నవ యుగాదికి ఆహ్వానం.

01/03/2022.

శీర్షిక : నవ యుగాదికి ఆహ్వానం.

రచన :శ్రీమతి పుల్లాభట్ల జగదీశ్వరీముార్తి 

కల్యాణ్ : మహారాష్ట్ర .

యుగయుగాలుగా జగాన ఆమని  

ఎన్నో మార్పులు తెచ్చింది

యుగాది పండగ ఆంధ్రులమదిలో 

పునాది వేసిన పండగయింది॥

వసంతుని ఆగమనంతో

వంతు చిగురు పచ్చదనాల

వేల తరుల వేడుక సమాగమం 

జంట కోయిలల వేడ్క రాగాల సరాగం ॥

అందము నిండిన  ఆనందముతో

అర విరిసిన పుావుల కళ కళలు

మంద్రముగా అతి మధురముగా 

చిరు గాలుల సవ్వడి సరిగమలు ॥

చిగురులు తొడిగిన కొమ్మల నడుమ 

కోయిల పాడిన గీతికలు

ఓషధి నిండిన తరులు, ఝరులు

మన ప్రకృతి పంచు సిరి సంపదలు॥

పైరు పచ్చని పంట భుాముల లొ

కొత్తకళల తడి మట్టి గంధములు 

ధాన్యపు సిరి ధాన్యపు నెలవులు

పుడమి తల్లి యిడు నిండు దీవెనలు॥

వత్సరానికో కొత్త ప్రారంభం

వరుస ప్రణాళికల ఆశా ప్రయాణం 

మానవ జీవితాలలో ఆశయాల ఆరంభం 

బ్రతుకు బాటలో సాధన నిండిన  సారం ॥

చీకటి వెలుగుల రంగుల యానంలో

ఒడిదుడుకుల నావను ఒడ్డుకు చేర్చే పయనం 

శుభకృత్ ఆగమనంతో వెలుగు వసంతాల

వేడ్క పండగలకు పలుకు  ఆహ్వానం ॥