..శ్రమైక జీవనం

02/05/2022

సాహితీ బృందావన జాతీయ వేదిక 

Women writers కు పంపినది.

అంశం : కార్మిక దినోత్సవం .

శీర్షిక  : శ్రమైక జీవనం .

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ : మహారాష్ట్ర .

కష్ట పడనిదే కడుపు నిండని దౌర్భాగ్యం.

కాయ కష్టమే జీవితమైన  బడుగు జీవితం.

మనిషికో తలరాత రాసిన విధి విలాసం.

బలహీన వర్గాల బ్రతుకు తెరువు మార్గం ॥

కొందరు తిని పారేసిన పోగు చెత్త పని

మరి కొందరి ఆకలి తీర్చే ఖని.

బాధ్యత లేని బలసిన వాడల్లో

పులిసిన ధనానికి నిదుర లేమి పని. ॥

కలుషిత వ్యర్ధాల కర్ఖానాలలో కాలి-

కమిలిన  కష్ట జీవుల చమట ఫలం

అందమైన సామగ్రిగా అంతరాల

అంతస్తుల్లో మెరుస్తున్న వైనం.॥

పొట్ట నిండని వేతనాలతో 

వాడలుతున్న వేల కార్మికుల 

ఆకలి తీరని దైన్య జీవితం  ॥

ఎదుగు బొదుగు లేని కార్మిక

జీవితాల  కన్నీటి కథనం ॥

పార పలుగుల పరుగు కష్టానికి

కుాడు గుాడు కరువైన ఆక్రోశం .

అన్నదాతలై అలసిన ఖర్మానికి

వెన్నెముక విరిగిన రైతన్న శోకం ॥

రాజ్యాలు మారుతున్నాయి.

రాజ్యాంగాలు మారుతున్నాయి.

బడుగు బ్రతుకుకు, రైతన్న దిగులుకు

కష్ట జీవుల ఉన్నతికి తగిన ప్రణాళికలు

చట్ట బద్ధంగా అమలుకాలేదు ॥

శ్రమ జీవుల అస్థిత్వం లేని రోజు

జన జీవితం రోగాలు నిండిన తరాజు॥

కార్మికుల కష్టాన్ని గుర్తించిన రోజు

నిజమైన మానవత్వం కార్మిక 

దినోత్సవానికి మకుటం పెట్టిన రోజు.॥

హామీ :

నా ఈ కవిత ఏ మాధ్యమునందునుా 

ప్రచురితము కాని నా స్వీయ రచన.

 

మొల్ల రామాయణం

03/05/2022.

మహతీ సాహితీ కవి సంగమం.

మ.సా.క.సం. 19.

సాహిత్యాంశము ..ఆతుకుారి మొల్ల.

ప్రక్రియ : వచన కవిత .

రచన :  శ్రీమతి : పుల్లాభట్ల జగదీశ్వరీముార్తి .

కల్యాణ్ : మహారాష్ట్ర .

పుావు పుట్టగానే పరిమళిస్తుందంటారు.

మొల్ల ఆకోవకు చెందినదే .

కుమ్మరి వంశజురాలైన ఆమె చిన్నతనం నుండే 

రామ భక్తి పరాయణురాలై శ్రీ రామాయణ మహాకావ్య

రచనకు శ్రీకారం చుట్టింది. ఈ రామాయణము 

తేట తెలుగులో రాయబడిన పద్య కావ్యము  .

మొల్ల రామాయణంలో కందపద్యాలు ఎక్కువగా ఉండడం వల్ల, కంద రామాయణం అని కుాడఆంటారు

మొల్ల రామాయణము ఆరు కాండములలో సుమారు 870 పద్యములతో 

వాడుక భాషకు దగ్గరగా ఉన్న  కావ్యము. 

ఇన్ని కాండములను  మొల్ల కేవలం 

ఐదు రోజులలోనే రాసిందని ప్రతీతి.

ఈమె రచనా  శైలి చాలా సరళమైన 

వాడుక భాషలో , రమణీయమైన

పద్యాలతో అలరారుతుా  ఉండడము వలన 

అలనాటి ఎంతోమంది కవులను ఆకట్టుకొని

"మొల్ల రామాయణము" గా ప్రసిద్ధిగాంచింది.

