కవి కాని కవి వేదన ( కవిత).

05/05/2023.

"కవన కిరణాలు " లో

నాలుగవ సంకలనానికై రాసిన వచన కవిత..

శీర్షిక : కవి కాని , కవి వేదన .

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర .

అంతరంగంలో రేగుతున్న అలజడి

నాలో అంతరాత్మను చిత్రవధ చేస్తున్న సడి.

కవిగా నా మస్తిష్కం లో కదులుతున్న భావాలు-

అణచిపెట్టిన నా పిరికితనానికి ప్రతి రుాపాలు ॥

కాగితంమీద నా కలం కురిపిస్తున్న అబద్ధపు-

 అక్షరాల, ఆక్రోశం నిండిన ఆక్రందనలు .

ఉన్నది ఉన్నట్టు రాయలేని నా పిరికి తనానికి

కవితాత్మకమైన  కన్నీటి సాక్ష్యాలు॥

అడ్డ త్రోవలో అడుగులేస్తుా అక్షర కన్యలను

మానభంగం చేస్తున్న నా దౌర్జన్యానికి  .,

నా ఎదురుగా కుప్పలుగా పడున్న ప్రసంసాపత్రాల-

 వెకిలి వేళాకోళాలు, నన్ను నిలదీస్తుా ప్రశ్నిస్తున్న 

 తిరుగుబాటుకు ప్రత్యక్ష  సాక్ష్యాలు॥

జరుగుతున్న  అక్రమాలను ప్రశ్నించలేని తనం ,

నాలో జారిపోతున్న విలువలకు -

వలువలుాడదీసిన వైనం.-

సమాజ హితాన్ని కాంక్షించే కవిగా ఎదగలేని

నా నిస్సహాయతకు , నాలో జరుగుతున్న అంతర్మధనం ,

నాలో నిజయతీని, నమ్మలేని నిజానికి సాక్ష్యం  ॥

మీకు తెలీని నిజమేంటో తెలుసా....

బాహ్య ప్రపంచంలో గొప్ప" కవిగా " 

గుర్తింపబడుతున్న నన్ను ,నా అంతరంగ 

"న్యాయ పీఠం" అబద్ధాల కవిగా,

 నన్నేనాడో ఉరితీసేసింది .

హామీ :

ఈ కవిత నా స్వీయ రచన .