చీకటి వెలుగులు.

ప్రక్రియ :  ఇష్టపది .

అంశం : చీకటి.

శీర్షిక  : చీకటి వెలుగుల జీవితం .

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

జరామరణ కుాపం జగతిలో జన్మదే

 పరుగెత్తే  కాలం  పగలు రాత్రుల దినం    

మధ్యలో మాయగద మనిషి దశల గమనం.

వెలుగు చీకట్లతో  పోరాడే కర్మం ॥

మానవీయత నిండు మనిషి చుాసే వెలుగు

స్వార్ధం నిండినపుడు సాగు చీకటి బాట.

తప్పొప్పు లెరుగనిది తన పతన మెరుగనిది  

అదె మనుషులతో విధి  ఆడుకొను నాటకం ॥

మనిషిలోన మర్మం మది నిందిన చీకటి

మనిషిలోని స్వార్ధం మలచుకున్న చీకటి

తన ,పరల బేధాలె తట్టి పిలచు చీకటి 

జాతి మత కలహాల జీవితమే చీకటి ॥

కామం నిండు మనిషి కాలిడు గతి చీకటి 

వ్యసనాల ఊబిలో వ్యక్తిత్వం లేనిది

బంధాల యెడబాటు బరువయ్యే చీకటి

బాధ్యతలను మరచీ బ్రతుకోడిన చీకటి ॥

విద్య లేని బ్రతుకున వివేకముండనిదై

అవమానాల కొలిమి నంటి కాలు చీకటి

జీవితము ఓటమిని , జిక్కు వ్యధల చీకటి 

కన్నీటి కథనాల కార్చిచ్చుల చీకటి ॥

 జ్ఞాన బాటలు మెరుగు జ్ఞాన విద్యలె వెలుగు

 జీవన యాత్రలోన   జీవితాలవి వెలుగు .

 మానవత్వము నిండు మనిషి  బాటే వెలుగు

 చీకటి కానరాని చిక్కని వెలుగీశ్వరి ॥