మాతృ వైభవం ( భారత .దేశ దండకం).

మాతృ వైభవం. 

ఇది మా అన్న గారైన కీర్తిశేషులు బ్రహ్మశ్రీ “పండిత” నేమాని రామజోగిసన్యాసిరావు గారు 

మాతృదినోత్సవంసందర్భంగా 

భరతమాత వైభవాన్ని వర్ణిస్తూచెప్పిన అద్భుత దండకం.

************************

జయ జయ జనయిత్రి! శ్రీభారతక్ష్మాధినేత్రీ! సదా సస్యసంపన్న సౌవర్ణధాత్రీ! జనానీక సంక్షేమ సంభావితార్థ ప్రదాత్రీ! సుగాత్రీ! మహోత్తుంగ శృంగాఢ్య శీతాద్రి వింధ్యాద్రి ముఖ్యాద్రి వర్యాంఘ్రి సామీప్య రమ్యాటవీ మధ్య సంజాత భాగీరథీ సింధు గోదావరీ ముఖ్య భవ్యాపగాతీర శోభాయమాన ప్రశాంతామలారామ రాజత్తపో భూ ప్రభావ ప్రభాభాసితాంగీ! శుభాంగీ! సదా ధర్మ సంరక్షణోద్యోగ తాత్పర్య గంభీర భావాంకితాత్మ ప్రజానీక సంక్షేమ ధౌరేయ శ్రీరామ భూమీశ కౌంతేయ ముఖ్య క్షమానాథ శౌర్యప్రతాపాది సల్లక్షణోద్భాసితానంతకీర్తీ! మహోదాత్త చారిత్ర సంతాన బాహుళ్య సంశోభితానంద మూర్తీ!

శ్రీవిక్రమాదిత్య హర్షాధిపాశోక శ్రీకృష్ణరాజేంద్ర ఝాన్సీశివాజీ ప్రధానాశయ స్థాపితోత్కృష్ట ధర్మార్థ వత్సంప్రదాయాన్వితా! విశ్వ విఖ్యాత వేదాంత విజ్ఞాన సంగీత సాహిత్య వాణిజ్య ముఖ్యాఖిలోద్యోగ నైపుణ్య రత్నావళీభూషితా! నిత్యసంతోషితా! స్వాతంత్ర్య సంగ్రామ సీమోచితోత్సాహ ధైర్యప్రకాశాఢ్య సత్యాగ్రహాద్యాయుధోపేత గాంధీ మహాత్మాది ధన్యాత్మ సంపాదితా పూర్వ సౌభాగ్య సంపద్విశేషాన్వితా! రమ్య వర్ణత్రయోద్గీత సద్భావ సంకేత సంయుక్త చారుధ్వజా! సుప్రజా! లోకవిఖ్యాత ప్రద్యోత ప్రజ్ఞామయానేక ధీర ప్రజానాయకశ్రేణి సంవర్ధితాశేష ఖండాంతరవ్యాప్త సౌభ్రాత్ర సౌహార్ద భావాంచితా! లోకసంపూజితా! జ్ఞానవైరాగ్య భక్త్యాది సన్మార్గ వైవిధ్య సంశోభితా! సాధు సంభావితా! దివ్యతేజోన్వితా! భారతక్ష్మామహాదేవతా! శాంతి సౌభాగ్య సంపన్మహాపారిజాతా! నమోవేదభూమే - నమఃపుణ్యభూమే - నమోధర్మభూమే - నమోధన్యభూమే - నమోవీరభూమే -నమోమాతృభూమే -నమస్తే - నమస్తే - నమస్తే - నమ:. జైశ్రీరాం.జైహింద్.

****:::::******************

మీకు   నచ్చితే వీలైతే  ఆగస్టు ౧౫ నాడు చదవండి.  ఆడియోలు పెట్టండి. 

జై భారత్ మాతా 🙏🙏🙏

జీవిత ప్రయాణం

27/07/2022.

శీర్షిక : ప్రయాణం

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర .

మన ప్రమేయం లేకుండానే 

మొదలైన మన జీవిత ప్రయాణం .

 అనుకోని బాటలో అర్ధంకాని ఆరంభం.

