బాల సాహిత్యం లో " జ"పదాలతో కవిత .

⚜️⚜️⚜️⚜️⚜️⚜️⚜️⚜️⚜️⚜️⚜️⚜️

10/09/2022.

నేటి బాలభారతంలో

అంశం : "జ" గుణింతంతో కవిత..

శీర్షిక :  జగతి నెరిగి మసలుకో తమ్ముడా...

(గేయ రచన )

రచన :శ్రీమతి , పుల్లాభట్ల-

జగదీశ్వరీముార్తి.

కల్యాణ్. మహారాష్ట్ర.

జనని  జన్మ భుామియే మనదిరా 

జయ జెండా కీర్తి నీవు నిలుపరా

జనని ఋణము దీర్చు కొనర బాలకా

జగతి నీదు జన్మ సార్ధకమ్మురా   ॥ జ

జనకు నాజ్ఞ పాటించీ ఎదగరా

జయము లేలగా చదువులు చదవరా  

జగమున కీర్తుల బడసిన వాడవై

జన్మ సార్ధకమ్ము జేసుకొమ్మురా  ॥

జుట్టు ముట్టు వెతలకు భయపడకురా

జాగురుాకతను తెలిసి మెలగరా 

జీవితమే వికసించిన సుమమురా 

జాతి ముత్యమై  నిలువర తమ్ముడా .॥

జాతీయ గీతి మనకు ముద్దురా

జాతి భేదముల జుాపకు తమ్ముడా 

జుాడ పెరుగు కాలుష్యము నాపగా

జగతి చెట్లు నాటి బాట చుాపరా ॥

జలము కలుషితమ్ము నీవు జేయకురా    

జల జీవుల వేధించీ చంపకురా... .

జంతువులను ప్రేమిచర తమ్ముడా...

జేయు  నీకు మేలు నిజము సుమ్మిరా...

జానపదపు గీతులే నీవు పాడరా 

జ్ఞాన వేద సంస్కృతియే మనదిరా

జగతి సంస్కారములను  నేర్వరా

జయము లెన్నో  భువిని నీకు కలుగురా ॥

జేగంటల గుడిగంటలు వినుమురా 

జోతలిడుచు భగవంతుని వేడరా .

జనగణమణ దేశ భక్తి గీతిరా

జనని పుణ్య భుామి మనదె తమ్ముడా.॥

ఈ కవిత నా స్వీయ రచన .

*******************

*మహతీ సాహితీ కవిసంగమం -కరీంనగరం*

*బాలసాహిత్యం: ఉత్తమ కవితలు (10-09-2022)*

శ్రీ/శ్రీమతి:

1.జూపూడి సుధారాణి

2.ఈతకోట ఏడుకొండలు

3.త్రిలోచన్ బిసాయ్

4.విటిఆర్ మోహన్ రావు

5.పుల్లాభట్ల జగదీశ్వరీమూర్తి

6.పొర్ల వేణుగోపాలరావు

7.కుడికాల సమ్మన్న

8.పోగుల భాగ్యలక్ష్మి

9.దేవనపల్లి ఓగన్న

10.డా.పి యస్ యస్ లక్ష్మి

నిర్వాహక/సమీక్షక బృందము

〰️〰️〰️〰️〰️〰️〰️〰️〰️〰️〰️〰️

ఝండా కీర్తిని చాటుదాం

15/08/2022

మహతీ సాహితీ కవి సంగమఁం

అంశం : చిత్ర కవిత.

శీర్షిక  : ఝండా కీర్తిని చాటుదాం.

రచన :శ్రీమతి : పుల్లాభట్ల జగదీశ్వరీముార్తి .

కల్యాణ్ : మహారాష్ట్ర .