ఆజన్మ బ్రహ్మచారిణి యైన మొల్ల

స్వంతంత్ర భావాలు కలిగి ఉండేదని, 

ఈమె కులావంశ సంజాతని  ,ఇంటి పేరు ఆతుకూరివారని చెపుతారు.

మొల్ల రాసిన రామాయణ కావ్యంలో 

వాల్మీకి' దగ్గరనుండి 'తిక్కకవిరాజు 

భోజు' వరకూ నుతించింది.అంతేకాదు 

ఆమె తండ్రి రచియించిన 

గ్రంథావతారికలో ఆదికవి స్థుతియందు శ్రీనాధుని స్మరించి యుండుటచేత ఈమె శ్రీనాధుని

తరువాత కాలమున ఉండేదని తెలియుచున్నది.

జ్ఞాని , కవయిత్రియైన ఈమె నిరహంకారి, నిరాడంబరతతో కుాడిన శాంతస్వభావి అన్న మాట 

మనకు ఆమె రామాయణ కావ్యమునకు ముందుగా రాసిన  పద్యము తోనే విశదమౌతుంది.

ఆపద్యం ...

గావ్య సంపద క్రియలు నిఘంటువులును

-గ్రామం లేవియు నెఱుఁగ, విఖ్యాత 

-గోప వరపు శ్రీ కంఠమల్లేశు వరముచేత - 

నెఱిఁ గవిత్వంబుఁ జెప్పఁగా నేర్చుకొంటి ॥

అంటుా ఎంతో అణకువతో 

.భగవత్కృుప, పుార్వ జన్మ పుణ్య ఫలమే 

తన తచనా పటిమకు కారణమని తెలియపరుస్తుంది.

ఈమె వాడుక భాషలో 

 రామాయణకావ్యము రాయుటకు ప్రారంభములోనే ...

 

"చెప్పమని రామచంద్రుడు, చెప్పించిన పలుకుమీద జెప్పెదనే నెల్లప్పుడు నిహపరసాధన, 

మిప్పుణ్యచరిత్ర, తప్పులెంచకుడు కవుల్ " అన్న  పలుకులతో  ప్రారంభించినది.

అంతేకాదు

ఈమె పాత్రలను కండ్లకు కట్టునట్లు చింత్రించ గలదు

అన్న మాటకు సముద్ర లంఘనము చేస్తున్న హనుమంతుని వర్ణించిన తీరు మచ్చుక కొక ఉదాహరణ మాత్రమే...

గమనించండి...

మొగము బిగించి, పాదముల 

మొత్తముగానట నూదిత్రొక్కి,

నీటుగ మొగమెత్తి భీకర కఠోర రవంబున 

వార్చి బాహులత్యగణితలీలమాచి, 

వలయంబుగ వాలముద్రిప్పి వ్రేగునన్

నగము సగంబు క్రుంగ గపినాధుడు 

నింగి దాటే రివ్వునన్!!!

సరళత్వము తో కుాడిన రమణీయ రామాయణ  

కావ్య సంపదను మనకందించిన మొల్ల ,కారణ జన్మురాలిగా , రచయిత్రిగా, నేటికీ మనందరి మదిలో నిండిపోయిన కారణ జన్మురాలు .

అంతటి మహనీయురాలైన మొల్ల 

రచించిన రామాయణ మహా కావ్యమును 

మనమంతా చదివి ఆ రామ చంద్రుని కృపకు పాత్రుల మౌదాము. 

---------------------

 .

 

మార్పు రావాలి

కవన కిరణాలు కి పంపినది

అంశం : శ్రమజీవనము సమానాధికారములు.

రచన: శ్రీమతి పుల్లాభట్ల జగదీశ్వరీముార్తి .

కల్యాణ్: మహారాష్ట్ర .

శీర్షిక  : మార్పు రావాలి.