వద్దనుకున్నా ఆగని ఒంటరి పయనం .॥

పెనవేసుకున్న బంధాలకు తోడైన బాధ్యతలు

 పెరుగుతున్న బాధ్యతలకు భారమైన బరువులు

పెంచుకున్న మమకారాలతో నిండిన జీవిత యానం 

దిశ మారినా దశ మారని ఒడిదుడుకుల ప్రయాణం ॥

అగమ్యగోచరమైన లక్ష్య సాధనకు

అలుపెరుగని ఆశల పయనం .

ఏ ఆశయం వైపు మళ్ళుతుందో 

తెలీని ప్రయాణం , అదే జీవితం ॥

నాలుగు దశల జీవితంలో 

నచ్చనివి కొన్ని నచ్చినవి కొన్ని

నచ్చనివి  తప్పించుకోలేని బలహీనత

నచ్చినవి పొందాలున్నా పొందలేని నిరాశ ॥

సుఖ దుఃఖాల సాగరంలో సాగే ఎదురీత.

సద్దుబాటుల బాటలో సుఖ సంతోషాల కొరత

జనన మరణాల మధ్య  క్షణ క్షణం పోరాటం. అలుపెరుగని ఆరాటాల  జీవిత ప్రయాణం .॥

*********************************:::

స్వాతంత్ర్య సమర యొాధులు. ఆటవెలదిలో

స్వాతంత్ర్య  సమర యొాధులు.

రచన : శ్రీమతి : పుల్లాభట్ల జగదీశ్వరీముార్తి.

ఆంగ్ల దొరల పోరు అదెవేద ననుపెంచ

అలసె బాని సలుగ  అవని జనులు

దాశ్య శృంఖ లాల దాసజీ వితపోరు

పెరిగి పెద్ద దాయె పెరడు దాటె ॥

ఉద్య మాల బాట నురికిచే రిరివారు

ప్రాణ త్యాగ మెంచి ప్రతిన బుాని 

ఝండ చేత బుాని జయముశాంతినికోరి

జనము వేలు జేరె జరుప పోరు ॥

బాపు నాయకత్వ బాట నడచి వారు

శాంతి తోడ పోరె  శక్తి మీర

కడకు పొందె జయము కరకు పాలన వీడె

గెలుపు పిలుపు విందు గేయ ములతొ॥

వీర సైనుకులదె వీక్షీంచ నికలేరు

అమరు లైరి వారు  అలసి పోరి

వారి త్యాగ ఫలమె వచ్చె స్వాతంత్ర్యమ్ము

వరుస వారి కిడుమ వంద నమ్ము.॥

బాల భారతం...చాచా నెహ్రూ .

బాల భారతం .

అంశం : జవహర్‌లాల్ నెహ్రూ.

రచన : శ్రీమతి పుల్లాభట్ల జగదీశ్వరీముార్తి.

కల్యాణ్ : మహారాష్ట్ర .

పిల్లల్లారా రారండీ 

పాపల్లారా వినరండీ

చాచా నెహ్రూ  కధ చెపుతాను 

కచక్కగ కుార్చొని వినరండీ ॥

భారత స్వాతంత్ర్య  నాయకుడితడే

 తొలి ప్రధానిగా పాలకుడితడే

 పండిత్ జీగా ఖ్యాతి గడించిన 

 జవహర్ చాచా నెహ్రూ ఇతడే ॥

రాజకీయాల బాట నడచిన 

గాంధీ తాతకు సఖుడితడుా

సత్యాగ్రహాలు చేసేడుా

జైలు శిక్షలను పొందేడు ॥

ఇందిరమ్మకు తండ్రితడుా

ప్రపంచ చరితలు తెలిపాడు

కాంగ్రెస్ సభలకు వెళ్ళేడు

సరియగు న్యాయం కోరేడు ॥

  లౌకిక మానవతావాదిగ , 

 సామాజిక ప్రజ స్వామ్యవాదిగ 

 శక్తివంతముగ భరతావనిని

 చేసిన ప్రసిద్ధ నాయకుడు ॥

 