భరతమాత బిడ్డలం 

భావి భరత పౌరులం

సమత మమత నిండి యున్న  

 స్వేశ్ఛా భారతీయులం ॥

వందే మాతరం 

వందే మాతరం ॥

దేశ గీతములు పాడుతాం 

 దేశముకై పోరాడుతాం

తల్లి ఒడినదే శాంతి నింపుటకు

ఐకమత్యముగ మెలిగేస్తాం॥

వందే మాతరం 

వందే మాతరం ॥

స్వాతంత్రోద్యమ కారుల వీరుల

సత్ చరితలనే చదివేస్తాం

వారి బాటలో అడుగిడతాం

వారి మాటకే జై కొడతాం ॥

వందే మాతరం 

వందే మాతరం ॥

దేశం కోసం పోరాడు వీరుల

దేశ భక్తి కొనియాడుతాం

అసువులు బాసిన అన్న సిపాయిల

ఆదర్శ బాటను అడుగేస్తాం ॥

వందే మాతరం 

వందే మాతరం ॥

ముాడు రంగులా ఝండా గుర్తును

మచ్చటగా ఎగరేయుదాం

గాందీ మాటలో శాంతి బాటలో 

అందరమొకటై   కలిసుందాం ॥

వందే మాతరం 

వందే మాతరం ॥

దేశ ప్రగతికై పోరాటాలను

పొందుగ చేసి సాధిద్దాం 

జాతి జాడ్యముల రుాపు మాపుదాం.

ఝండా కీర్తిని నిలపెడదాం ॥

వందే మాతరం 

వందే మాతరం ॥

అరాచకాలను ఆపేద్దాం

ఆగడాలనే అరికడదాం

పచ్చదనమునే పెంచి తల్లిని

స్వచ్ఛ భారతిగ చేసేద్దాం ॥

వందే మాతరం 

వందే మాతరం ॥

జనగణ గీతమునాలపించి

మన ఝండా కీర్తిని చాటుదాం

వందెమాతరం నినాదాల మన

దేశ భక్తినే చాటుదాం ॥

వందే మాతరం 

వందే మాతరం ॥

పంద్రాగష్టున పలువురం కలిసి

స్వాతంత్ర్యోత్సవములు చేద్దాం

స్వాతంత్ర్య వీరుల జీవితచరితలు

భావి తరములకు అందిద్దాం ॥

వందే మాతరం 

వందే మాతరం ॥

------------------------

మత్తకోకిల పద్యాలు..శ్రీక్రిష్ణ శరణం మమ

రచన 21 Aug 2022

శీర్షిక : శ్రీ కృష్ణః  శరణం మమ ॥

ప్రక్రియ : మత్తకోకిల పద్యాలు.

రచన : శ్రీమతి: 

పుల్లాభట్ల జగదీశ్వరీముార్తి.

కల్యసణ్ : మహారాష్ట్ర .

