బాలసాహిత్యం.
"ట్ట " ఒత్తు పదాలు.
రచన: శ్రీమతి పుల్లాభట్ల జగదీశ్వరీముార్తి .
కల్యాణ్: మహారాష్ట్ర .
చిన్నారి చిట్టి తల్లి మంచి మాట వినగ రావే
మంకు పట్టు వీడి నీవు బడికి వెళ్ళి చదువుకోవె ॥
హోమ్ వర్క్ చేసి పెట్టి హాయిగా తినగ రావె.
బుద్ధిమంతులైన వారి జట్టు కట్టి ఆడుకోవె ॥
ఉట్టి కెక్కి పాలు, పెరుగు క్రిష్ణు డల్లె తినబోకె
కొట్ట బోతె దొరక కుండ అల్లరెట్టి ఏడ్వ బోకె
మొామంతా చెదరె జుట్టు , గట్టిగాను కట్ట నీవె
సాయం సంధ్య వేళాయె ఇంటి పట్టు నుండ రావె॥
తిట్లు, కొట్లాటలుా తిరుగు బోతు తనములుా
చేటు జీవితమ్ము లోన ,యట్టి చెడ్డ చేతలు
వయసు మించు మాటలు , వట్టి వైన కోతలు.
నీ చేతనె ఉన్నవి నీ భవిత నెంచు రాతలు ॥
నీడ నిచ్చు చెట్టు మనకు, నాటు చెట్లు నరకకు .
గట్టు మీద కెక్కి పుాలు కోసి చిదిమి వేయకు
వేల్పు మెచ్చు పుావులు ,కట్టు నిండు మాలలుా
పుాల నున్న రసములుా తీపి తేనె ఊటలు ॥
పట్టు పరికిణీ గట్టి , పుాల రవిక తొడగ రావె
ఎర్రనైన బొట్టు దిద్ది బుగ్గ చుక్క పెట్ట నీవె.
కంటి నిండ కాటు కెట్ట కళ్ళ నులిమి ఏడ్వ బోకె
బుట్ట బొమ్మ లాంటి నీకు దిష్టి చుక్క పెట్ట నీవె ॥
పెద్దలింటి కొచ్చినపుడు దండమెట్టి పలకరించు
పాప లొస్తె వారి తోటి జట్టు కట్టి మమత పంచు .
మాటలాడు ముద్దుగా మనసు నిండు హాయిగా
మర్యాదకు మనయిల్లే పెట్టినదే పేరుగా ॥
ఆదరించరెవ్వరుా అట్టహాస మంటి నవ్వు
అందరిష్టపడిన దెపుడు అందమైన చిరునవ్వు ॥
చదువు కుంటె.బుద్ధి పెరుగు సంస్కారము తోడుగా
గౌరవించు గురుల నెపుడు అట్టి నడతె మెప్పుగా ॥
బీద- గొప్ప లెంచు వారి జోలి కెపుడు వెళ్ళకు.
పుట్టుకతో లేని జాతి మతము మాట లెందుకు.?
ఐకమత్యమే బలముగ కలసి మెలసి నడచుకో
కట్టె పాడె మీద నందరొక్కటని తెలుసుకో ॥
**************************************
సమీక్ష..
శ్రీమతి పుల్లాభట్ల జగదీశ్వరీముార్తి కల్యాణ్ గారు
మీ కవిత..
చిన్నారి చిట్టి తల్లి మంచి మాట వినగ రావే
మంకు పట్టు వీడి నీవు బడికి వెళ్ళి చదువుకోవె ॥
వయసు మించు మాటలు , వట్టి వైన కోతలు.
బీద- గొప్ప లెంచు వారి జోలి కెపుడు వెళ్ళకు.
కట్టె పాడె మీద నందరొక్కటని తెలుసుకో ॥
👉 చక్కని లాలిత్యం పదజాలం ,
అనునయ పరిజ్ఞానం పుష్కలంగా ఉన్నాయి.
చాలా బాగుంది అభినందనలు 🎉🙏💐
No comments:
Post a Comment