ఆధునిక భారత దేశ వైభవం 

సాంకేతిక పరిజ్ఞాన ప్రాభవం 

చాచా నెహ్రూ మనసా వాచా 

చేసిన దేశమె మన దేశం ॥

భారత రత్నగ పురస్కారము

డాక్టరేట్ గా ఘన సత్కారము

పొందిన ఘనుడు చాచా నెహ్రూ 

అందరి కిష్టుడు చాచా నెహ్రూ ॥

గులాబీలను అలంకరణగా

బాలల పాపల ప్రేమించెనుగా

చాచా నెహ్రూ పుట్టినరోజు

బాలల కెంతో ప్రీతి గదా ॥

చాచా చుాపిన ఔదార్యం

దేశ ప్రజలకై సేవా గుణం

పసి పిల్లలపై మమకారం

చాచా కోరిన నవ భారతం ॥

------------------

త్రివర్ణ సందేశం.

అంశం : త్రివర్ణ సందేశం .

శీర్షిక  :  స్ఫుార్తి నిచ్చు పతాకం.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర .

అదిగదిగో  బానిసత్వ మొదలించిన ఝండా

అదిగదిగో స్వాతంత్ర్యపు సర్గ మిడిన ఝండా

ఆంగ్లేయుల తరిమికొట్టె ఆయుధమై ఝండా

మన ఆశల బాట పుాలు జల్లినదీ ఝండా ॥

గాంధి నెహ్రూ వంటి త్యాగ-ధనుల దీక్ష సాక్షిగ

స్వాతంత్ర్యోద్యమ బాటను  కేతనమై నిల్చెగా

అసువులు బాసిన సైనిక వీర గతికి సాక్షిగా

చారిత్రాత్మక ఘటనల చెగని ముద్రల కోటగ ॥

ఎగురుతున్నదదిగో  ఏక బిగిని ఠీవితో

పలుకుతోంది పలుభాషలు తేనెలొలుకు తీపితో

మువ్వన్నెల సోయగాల ముచ్చటైన మేనితో

ఐకమత్యమే బలమని చాటిచెప్పు నీతితో  ॥

జాతి బేధ మెంచకంటు మేలు మంచి మాటలతో

కుల మతాల జాడ్య మొదలి కలిసి పోగ చెలిమితో

మనమంతా ఒక్కటనే మమతల సందేశ మిచ్చు--

మన బాటను పుాదోటగ మార్చు స్ఫుార్తి గీతితో ॥

నీతి , న్యాయ, మార్గములో నడచుటె మన ధర్మ మని

ప్రీతి పరుల జేయుటలే బ్రతుకు మనిషి సార్ధకతని

పరుల మనసు నొప్పించక తానొవ్వక బ్రతుకమని

చాటి చెప్పె మన ఝండా, తల ఎత్తుకు నిలవుమని ॥

స్వాతంత్ర్య సమరోత్సవం

అంశం : స్వాతంత్ర్యామృతోత్సవం 

శీర్షిక  :  స్వాతంత్ర్య దినోత్సవానికి స్వాగతం.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర

తెల్లదొరల పాలనలో శృంఖలాల బానిసత్వం.

శుృతి మించిన కృుారత్వం అదర, రేగె కలకలం .

శాంతి నిండు బాటలో ఉద్యమాలకు శ్రీకారం.

దేశం కోసం దేహ సమర్పణల సమాహారం  ॥

ఆగ్రహ సత్యాగ్రహాలకాకలికాప్తుల చావులు

తుపాకీల కాల్పులకు దేహాలె ఖండాలు

అస్థిత్వం కానరాని   లాకప్పు జీవితాలు

రగులుతున్న రుధిరంతో ఉనికికై పోరాటాలు ॥

 యువత గుండెలాయె తుాట్లు తెగెనెన్నో తాళిబొట్లు  

 కన్నతల్లు లెందరో కోల్పోయిన పేగు తట్లు

 అందరొక్కటై  పోరగ అందినదీ స్వాతంత్ర్యం 

 స్వార్ధమన్నదే లేకను కలిసి చేయ పోరు జయం ॥

 శాంతి నిండు ఉద్యమాల బాట తాత గాంధీజీ

 వెన్నంటీ నడిచె చాచా నెహ్రూ జీ, నేతాజీ.