కాలి గజ్జలు ఘల్లు ఘల్లన కన్న నాట్యము చేయరా॥

మేలి బంగరు వర్ణ కాంతుల  మేలు వేణువు నుాదరా ॥

నీలి మేఘపు ఛాయ సుందర నిర్మలా మన మందిరా

లీల చుాపిన క్రిష్ణ నీవయ గ్వాల గోకుల బాలయా ॥

దేవకీ వసుదేవ నందన దేవదేవుడ వీవయా 

దోవ చుాపర ధన్య మార్గము బ్రోవ మమ్మిల కృష్ణయా॥

భావమందున బాహ్యమందున భక్తి కోరితి నీదయా

భుావరా ఘన దేవరా గను భుారి కారుణ తోనయా॥

కాల రుాపవు కంజ లోచన కంసు జంపిన మొాహనా

బాల దేవకి నంద నందన పాల గోకుల వర్ధనా

లీల యామున తేటి నీటను జాల మాయతొ దాటినా

మేటి మాయల రాయ ముద్దులమేయ క్రిష్ణ శుభాననా॥

అష్టమీ దినమందు పుట్టిన శిష్ట మానవ పోషవు 

కష్ట నష్టము దీర్చ వచ్చిన కాల రుాపవ తారవుా

శ్రేష్ట  గోకుల మందు పుట్టిన ఇష్ట మానస రుాపవుా

ద్రష్ట నిర్మల కాంతి నిండిన  పుష్టి  నైన విశాలవు ॥

కృుార కంసుని జంపినావట  ఘోర సంకట మేలగా

చీరలిచ్చితి వంట ద్రౌపతి జిక్కు కష్టము దీర్చగా

ద్వారకా పురి వాస క్రిష్ణయ దాస భక్త సుపోషకా ॥

జార చోరవు రాధలోలవు జాలమేలయ శ్రీకరా॥

వేల నామములున్న వాడవు వేణుగాన విలోలనా

బాల రుాపము తోడ వచ్చిన గ్వాల శ్రీహరి చిద్ఘనా

జేల అష్టమి నాడు పుట్టిన జేజి గారుడ వాహనా 

ఆలమందల నేలు వాడవు ఆర్తత్రాణపరాయణా ॥

పుాల మాలలు గట్టి తెచ్చితి పుాజ నీకదె సేయగా

శీల సద్గుణరాయ చిద్ఘన శీఘ్ర మీదరి రావయా ॥

మేలు ఆటల నాడి కాంతలు వేల పాటలు పాడగా

మేల మాడుచు సంద డించకు మేటి టక్కరి గోపయా ॥

గోరు వెచ్చని వెన్న తెస్తిని గోవు పాలతొ పాయసం

చారు సుందర నాయకా ఘన సార వేద్యము నీకయా ॥

కోరు చుంటిని నీదు సేవను కోటి జన్మల కైననుా

లేరు ఎవ్వరు నీకు సాటిగ లేత నవ్వుల దేవరా ॥

అష్టమీ దినమందు పుట్టిన శిష్ట మానవ పోషవు 

కష్ట నష్టము దీర్చ వచ్చిన కాల రుాపవ తారవుా

శ్రేష్ట  గోకుల మందు పుట్టిన ఇష్ట మానుష రుాపవుా

ద్రష్ట నిర్మల కాంతి నిండిన  పుష్టి  నైన విశాలవు ॥

మంగళమ్ములు పాడి వేడితి మాధవా మధు సుాదనా

రంగ శ్రీపతి కావ రావ శుభాంగ నీదయ లుండునా ॥

బృంగ మౌని హృదాలయా ఘన రంగ శ్రీపుర నాయకా

అంగ రంగ సువైభవా ఘననంగ మానస బృంగమా ॥

వందనమ్ములు చేతు గైకొను వంద్యమాన సుధామవుా

బృందవాటి విహార శ్రీహరి నంద ముద్దుల క్రిష్ణవుా

ఇందు లోచన బంధ మొాచన ఈప్సితమ్ముల దీర్తువుా

బాల రుాపము తోడ పుట్టిన  భవ్య మంగళ రుాపవుా॥

బాల సాహిత్యం.

*మహతీ సాహితీ కవిసంగమం-కరీంనగరం* 

*ఉత్తమ రచనలు:*

20.8.22:బాలసాహిత్యం

సర్వశ్రీ//

1. జక్కని గంగాధర్ 

2. డా.కురవి వెంకట కృష్ణశాస్త్రి 

3. యేచన్ చంద్రశేఖర్ 

4. పోగుల భాగ్యలక్ష్మి 

5. పుల్లాభట్ల జగదీశ్వరీ మూర్తి 

6. కుడికాల సమ్మన్న 

7. ఎం.వి.ఉమాదేవి 

8. ఎలగందుల లింబాద్రి 

మహతీ నిర్వాహక/సమీక్షక బృందము

బాల సాహిత్యం.

అంశం : బాల భారతం.

"చ " గుణింతం తో...

శీర్షిక : చక్కని మాటలు వినరండి.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ : మహారాష్ట్ర .

చక్కనైన పాపలుా 

చందమామ ఊసులుా

చక్కని మాటలు చెపుతా నేను 

చేరి చేరువగ  వినరండీ ॥

ఛంగు ఛంగున లేవండీ 

చక్కగ బడికి వెళ్లండీ

చాచా నెహ్రూ గాంధీ తాతల 

బాటను శాంతిగ నడవండీ ॥

జగతిని ఖ్యాతిని పొందిన వీరుల

చరితలు బాగా చదవండీ ..

