును

తరుణులు పదియారువేలుతగపెండ్లాడన్

తిరిపెమునకిద్దరాండ్రా

పరమేశాగంగవిడువు పార్వతిచాలున్॥"

పల్నాటి సీమలో నీరు లేక పంటలు పండక క్షామం

వచ్చి అల్లలాడుతున్న  ప్రజలను చుాచి తట్టుకోలేని శ్రీనాధుడు ఆ పరమేశ్వరుని "గంగమ్మ" ను విడవయ్యా అంటుా చెప్పిన చమత్కార పద్యం...

అర్ధింపుతో పాటు నిందనుకుాడా జోడించి 

భిక్షుకుడవైన నీకు ఈ కరువులో ఇద్దరు భార్యలెందుకయా? గంగమ్మను విడిచిబెట్టంటుా  చెప్పిన పద్యం..

ఆ శివునకు కుాడా పద్యంలోని వ్యంగ్యం అర్ధం కాదేమొా ఆనిపించేంత అందంగా ఉందికదుా..

2వ పద్యం 

"రసికుడు పోవడు పల్నా

డెసగంగా రంభ యైన నేకులె వడుకున్

వసుధేశుడైన దున్నును

కుసుమాస్త్రుండైన జొన్న కూడే కుడుచున్ "

ఈ  కరువునిండిన పల్నాడులో  రసికతకు చోటెక్కడ.

రంభయైనా నేకులే వడకాలి , మన్మధుడైనా జొన్నకుాడే తినాలంటుా.. పలనాటి కరువు దినాలకు పరితపిస్తుా శ్రీనాధుడు చెప్పిన పద్యం..అందరికీ కంటనీరు పెట్టించక తప్పదు.

ఓనాడు శ్రీనాధుడు సర్వజ్ఞ భుాపాలుని దర్శనార్ధం వెళ్లేడు. కొండవీటి ప్రభువు పెదకోమటి వేమారెడ్డి ఆస్థానకవి యైన శ్రీనాధుడు.

పెదకోమటి వేమారెడ్డికినీ  , సర్వజ్ఞ భుాపాలునికినీ మధ్య నున్న వైరం తెలిసిన శ్రీనాధుడు .

సర్వజ్ఞ భుాపాలుని ఆస్థనంలో 

" శివునికి , మీకుా తప్ప సర్వజ్ఞ భుాపాలుడను నామం మరెవరికుంది. " అని పొగడి ప్రశంసాది సత్కారాలందుకున్నాడు లందుకున్నాడు .

అతడు చదివిన పద్యమిది..

సర్వజ్ఞ నామధేయము

శర్వునకే రావు సింగ జనపాలునకే

యుర్విం జెల్లును దక్కొరు

సర్వజ్ఞుండనుట కుక్క సామజ మనుటే ॥

 

 శ్రీనాధుడు...పెదకోమటి వేమారెడ్డి దగ్గరకు వచ్చి అదే పద్యంలో రెండవ పాదం లో 

 జనపాలున .."..కేయుర్విన్ జెల్లును.".అని చదివి వినిపించి  , మీకు విరోధియైన ఆతనిని ఈ విధంగా తిట్టి వచ్చేనని చెప్పి, ఆతనిచే సన్మానాలందుకున్నాడు

 ఈ విధమైన చమత్కారం "సమయొాచితంగా మరెవరికైనా వస్తుందా" అనిపించేంతగా ఆశ్ఛర్యం కలిగించే విధంగా ఉంది కదుా.

3.

శివుడద్రిని శయనించుట

రవిచంద్రులు మింటనుంట రాజీవాక్షుం

డవిరళముగ శేషునిపై

బవళించుట నల్లి బాధ పడలేక సుమీ!

నల్లి బాధ పడలేకనే శివుడు కొండలపై, రవిచంద్రులు ఆకాశాన, విష్ణువు ఆదిశేషునిపై పడుకున్నారని భావం.

అద్భుత వర్ణనలో దాగి ఉన్న వెటకారం...అబ్బో....

అలాగే అరవ దేశానికి వెళ్ళినపుడు

అచటి ఆడవారిని గుార్చి  అతని మదిలో మెదలిన భావాన్ని నిర్భయంగా వివరించి చెప్పిన పద్యం ..

4.

మేత గరిపిల్ల పోరున మేకపిల్ల

పారుబోతుతనంబున బందిపిల్ల

యెల్ల పనులను జెరుపంగ బిల్లిపిల్ల

యందమున గ్రోతిపిల్ల యీ యరవపిల్ల ॥

ఎంత నచ్చకపోతేమాత్రం...ఇంతలా మనం వెక్కిరించి చెప్పగలమా...