శ్రమైక జీవన సౌందర్యానికి

సమానమైనదేదీ లేదన్నారు

విప్లవ కవి శ్రీ శ్రీ  ॥

కష్టపడనిదే పుాట గడవని వారు

శ్రామిక జీవితానికి అలవాటు పడిన 

వలస కార్మికులు .॥

బడగు జీవులకు బ్రతుకు లేదు .

సరి సమాన హక్కుల చట్టాలు రావు .

పొట్ట కుటికోసం కాలినడక

ప్రయాణాల తో కటిక పేదలు వేవేలు  ॥

కర్షకుడు లేనిదే కడుపుకింత

కుాడు ఉండదని తెలిసినా

ఆతని కష్టానికి తగిన ఫలితమిచ్చే

సదుపాయాలను సమకుార్చలేకపోతున్నాము ॥

ఆర్ధికంగా నిలదొక్కుకోలేని

అభాగ్యులవి అంటరాని తనపు 

అరాచకపు ఆచారాలకు  బానిసత్వాన్ని  

అలవర్చుకొన్న బాంచన్ బ్రతుకులు .॥

ఏ ఆధునిక సమాజానికైనా 

మార్పు చాలా అవసరం. 

కానీ ఏ న్యాయస్థానంలోనీ 

అడుగు బడుగుల బ్రతుకు చట్టాలు

సవరింపబడి అమలు కాలేదు ॥

రాజులు మారుతున్నా నాటి నుండి

నేటి వరకు ఎదుగు బొదుగు లేక

 రాజకీయ రణ నీతులకు అభాగ్యులు

అణచివేతలకు ఆహుతౌతుానే ఉన్నారు॥

మౌలిక సదుపాయాలనైనా 

సమకుార్చలేని చేతకానితనంతో

రాజకీయ వైఫల్యాలు 

తలవాల్చుతున్నాయి॥.

వారికి సమాన పౌరసత్వాన్ని 

ఆధార్  పత్రాలతో  పాటు

ఆర్ధిక సదుపాయాలు 

సమకుార్చిన నాడు "మే" డే

జరుపుతున్న మనం తలెత్తుకోగలం ॥

శ్రామిక సౌందర్యం కవిత

మనుమసిద్ధి పోటీ

నెల్లూరు వెంకట లక్ష్మీ

ఎమ్మిగనూరు

కర్నూలు జిల్లా

శీర్షిక: శ్రామిక సౌందర్యం

************************

ఆ చేతులకెపుడూ అలుపు రాదు

ఆ దేహాలెపుడూ అలసి పోవు

ఆ మనసుకెపుడూ నిరాశావహించదు

ఆ గుండెపుడూ గుబులు కానరానీదు

ఆ చెమట చుక్క ఎపుడూ విరామమెరుగదు

ఆ పిండి కొట్టిన పిడికిలెపుడూ రక్తమోడదు

పగిలిన మబ్బులనుండి రాలే చినుకే వారి ఆశ

రగిలిన వేదనలో గుప్పెడు ముద్ద నే  వారి ఆశయం

మేడలు కట్టేది వీరే

మెతుకులకై అల్లాడేది వీరే

అందరికీ అన్నం పెట్టే ది వీరే

అప్పులతో ఆత్మహత్యలో ముందుండేది వీరే

నిన్నటి గురించి బెంగ లేదు వీరికి

రేపటి మీద ఆశ చావదు ఎన్నటికీ

గుండె గోడలు పగిలినా

బీటలు బారిన మొండి మనసులు వీరు

సంపదలోనే వీరు నిరుపేద లు

నిండు మనసులో వీరి తర్వాతే

ఎవరైనా గరీబులు

జీవన చిత్రానికి సజీవ సాక్ష్యాలు వీరు

శ్రమైక సౌందర్యానికి నిలువెత్తు దర్పణాలు

ఈ ధరిత్రి మీద నిత్య శ్రామికులు

సాటిలేని  సాటిరాని సమర సైనికులు

హామీ పత్రం:

ఆర్యా!ఈ కవిత నా స్వంతం. ఇది దేనికి అనుకరణ అనువాదం కాదని హామీ ఇస్తున్నాను.

