19/03/2023.
ఉస్మానియా తెలుగు రచయితల సంఘం వారి జాతీయస్థాయి "ఉగాది" కవితా పోటీల కొరకు ,
అంశం : "శోభాకృత్" నామ సంవత్సరాది.
శీర్షిక : నవ వసంత హేల ఈ యుగాది .
రచన : శ్రీమతి: పుల్లాభట్ల జగదీశ్వరీముార్తి.
కల్యాణ్: మహారాష్ట్ర .
కవిత .
------
తొలిపొద్దు పొడుపులో
మెరిసే ఆనందాల వెలుగులు.
నవ వసంతాగమనానికి ,శుభ-
స్వాగతాలు పలికే కోయిల గీతాలు ॥
పచ్చదనం నిండిన తోటల్లో
పరువాల సందళ్ళతో విరిసిన
పుాబాలల కళ -కళలు నిండిన
మలయమారుత సుగంధ వీచికలు ॥
మురిసే తరులు సందడితో వినిపించే
పచ్చని ఆకుల నవ్వుల గలగలలు.
చిగురులు తొడిగిన కొమ్మల నడుమ
కిచ- కిచ రవాల ఆనంద గీతికలు ॥
రంగవల్లులు నిండిన ముంగిళ్ళలో
పడతులు ధరించే పట్టు పావడాలలో-
దాగిన పసుపు పాదాల పద-మంజీరాలు
చేసే , చిరు మువ్వల సవ్వడులు ॥
ఇంటింటా పండగొచ్చిన సంబరాలు
అన్నదాతలింట హాయి నిండిన-
పంట కోతల బరువు దిగబడుల-
బ్రతుకు ఆనందాల సిరుల వైభవాలు ॥
పిల్లగాలి వీచిలో నేతి సువాసనలు-
పిండివంటల ,నోరుారించే తీపి ఋచులు.
భగవదార్చనల మేలు వేద పుాజలు .
విందు వేద్యార్పణల,భక్తి నిండు ఘంటారవాలు॥
ఆరు ఋచుల అద్భుత కలయికల-
ఓషధీ తత్వాలు నిండిన మధుర భక్ష్యాలు ,
ఆమ్లం, లవణం, కటు , తీక్తం, వగరు
కలగలసిన రసామృత పానీయ సేవనాలు॥
వెరసి " శోభకృత్" వత్సరాగమన -
సందళ్ళతో పిల్లా పెద్దలు, బంధు- మిత్రాది
కలయికల స్నేహ పుారిత ఆలింగనాలతో
"నవ యుగాది" కిడు ఆనంద స్వాగతాలు ॥
హామీ:
ఈ కవిత నా స్వీయ రచన.
No comments:
Post a Comment