రంగుల కేళి, హోళీ

07/03/2023

ప్రదస్య సాహితీ వేదిక M

నేటి అంశం :- *రంగుల కేళి*

శీర్షిక  : సర్వ మత సమ్మేళనం .

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర .

హోళీ...

యావత్ భారత దేశమంతా ఆనందంగా 

చేసుకుంటున్న రంగుల పండగ.

ఫాల్గుణ పౌర్ణమి నాటి రోజు జరుపుకొనే

ఈ పండగ అనేకానేక కథనాలు కలసిన

సాంప్రదాయ సౌరభాలేలిన పండగ.

రాధా కృష్ణుల రాసలీలల  ప్రేమైక రసానందలీల ,

గోప కాంతల రంగు రంగుల పన్నీటి ఆటల పరమానంద హేల .

భగవంతునిచే రక్షింపబడిన భక్త  ప్రహ్లదుని  భక్తిరసానంద డోల ,, 

రాక్షస గుణాలు కలిగిన హోళికా  రక్కసి అంతమైన వేళ ,

శివునిపైనే కామ బాణం వేసిన మన్మధుని

తన త్రినేత్రాగ్నితో భస్మం చేసిన శివుని కోప జ్వాల.

వెరసి శిష్ట రక్షకుడైన శ్రీ మహా విష్ణువును , అష్టైశ్వర్యాలను ఇచ్చే శ్రీ మహా లక్ష్మిని, అడిగినదే తడవుగ వరాలిచ్చే 

భోళా శంకరుని,  కామ ప్రేరణను కలిగించే మన్మధుని,  భక్తితో  పుాజించి కొలిచి,

హోళికా రక్కసి పేరుతో మనలో నున్న చెడును మంటల లో

కాల్చి,  మంచి అనే సుగంధ పరిమళాలతో

 భగవదార్చన చేసి , సర్వ మత సమ్మతిని తెలియజేస్తుా 

 రంగు రంగుల పుాల జల్లులతో , సమత- మమతలు నిండిన 

 వర్ణ భేదాలు లేని ఆలింగనాలు లేని ఆప్యాయతలతో

 అందరుా కలసి చేసుకొనే ఆనందాల పండగ ఈ హోళీ.

హామీ :

ఈ వచన కవిత నా స్వీయ రచన.