చీకటి

ప్రక్రియ :  ఇష్టపది .

అంశం : చీకటి.

శీర్షిక  : చీకటి నిండిన జీవితం .

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

 జగతిలో జన్మయిది జరామరణ కుాపము 

 పరుగెత్తు కాలమున  పగలు రాత్రులె దినము    

మధ్యలో మాయగా మనిషి జీవ గమనము

వెలుగు చీకటులతో  పోరాడే ఖర్మము ॥

మానవీయత నిండు మనిషి చుాసే వెలుగు

నిండినట్టి స్వార్ధము నివురుగప్పు చీకటి

తప్పొప్పు లెరుగనిది తన పతన మెరుగనిది  

వింత గద జీవితము విధి యాడు నాటకము ॥

మనిషిలోన మర్మము మది నిందిన చీకటి

మనిషిలోని స్వార్ధము మలచుకున్న చీకటి

తన ,పరల బేధములె తట్టి పిలచు చీకటి 

జాతి మత కలహములె జగతి నిండు చీకటి ॥

కామము నిండు మనిషి కాలిడు గతి చీకటి 

వ్యసనాల బాటలో వ్యక్తి జారు ఊబది

బంధాల యెడబాటు బరువయ్యే చీకటి

బాధ్యతల విడనాడి బ్రతుకోడిన చీకటి ॥

వివేకమది లేనిది విద్య పనికిరానిది

అవమానపు కొలిమిని అంటి కాలు చీకటి

జీవితాన ఓటమి  జిక్కు వ్యధల చీకటి 

కన్నీటి కథనాల కార్చిచ్చుల చీకటి ॥

  జ్ఞాన విద్యలు కలుగు  జ్ఞాన బాటలె వెలుగు

 జీవ యానములోన   జీవితాలవి  వెలుగు

 మానవత్వము నిండు మనిషి  బాటే వెలుగు

 చీకట్లు అవి తొలగు  చిరము వెలుగీశ్వరీ॥

 

************************************

 36.

చావు పుట్టు కలిల  చరిత తప్పని బాట

 బ్రతుకు చావు లవియె బ్రహ్మ రాత

  కుాడి రావు నేవి ముాడినంతనెజీవి

మనుజ తెలుసు కొనుము మంచి మాట.॥

37.

 మనిషి లోన సురుడు మంచి బాటను మార్చు

 చదువు బుద్ధి నిచ్చు   చరిత నిలువ.

 మమత నిండు బ్రతుకు మహిలోన గెలుపురా

 మనుజ తెలుసు కొనుము మంచి మాట.॥

 38.

 నాది నీది యనుచు  నట్టింట వాదములు

 పొంచి యున్న నాగు పోలు తగవు

 కాటు వేయు నెపుడొ, కడదేర్చు విసమురా

 మనుజ తెలుసు కొనుము మంచి మాట.॥

 39.

 జాతి మతము లవియె జగతిధ ర్మపుమాట

 మనుజు లొక్క టేగ   మహిని మనగ

 మంచి చెడులు రెండె మనిషిజా తులకండు 

 మనుజ తెలుసు కొనుము మంచి మాట.॥

40.

  విద్య తోడ వచ్చు విశ్వమేలెడు శక్తి

  జ్ఞాన సాధనమ్మె జ్ఞాను లెంచు.

  గీత సార మదియె రాత కర్మల బోధ 

మనుజ తెలుసు కొనుము మంచి మాట.॥

41.

చీక టున్న చోటె చీల్చి వెలుగు నిండు.

గేలి చేయు చోటె గెలుపు విందు.

లోక రీతి తెలిసి లోపమ్ము లనువీడు

మనుజ తెలుసు కొనుము మంచి మాట.॥

42.

చిట్టి పాప లింట చిరునవ్వు దీపికలు

ఆడ జన్మ  ఘనము నవని లక్ష్మి 

పెంచు ప్రేమ లెన్నొ పెరిగినంతనె వారు

మనుజ తెలుసు కొనుము మంచి మాట.॥

43.

తాగి తుాగి వచ్చి తరుణుల బడిరోయ

తరుగు సిరులు నీకు తగదు దొమ్మి

చింత లేని ఇల్లు సిరులున్న ధామముా

మనుజ తెలుసు కొనుము మంచి మాట.॥

44.

బయట కష్ట పడిన భర్త గౌరవమందు

ఇంట చాకిరీల యింతు లలుసా

ఒంటి చక్ర మున్న ఒరిగిపో వునుబండి

మనుజ తెలుసు కొనుము మంచి మాట.॥

45.

ఆట పాటలందు అలరు విద్యలు నేర్వ

ఆడు వారు నేడు  అవని మేటి.

భాగస్వామ్యమిడగ  భంగపర్చుట లేల

మనుజ తెలుసు కొనుము మంచి మాట.॥

46.

వర్ణ రుాపములవి వర్ణంచుటకె గాని.

 మనిషి గుణము లవియె మహిని వెలుగు 

గుణము లేని మనిషి గృహము నుండుటె చేటు

మనుజ తెలుసు కొనుము మంచి మాట.॥

47.

వేల్పు లిలను పెక్కు వేలరుాపుల జిక్కు

మహిని గాచు వాడు మాత్ర మొకడు

అవతరించు ఘనుడు ఆది విష్ణుడెగాద 

మనుజ తెలుసు కొనుము మంచి మాట.॥

48.

తల్లి దండ్రుల నిల తలచు దేవతలుగ

వారి ఋణము దీర్చు వరుస గతుల

చేయు నట్టి కర్మ చేదిరిగి వచ్చురా  (చేరునీ దరికిరా)

మనుజ తెలుసు కొనుము మంచి మాట.॥

49.

చెడ్డ వారి గలసి చెడుపు పనులజేసి

 విలువ లేని బ్రతుకు విధము లేల

అడుసు ద్రొక్కనేల అడుగు కడుగ నేల

 మనుజ తెలుసు కొనుము మంచి మాట.॥

50.

తాటి చెట్టు నీడ తాగు పాలను జుాచి

నమ్మరెవరు నిన్ను నటన యంచు

తాటి చెట్టు క్రింద తాటి కల్లుల వేట

మనుజ తెలుసు కొనుము మంచి మాట.॥

*******************************