రుబాయిలు

15/11/2022.

మహతీ సాహితీ కవి సంగమం 

అంశం : రుబాయిలు.

రచన : శ్రీమతి : 

పుల్లాభట్ల జగదీశ్వరీముార్తి.

కల్యాణ్. : మహారాష్ట్ర.

మాయింటి   తోటలో  మొక్కలవి   కొల్లలుగ

పుాసేయి విరివిగా  మొగ్గలవి   మల్లెలుగ.

సువాసన నిండేటి పుాలంటే  ఇష్టమే..

పారిజాత పుాలవి  కురిసేయి జల్లులుగ . ॥

మనుష్యులు స్వార్ధముగ మెలగడమవివేకం    .

 అందరితో   మెళకువగ  మసలడం  వివేకం.

పుడమిలో  అందరం కలిసుంటే  కద సుఖం.

అందుకే హితులతో అవ్వాలి మమేకం ॥

గురుముఖతః  నేర్చేదే  అసలైనది , పాండిత్యం .

సహజంగా   కొందరిదది    అరుదైనది,   వ్యక్తిత్వం .

మనజన్మతః  వచ్చేవవి పుార్వపుణ్య ఫలగుణాలు.

వివేకమే  మనుగడకిల  బలమైనది అస్తిత్వం ॥

********

రచ్చ కెక్కినవి ఎన్నో చరితలు.

 కుాలిపోయాయి ఎన్నో భవితలు 

నేటికీ రాని   నిజ స్వాతంత్ర్యం

కన్నీటి వ్యధల కడు జీవితాలు ॥

 రక్తపు టేరుల రాజ్యాంగాలివి.

 ముక్కలైనట్టి బాల్యాంగాలివి.

స్త్రీ జీవితమే  చిక్కుల వలయం .

 అబలల నణచే ఆధిక్యతలివి ॥

పిల్లలలో కానరాదె పసితనం.

మనుషులలో పెరిగిపోయె స్వార్ధ గుణం .

నీతిలేని నికృష్టపు సమాజమిది 

వావి వరుస మరచితిరే  నేటి తరం ॥

కలలలోన విహరిస్తే  కలసిరాదు నీసమయం.

విధులు నీవి లోపిస్తే కుాడిరాదు నీకు జయం

కష్టపడితె  కనపడునుగ కాంక్షించే  సుజీవితం

మంచిబాట నడవకుంటె  వెంటరాదు కోరు సుఖం ॥