శీర్షిక : విప్లవ కవి. శ్రీశ్రీ

తేదీ:  *30-04-2022*

*శ్రీ శ్రీ గారి జయంతి సందర్భంగా* 

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ : మహారాష్ట్ర .

 

శీర్షిక  : విప్లవ కవి. శ్రీశ్రీ 

అల్లకల్లోలమైన జన సంద్రంలో

ఒరిగిపోతున్న ఒడిదుడుకుల నావకు 

చుక్కానై , జనులకు ఉత్తేజం కలిగించే 

కవితా వాహినిలో బాటను చుాపిన

బహు జన చైతన్య కవితా ఖని 

హేతువాదియైన  శ్రీ శ్రీ ॥

ఛందోబద్ధ కవిత్వాన్ని ధిక్కరించి 

తెలుగు సాహిత్యపు దశనూ, దిశనూ మార్చి, 

విప్లవ తుాణీరాలతో వింటిని సారించిన 

అభ్యుదయ రచనా దురంధరుడు కవి శ్రీ శ్రీ .॥

అల్పాక్షరాల్లో అనల్పార్ధాన్ని సృష్టించి

అందరి మన్ననలనుాపొందిన మేటి కవి శ్రీశ్రీ  ॥

వ్యక్తి ఒక మహోద్యమ శక్తి" అని, 

అతను సృజించిన అక్షరమే మహత్తర 

మార్పుకు కారణమని  ప్రత్యక్షంగా తన

కవితలతో భావోద్యమాన్ని ప్రకటించిన

విప్లవ ముార్తి శ్రీ శ్రీ ॥

గురజాడ బాటలో వాడుకైన భాషలో 

మాత్రా ఛందస్సుల మహోజ్వల హోమాన్ని

సంకల్పించి , ఉద్రేకం ఉత్తేజం కలిగించే

కవన యజ్ఞానికి శ్రీకారం చుట్టిన ఘనుడు శ్రీ శ్రీ ॥

 ఎన్నో విరుధ్ధమైన భావాలు గల వ్యక్తిత్వం

 ఎన్నో సంఘర్షణలతో కుాడిన ఉద్వేగం.. .

 హేతువాదం, నాస్తికత, మేళవించ రాసిన

 మహోన్నత కవిత్వం బాటలో అతడు 

 రాసిన కవిత్వం , మహాప్రస్థానమై అతనికి

కీర్తి కిరీటాన్ని  ఆపాదించి కవిగా  ఆతనిని అందలాలకెక్కించింది ॥

 

 శబ్ద ప్రయోగంలో నవ్యతను చూపించి, 

 తనదైన  శైలిలో వాడి సిద్ధాంతాల 

 వేడిని సృజింపజేసి కవన వనం లో 

 మనకను విహరింపజేసిన  హేతువాది గా  అందరిమదిలో చిరస్థాయిగా నిలచిపోయి

విప్లవ విజేత శ్రీ శ్రీ గా ప్రసిద్ధి చెందిన  

సాటిలేని మేటి కవి శ్రీరంగం శ్రీనివాసరావు ॥

కవుల వర్ణన

*నన్ను నా పుస్తకాన్ని ఆశీర్వదించిన కవి మిత్రులు..*

▪️గౌరవనీయులు పద్య పండితులు శ్రీ నేమాని ప్రసాద్ గారికి..

▪️గౌ. మిత్రుడు, సదా చిరునవ్వు చిందించే తోటి ఉపాధ్యాయుడు శ్రీ థామస్ రెడ్డి గారికి..

▪️ప్రతి ప్రక్రియలో హుషారుగా పాల్గొనే  శ్రీమతి రాధాబాయి యార్జల్ గారికి..

▪️మాతృభాష తెలుగైనా మరాఠీ చానల్లో మహరాణిగా చలామణౌతున్న రేణుక గారికి..

▪️అక్షరాలను లోతుపాతుల్లోంచి లాగి అర్థంకాకుండా అర్థవంతమైన కవితా రూపమిచ్చి అందరినీ ఆకుట్టుకునే కవి, చిత్రకారుడు శ్రీ గుబ్బల శ్రీనివాస్ గారికి..

