02/06/2023.
మహతీ సాహితీ కవి సంగమం.
అంశం : ఐచ్ఛికం.
శీర్షిక : అమ్మా...ఆట బొమ్మా...
రచన : శ్రీమతి :పుల్లాభట్ల జగదీశ్వరీమూర్తి .
కల్యాణ్. మహారాష్ట్ర .
అన్య మెరుగని జీవి జన్మకు
అమ్మే ప్రాణం పోసింది .
ఆ జీవే అమ్మను ఆట బొమ్మ-
అనుకొని ఆమె ఒడి చేరింది.
మాట రాని పసికందు తానుగా
ఆగని ఆకలికేడ్చింది..॥
ఆకలి దీర్చిన అమ్మ స్థన్యాన్నె
ఆటగా నలుపుతుా ఆడింది .॥
బిడ్డ పసితనం అమ్మ మురిపెమై
ముద్దులతో ముంచెత్తింది .॥
బిడ్డ పెరుగుదలకు అహోరాత్రులుా
అమ్మే కాపై సాకింది.॥
పెరిగిన బిడ్డడు చేసిన తప్పులను
అమ్మ, అడ్డు తానై కాచింది.॥
ఆ కాచిన తప్పులె పాపపు బరువై
అతివల రాతలు మార్చింది.॥
అమ్మ చెప్పని అనీతుల వేటుకు
అమ్మే బలిపశువయ్యింది ॥
అమ్మ తనమదే అంగడి చేరి
ఆశ్రమాలపాలయ్యింది ॥
అమ్మ ఆకలికి కార్చిన కన్నీరు
ధరణిని శోకమై మిగిలింది. ॥
ప్రేమ పాశాలు కామ బంధులై
వావి వరుసలను మరచింది.॥
స్థన్య మందించి, ఆకలి దీర్చిన
అమ్మను పతితగా మార్చింది.॥
ఐనా "అమ్మ "జన్మ నిస్తుానే ఉంది.
ఎప్పటికీ క్షమిస్తుా...
ఎండుటాకై రాలుతుా....
అతివగా ..ఆక్రోశిస్తుా....
******************
హామీ : ఈ కవిత .నా స్వీయ రచన.
No comments:
Post a Comment