ఝండా  కీర్తిని నిలపండీ

జై హింద్ అంటుా పాడండీ ॥

చిన్నా పెద్దను తేడా చుాపక 

చిరు గౌరవముల నీయండీ

చీమల్లాగా ఐకమత్యముగ

చక్కగ కలసీ నడవండీ॥

చుట్టుపక్కల వారికి వలసిన 

చేగల సాయం చేయండీ ॥

చుాపుల కరుణను నింపండీ

 చక్కని మాటలనాడండీ ॥

చెట్లను బాగా నాటండీ

చెడు కలుషితముల నాపండీ ॥

చైతన్యమ్మును పొందే విధముగ

చెడు విరుగుడుకై పోరండీ ॥

చేయిా చేయిా కలపండీ 

చొరవగు స్నేహము నిలపండి ॥  

చందమామలా చల్లని నవ్వుల 

చెలిమితొ మమతలు పంచండీ॥

చః చః లాడుచు చిలకల్లాగా

చకచక పనులను చేయండీ ॥

చక్కని భారత భావి పుత్రులుగ

చరిత కెక్కి ఇల మనరండీ ॥

మాతృ వైభవం ( భారత .దేశ దండకం).

మాతృ వైభవం. 

ఇది మా అన్న గారైన కీర్తిశేషులు బ్రహ్మశ్రీ “పండిత” నేమాని రామజోగిసన్యాసిరావు గారు 

మాతృదినోత్సవంసందర్భంగా 

భరతమాత వైభవాన్ని వర్ణిస్తూచెప్పిన అద్భుత దండకం.

************************

జయ జయ జనయిత్రి! శ్రీభారతక్ష్మాధినేత్రీ! సదా సస్యసంపన్న సౌవర్ణధాత్రీ! జనానీక సంక్షేమ సంభావితార్థ ప్రదాత్రీ! సుగాత్రీ! మహోత్తుంగ శృంగాఢ్య శీతాద్రి వింధ్యాద్రి ముఖ్యాద్రి వర్యాంఘ్రి సామీప్య రమ్యాటవీ మధ్య సంజాత భాగీరథీ సింధు గోదావరీ ముఖ్య భవ్యాపగాతీర శోభాయమాన ప్రశాంతామలారామ రాజత్తపో భూ ప్రభావ ప్రభాభాసితాంగీ! శుభాంగీ! సదా ధర్మ సంరక్షణోద్యోగ తాత్పర్య గంభీర భావాంకితాత్మ ప్రజానీక సంక్షేమ ధౌరేయ శ్రీరామ భూమీశ కౌంతేయ ముఖ్య క్షమానాథ శౌర్యప్రతాపాది సల్లక్షణోద్భాసితానంతకీర్తీ! మహోదాత్త చారిత్ర సంతాన బాహుళ్య సంశోభితానంద మూర్తీ!

శ్రీవిక్రమాదిత్య హర్షాధిపాశోక శ్రీకృష్ణరాజేంద్ర ఝాన్సీశివాజీ ప్రధానాశయ స్థాపితోత్కృష్ట ధర్మార్థ వత్సంప్రదాయాన్వితా! విశ్వ విఖ్యాత వేదాంత విజ్ఞాన సంగీత సాహిత్య వాణిజ్య ముఖ్యాఖిలోద్యోగ నైపుణ్య రత్నావళీభూషితా! నిత్యసంతోషితా! స్వాతంత్ర్య సంగ్రామ సీమోచితోత్సాహ ధైర్యప్రకాశాఢ్య సత్యాగ్రహాద్యాయుధోపేత గాంధీ మహాత్మాది ధన్యాత్మ సంపాదితా పూర్వ సౌభాగ్య సంపద్విశేషాన్వితా! రమ్య వర్ణత్రయోద్గీత సద్భావ సంకేత సంయుక్త చారుధ్వజా! సుప్రజా! లోకవిఖ్యాత ప్రద్యోత ప్రజ్ఞామయానేక ధీర ప్రజానాయకశ్రేణి సంవర్ధితాశేష ఖండాంతరవ్యాప్త సౌభ్రాత్ర సౌహార్ద భావాంచితా! లోకసంపూజితా! జ్ఞానవైరాగ్య భక్త్యాది సన్మార్గ వైవిధ్య సంశోభితా! సాధు సంభావితా! దివ్యతేజోన్వితా! భారతక్ష్మామహాదేవతా! శాంతి సౌభాగ్య సంపన్మహాపారిజాతా! నమోవేదభూమే - నమఃపుణ్యభూమే - నమోధర్మభూమే - నమోధన్యభూమే - నమోవీరభూమే -నమోమాతృభూమే -నమస్తే - నమస్తే - నమస్తే - నమ:. జైశ్రీరాం.జైహింద్.