 వత్సరాల శాంతి పోరు కునుకు లేని జోరు హోరు

 తెచ్చె మనకు స్వాతంత్ర్యం ఇచ్చె మనకు జీవితం ॥

 

ఆనందముప్పొంగగ అభినందనల పండగ

ఆగష్టు  పదిహేనున ఆనందం నిండుగ 

ప్రతి పౌరుని కంటిలో ఉబికిన  కన్నీటి గంగ .

త్యాగధనుల జ్ఞాపకాన ఎగరె మన తిరంగా ॥

నేను నా దేశం

నేను సైతం కవి పత్రిక ఆగష్టు  నెల సంచిక కొరకు...

అంశం : నేను నా దేశం .

శీర్షిక  :  రత్నగర్భ నా దేశం . 

శీర్షిక  :  రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర.

ప్రక్రియ : వచన కవిత.

"జననీ జన్మ భూమిశ్చ - స్వర్గాదపి గరీయసీ". అంటే

జనని, జన్మభూమి స్వర్గము కంటె ప్రియమైనవి కదా!".

అని స్వయముగా శ్రీరామంచంద్రుడే అన్న మాట.

భిన్నత్వంలో ఏకత్వాన్ని చుాపించిన  పుాదోట.

కాశ్మీరం నుండి కన్యాకుమారి వరకు విస్తరించి 

విభిన్న మతాలు,భాషలు, సంస్కృతులతో విలసిల్లుతూన్న  సువిశాలమైన దేశం నా దేశం .

ఆర్య భూమి, సూర్య భూమి, వీరభూమిగా

బోయి భీమన్న మాట సత్యమైన కోట.

దేశమంటే మట్టి కాదోయ్! దేశమంటే మనుషులోయ్!!- అన్న గురజాడ అప్పారావు పాట అందరి నోటా.

బ్రిటిష్ ఆర్మీని గడగడలాడించిన 

ధీర వనిత ఝాన్సీ లక్ష్మిబాయి.

భారత స్వాతంత్ర్యోద్యమానికి నాంది పలికిన

 తొలి  ఉద్యమకారుడు మంగల్ పాండే ..

భారత స్వాతంత్ర్య సంగ్రామంలో ప్రజలకు ప్రేరణ కలిగించిన ఉద్యమ తార భగత్ సింగ్. 

అహింసా మార్గంలో అద్భుతాలు సాధించవచ్చని..

ప్రపంచానికి సరికొత్త దిశానిర్దేశనం చేసిన మహోన్నతమైన వ్యక్తి మహాత్మా గాంధీజీ...

భారత రాజ్యాంగాన్ని రూపకల్పన చేసిన వ్యక్తి 

డాక్టర్ బాలా సాహెబ్ అంబేద్కర్ ...

ఆజాద్ హింద్ ఫౌజ్ ను స్థాపించిన 

స్వామి వివేకానంద...

నాకు రక్తం ఇవ్వండి. నేను మీకు స్వాతంత్ర్యం తీసుకొస్తాను అన్న శుభాష్ చంద్రబోస్ ..వంటి

దేశ ప్రేమికులకు  జన్మ నిచ్చిన దేశం నాదేశం .

తెలుగు సాహిత్యంలో అత్యంత ప్రాచుర్యం పొందిన అష్టదిగ్గజాల వంటి కవులతో , 

ఆష్టాదశ పురాణాలకు ఆది ముాలమై..

నాలుగు వేదాలకు నిలయమైన సంప్రదాయబద్ధ

సంస్కృతికి నిలయం నా దేశం.

అరవై నాలుగు కళలతో అలరిన అక్షయ, సంగీత సాహిత్యాలకు కావ్య కవన ఇతిహాసాల సమాహారం 

నా దేశం.

ఆంతులేని ఆప్యాయత ఆత్మీయత నిండిన

జన సందోహంతో, పలు  భాషలు నిండు పలకరింపులతో , హిమ పన్నగ శోభలతో, సాగర, నదీ

గమనాలతో పరవసించు ప్రకృతి వన శోభలతో

అలరారుతున్న దేశం...నా దేశం ॥

వేయేల !  పుణ్య భుామి నా దేశం నమొా నమామి!

         ॥నన్నేలిన  నా దేశం  సదా స్మరామీ ॥