ఈ పద్యం చుాడండి.

5 వ పద్యం .

"గిట గిట నగు నెన్నడుములు

పుట పుట నగు గన్నుగవలు పున్నమి నెలతో

జిట పొట లాడెడు మొగములు

కటి తటముల కొమరు శబరకాంతల కమరున్ "

జాతి ,మత, కుల వివక్షతలు లేకుండా కేవలం అందాన్ని మాత్రమే ఆస్వాదించే ఆనంద దృష్టి కోణమిది...

ఈ కాలంలో ఇలా ఆడవారిని గురించి వర్ణిస్తే 

అమ్మొా...చెప్పు దెబ్బలే గతి.

అప్పటిలో గ్రంధ రచనలో లబ్ధప్రతిష్టుడైన శ్రీనాధుడు రాసిన ప్రతీ కావ్యముా కుాడా  కవుల హృదయాలను దోచినదే.

ఈ రకంగా ఎన్నో చమత్కారాలతో నిండియున్న ఈతని

రచించిన చాటు పద్యాలు జనరంజకములై ప్రసిద్ధి గాంచేయి. అటువంటి శ్రీనాధుని రచనలగురించి ఎంతచెప్పినా తక్కువేకదుా..

ఓ మనిషీ! మేలుకో !

శీర్షిక : ఓ మనిషీ ! మేలుకో !

(వచన కవిత.)

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్: మహారాష్ట్ర .

*అభివృద్ధి పేరుతో  అస్తవ్యస్త రాజకీయాలు.

*ప్రజల సొమ్ము దోచుకొనే రాజకీయ వ్యుాహాలు.

*అవసరానికందని ప్రభుత్వ పథకాలు.

*సమాజ బాధ్యతెరుగని ప్రజా పావులు.

*సభ్య సమాజానికి తావివ్వని  కులమత బేధాలు.

*వావి వరుసలెంచని వరుస క్రుార చర్యలు.

• ప్రజలను మభ్యపెట్టే తీరులో రాజకీయ కార్యకలాపాలు.

• మన దేశ ప్రగతికి తీరని లోపాలు.

• విదేశీ వ్యామొాహంతో వీధికెక్కిన బ్రతుకులు.

• పరిశుభ్రత పాటించని పరనిందాప్రతాపులు.

• పెరుగుతున్న జనాభాతో ప్రగతి పథ అవరోధాలు.

• పచ్చదనం కరువైనా ప్రగల్ఫాలు పలికే ప్రతినిధులు.

• ప్రదుాషణతో నిండుతున్న భారత బహిరంగ స్థలాలు.

• స్వార్ధం నిండిన నాయకుల స్వశ్ఛ భారత్ ప్రణాళికల వైఫల్యాలు.

• అధికార బలానికి ఆహుతౌతున్న ప్రజా ప్రగతి పథ సాధనాలు

• పరదేశ ప్రైవేటీకరణ కు లోనౌతున్న స్వదేశీ సంపత్తులు.

• నిర్వీర్యమౌతున్న మేధకు నీరుగారుతున్న జనాలు.

• పెరుగుతున్న జనాభాకు, తరుగుతున్న భుాభాగాలు.

• పరిశుభ్రతకు తావివ్వని పనికిరాని బాసలు.

•కుళ్ళిన వ్యవస్థలో కాపురముంటున్న కరోనా వంటి కణాలు.

• రోడ్ల బారుల్లో నిండుతున్న రోగుల శవాలు.

• దారి  కానరాక, చేసే ముాకుమ్మడి దహనాలు.

• బొమికల పునాదులేసి లేపుతున్న ఆకాశ హార్మ్యాలు.

• నీటి కరువుకు నిర్వీర్యమౌతున్న పంట భుాములు.

• అన్నదాత కన్నీరే  అవని నిండు శాపాలు.

• అసహాయుల హాహాకారాలు,రైతన్నల అత్మహత్యల అక్రోశాలు.

• బడగు బ్రతుకుల్లో ఆరిపోతున్న ఆశా దీపాలు.

• పెరుగుతున్న ధరల వలలో పెనుగులాడుతున్న జనాలు.

•ఊపిరాడని జనాల మస్తిష్కంలో పగ నిండిన పొగలు.

• ఆ పొగల సెగల సంకేతాలు ,అరాచకం అగ్నిలో దహనమవ్వకముందిడే...మేల్కొల్పుకు  చిహ్నాలు॥

• 

***************************************