****:::::******************

మీకు   నచ్చితే వీలైతే  ఆగస్టు ౧౫ నాడు చదవండి.  ఆడియోలు పెట్టండి. 

జై భారత్ మాతా 🙏🙏🙏

జీవిత ప్రయాణం

27/07/2022.

శీర్షిక : ప్రయాణం

రచన : శ్రీమతి పుల్లాభట్ల జగదీశ్వరీముార్తి .

కల్యాణ్. మహారాష్ట్ర .

మన ప్రమేయం లేకుండానే 

మొదలైన మన జీవిత ప్రయాణం .

 అనుకోని బాటలో అర్ధంకాని ఆరంభం.

వద్దనుకున్నా ఆగని ఒంటరి పయనం .॥

పెనవేసుకున్న బంధాలకు తోడైన బాధ్యతలు

 పెరుగుతున్న బాధ్యతలకు భారమైన బరువులు

పెంచుకున్న మమకారాలతో నిండిన జీవిత యానం 

దిశ మారినా దశ మారని ఒడిదుడుకుల ప్రయాణం ॥

అగమ్యగోచరమైన లక్ష్య సాధనకు

అలుపెరుగని ఆశల పయనం .

ఏ ఆశయం వైపు మళ్ళుతుందో 

తెలీని ప్రయాణం , అదే జీవితం ॥

నాలుగు దశల జీవితంలో 

నచ్చనివి కొన్ని నచ్చినవి కొన్ని

నచ్చనివి  తప్పించుకోలేని బలహీనత

నచ్చినవి పొందాలున్నా పొందలేని నిరాశ ॥

సుఖ దుఃఖాల సాగరంలో సాగే ఎదురీత.

సద్దుబాటుల బాటలో సుఖ సంతోషాల కొరత

జనన మరణాల మధ్య  క్షణ క్షణం పోరాటం. అలుపెరుగని ఆరాటాల  జీవిత ప్రయాణం .॥

*********************************:::

స్వాతంత్ర్య సమర యొాధులు. ఆటవెలదిలో

స్వాతంత్ర్య  సమర యొాధులు.

రచన : శ్రీమతి : పుల్లాభట్ల జగదీశ్వరీముార్తి.

ఆంగ్ల దొరల పోరు అదెవేద ననుపెంచ

అలసె బాని సలుగ  అవని జనులు

దాశ్య శృంఖ లాల దాసజీ వితపోరు

పెరిగి పెద్ద దాయె పెరడు దాటె ॥

ఉద్య మాల బాట నురికిచే రిరివారు

ప్రాణ త్యాగ మెంచి ప్రతిన బుాని 

ఝండ చేత బుాని జయముశాంతినికోరి

జనము వేలు జేరె జరుప పోరు ॥

బాపు నాయకత్వ బాట నడచి వారు

శాంతి తోడ పోరె  శక్తి మీర

కడకు పొందె జయము కరకు పాలన వీడె

గెలుపు పిలుపు విందు గేయ ములతొ॥

వీర సైనుకులదె వీక్షీంచ నికలేరు

అమరు లైరి వారు  అలసి పోరి

వారి త్యాగ ఫలమె వచ్చె స్వాతంత్ర్యమ్ము

వరుస వారి కిడుమ వంద నమ్ము.॥