21/03/2023.కలం స్నేహం కవితల పోటీ కోసంఅంశం : యుగాది.శీర్షిక : నవ యుగాదికి స్వాగతం సుస్వాగతం .రచన : శ్రీమతి : పుల్లాభట్ల జగదీశ్వరీముార్తి. కల్యాణ్. మహారాష్ట్రనవయుగాది వచ్చె నదిగొ పలుకరె చెలి స్వాగతం ."శోభకృత్" నామముతో శుభములు పంచెడి నేస్తం.ఆనంద మారోగ్య సంపదలిడు వత్సరం సంతసాన సంబరాలు చేద్దాము అందరం ॥ ప్రకృతిలో పచ్చదనం, నవ వసంత ఆగమనం మలయమారుతాన నిండె, వేల పుాల పరిమళం మావి చిగురు గుబురులలో కోయిల చేసెను గానం . కిల కిలా రవములతో పక్షులిడె శుభోదయం ॥ మామడాకు తోరణాలు మదిలో ఆనందాలు అందమైన రంగవల్లు లింటింటి శోభలు .గుమ్మాలకు పసుపు బొట్లు అంబలు ఆడుగిడేటట్లువేల్పులున్న కొలువులో వినిపించెను జేగంటలు ॥వంటింట పాయసాలు నేతి తీపి వంటలుఆరు ఋచుల పచ్చళ్ళవె ప్రతి యింటి వేద్యాలుఆనందాలు పంచుకునే బంధుజనుల రాకలుకలిసి విందారగించు కళ కళ లిడు సందళ్ళు ॥నవ యుగాది ఆరంభం "శోభకృత్" ఆగమనంసర్వజనులు కోరినట్టి కోరికలవె సాకారం .శుభ ఫలితాలిడు సుందర వత్సరమిపు డారంభంసందడులా సరాగాలె శోభకృతిడు శుభ ఫలితం ॥కొలువైన దేవతలే కోటి శుభము లిచ్చు దినంరోగముక్తులై జనులిల భోగమనుభవించు వరంఇత్తు, భోగ భాగ్యములని పసిడి లక్ష్మి పలుకు దినంజగతి వచ్చె నిండుదనం ,జయము లిడే వత్సరం ॥

21/03/2023.

అంశం : యుగాది.

శీర్షిక : నవ యుగాదికి స్వాగతం సుస్వాగతం .

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర

నవయుగాది వచ్చె నదిగొ పలుకరె చెలి స్వాగతం .

"శోభకృత్" నామముతో శుభములు పంచెడి నేస్తం.

ఆనంద మారోగ్య సంపదలిడు వత్సరం 

సంతసాన సంబరాలు చేద్దాము అందరం ॥

 

 ప్రకృతిలో పచ్చదనం, నవ వసంత ఆగమనం

 మలయమారుతాన నిండె, వేల పుాల పరిమళం 

 మావి చిగురు గుబురులలో  కోయిల చేసెను గానం .

 కిల కిలా రవములతో పక్షులిడె శుభోదయం ॥

 

మామడాకు తోరణాలు మదిలో ఆనందాలు 

అందమైన రంగవల్లు లింటింటి శోభలు .

గుమ్మాలకు పసుపు బొట్లు అంబలు ఆడుగిడేటట్లు

వేల్పులున్న  కొలువులో వినిపించెను జేగంటలు ॥

వంటింట పాయసాలు నేతి తీపి వంటలు

ఆరు ఋచుల పచ్చళ్ళవె  ప్రతి యింటి వేద్యాలు

ఆనందాలు పంచుకునే బంధుజనుల రాకలు

కలిసి విందారగించు  కళ కళ లిడు సందళ్ళు ॥

నవ యుగాది ఆరంభం  "శోభకృత్" ఆగమనం

సర్వజనులు కోరినట్టి  కోరికలవె సాకారం .

శుభ ఫలితాలిడు సుందర వత్సరమిపు డారంభం

సందడులా సరాగాలె శోభకృతిడు శుభ ఫలితం ॥

కొలువైన దేవతలే కోటి  శుభము లిచ్చు దినం

రోగముక్తులై జనులిల భోగమనుభవించు వరం

ఇత్తు, భోగ భాగ్యములని  పసిడి లక్ష్మి పలుకు దినం

జగతి వచ్చె నిండుదనం  ,జయము లిడే వత్సరం ॥

హామీ : ఈ కవిత నా స్వీయ రచన.