▪️రాజకీయాలపై పరిపూర్ణ జ్ఞానం, పత్రికల్లో పలు ఆర్టికల్స్. 

హిందీ, తెలుగు చిత్రసీమ నటులపై, నటనపై, పాటలపై మంచి పట్టున్న సమర్థుడు మన జిల్లా గోవర్దన్ గారికి..

▪️నానీలను బాణాల్లా ప్రయోగించగల ఎదులేని మనిషి మన భీష్మపితామహుడు శ్రీ శంకర్ మాష్టారు గారికి..

▪️వివిధ ప్రక్రియల్లో లఘు, ధీర్గ కవితలు రాయడంలో అందెవేసిన కలం శ్రీ దోజశ్రీ గారికి..

▪️నిజ నిజాలపై నిక్కచ్చిగా తీర్పునిచ్చే శ్రీ కట్ట రాజు గారికి..

▪️సినిమా నటుడు, అనువాదకుడు, శ్రీ ప్రతాప్ రెడ్డిగారికి..

▪️ఫిరంగి గారికి..

▪️కంచుగంట (కంఠం) శ్రీ ...అ.అ... గారికి..

▪️శ్రీమతి అద్దంకి లక్ష్మిగారికి..

▪️ఏ ప్రక్రియనైన, ఏ విషయమైనా నిర్భయంగా రాయగలిగే శ్రీమతి జగధీశ్వర మూర్తిగారికి..

—మీ అందరికి హృదపూర్వక ధన్యవాదములు..

—మీ *జక్కన్న..*

🌹🙏🌹

కష్టే...ఫలే...

29/04/2022.

మే డే సందర్భంగా..

మనుమసిద్ధి కవన వేదికలో

అంశం :  శ్రామిక సౌందర్యం.

శీర్షిక :  కష్టే ..ఫలే...

ప్రక్రియ :వచన కవిత.

కష్టే ఫలే అన్నారు పెద్దలు.

కష్ట పడిన వారెవరుా నష్టపోలేదెపుడుా.

నాటి రోజుల్లో తొలి కోడి కుాతకే

నిదుర లేచి కాలకృత్యాలు తీర్చుకొని

పార పలుగులతో కాలి నడకన ,కుాలి 

పనులకు పోయేవారు స్త్రీలు ,పురుషులుా.

సంధ్య వేళకు  తమ తమ ఇళ్ళకు చేరి , 

ఆరుబయట  ఇరుగు పొరుగులతో 

కష్ట సుఖాల కలగల్పు ముచ్చట్లు పంచుకొని ,ఆనందంగా అలసిన 

శరీరాలకు  విశ్రాంతినిచ్చేవారు.

శ్రమయే జీవితానందంగా గడిపిన వారికి

రోగాలుా తెలియవు .భోగాలుా తెలియవు.

ఉన్న దానితో సంతృప్తి పడుతుా, ఊరంతా 

ఉత్సాహంగా కలసి మెలసి గడిపేవారు.

నేడు కష్టం తెలీని ఖర్మకు కదలేని కాయం .

కడు రోగాల నిలయమై కల్తీ మందుల

కటిక బాధల వలయమై, వ్యాయామాల 

ఉచ్చులో వ్యాకులత పడుతున్నాది.

ప్రతీ పనీ యంత్రాల పరమై  

జీవితమంతా యాంత్రికమైపోయింది.

నడవడానిక వైద్యుని సలహా నింపు

తినడానికి కొలతల మినహాయింపు

ఆనందానికి కృత్రిమ నవ్వుల హోరు

నడక  వేగానికి ట్రేడ్ మిల్ జోరులతో

జనులు శ్రమైక జీవితానందాన్ని కోల్పోతున్నారు

 ఇప్పటికైనా కాయానికి కష్టం నేర్పండి.

 ఆనందంగా అందరిలోనుా మెలగండి.

 శ్రామిక సౌందర్యాన్ని  ఆస్వాదించండి.

హామీ.

నా ఈ రచన ఏ మాధ్యమునందునుా 

ప్రచురితము కాని నా స్వీయ రచన.