అంశం : మగువ మనసు .
శీర్షిక : సహనానికి ప్రతిరుాపం .
(వచన కవిత ).
రచన : శ్రీమతి.,పుల్లాభట్ల జగదీశ్వరీముార్తి.
కల్యాణ్ (మహరాష్ట్ర ).
--------------------
చేయు కర్య మేదైనా
కష్టించే గుణమామెది॥
కష్ట ఫలిత మాశించని
వెన్న లాంటి మనసామెది ॥
గులాబీల మెత్తదనం
మల్లెౕవంటి పరిమళం ॥
మగువ మనసు మమత నిండు
ముద్దు ముద్ద మందారం ॥
గులాబీల మృదువు నిండు
ప్రేమ భావ మునకు మేటి
మల్లెలంటి గుభాళింపు
వలపు వీచికలకు గీతి ॥
ముద్ద మందారపు సిగ్గు-
సంస్కారాలలో మేటి ॥
ప్రేమిస్తే పంచుతుంది
నిన్ను మించినట్టి ప్రీతి.॥
ఆగ్రహిస్తే అవుతుంది
అమె ఆదిపరాశక్తి ॥
పచ్చ గడ్డి మండునట్టి
పంతముతో నిడు జట్టీ ॥
అమ్మగా బిడ్డలపై
ఎనలేని మమకారం .॥
కోపమొచ్చే పని చేస్తే
ఎత్తును దుర్గావతారం॥
అనురాగం చుాపిస్తే
ఔతుంది పుాలవనం ॥
అవమానం చేసిన
ఆరని మంటల హోమం ॥
అత్తింటి కోడలిగా
బాధ్యత బరువుల భారం
పుట్టినింటి ఆదరణకు
అడుగడుగున ఆరాటం ॥
అత్తింటి పరివారం
ఆమె సొంతమను భావం
ఆడపడుచులకు తానే
అమ్మ ననే అభిమానం ॥
భర్త నుండి కోరునామె
నిజమైన అనురాగం ॥
అతనిష్టమె తనదిగా
మసలుకొనెడు బంధం ॥
సంసారపు సాగరాన
కష్ట నష్టముల నావను
చుక్కానై ఒడ్డు చేర్చు
తెలివి నిండు చేత ఘనం ॥
సంద్రమంత లోతైనా
ఆమె మనసు సిరి ముత్యం.
అలజడి అలలెన్నున్నా
అణచివేయునట్టి గుణం ॥
కోపతాపముల దాచెడు
శాంతమనెడు స్వాభావం ॥
అలసటలవి యెన్నున్నా
చమట ధారల్లో మాయం ॥
సుడిగుండాలెన్నున్నా
దాచు లోతు మనసులో ॥
నిండు గుణపు నిధులన్ని
దాచి ఉంచు హృదిలో ॥
మన్నికైన ప్రేమ జుాప
నామె యౌను దాసోహం
మొాసమనీ తెలియగానె
మొగుడినైన వదలని తనం ॥
అబల అబల అన్న మాట
సహించదు మాట గాను -
అబలకాను సబల నంటు
అన్ని రంగముల తాను ॥
కుటుంబ శ్రేయసే కోరెడు
కుల సతిగా మసలునామె ॥.
ఆత్మగౌరవము నిండిన
అత్మాభిమాని ఆమె ॥
చేయు కర్య మేదైనా
కష్టించే గుణమామెది॥
కష్ట ఫలిత మాశించని
వెన్న లాంటి మనసామెది ॥
మనసులోని భావాలను
తెలుపనీని శాంత గుణం .
తనకోసం బ్రతుకదామె
ఇదే స్త్రీ ల మనసు తత్త్వం ॥.
No comments:
Post a Comment