నీ జ్ఞాపకాల వడిలో...

శీర్షిక  : నీ జ్ఞాపకాల వలలో.....

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

నిశ్శబ్దంగా కారుస్తున్న నాకన్నీటిలో 

నిన్నటి నామధుర స్మ్రుతులు -

గుండెను కలచివేస్తున్న 

ఆలనాటి ప్రేమ సందేశాలు.॥

దైన్యం నిండిన నీ కన్నుల్లో

 కనిపిస్తున్న నీలిననీడల్లో

నా ప్రతిబింబం కదలాడుతున్న

కమ్మని  దృశ్యాల జ్ఞాపకాలు ॥

తడబడుతున్న నీ జాడల

అడుగు ముద్రల్లో నిండిన

 నా అడుగు జాడల గుర్తులు 

 నావైన నీ జ్ఞాపకాలు ॥.

 

మండుటెండలో ....

నా పిలుపు కోసం నిరీక్షించే నీ 

అదిరే అధరాల అంతర్యుద్ధాలు 

ఆవేశమౌ జ్ఞాపకాలు॥

దేశ రక్షణ కోసం 

నా " ప్రాణాలను సైతం "

అన్న నా ధృఢ సంకల్పానికి 

ఔనని , కాదనలేని స్తబ్ధతతో-

మౌనంగా వంచిన నీ 

మొాముపై కదలాడే 

నీ కాటుక కనులు 

కారుమేఘాలై కురిసే 

తడి సడుల జ్ఞాపకాలు॥

ఉవ్వెత్తున లేచే  కెరటాలు

 తీరాన్ని తాకీతాకక ముందే

 తిరిగి సంద్రంలో కలిసిన

 నిరాశల జ్ఞాపకాలు ॥

 

 ఇచ్చిన ప్రేమకు నిండిన 

 గుండె తప్పిన లయలో 

 అపస్వరాల ఉఛ్ఛ్వాస

 నిశ్వాసాల   జ్ఞాపకాలు ॥

 

 కళ తప్పిన మొాములో 

 కలతనిండిన ప్రశ్నలు

 గడి తప్పి సుాన్యంలో 

 పయనిస్తున్న నా

  భావ పరంపరలు॥

 

 వెనుదిరిగిన నా పాదాలను 

 కన్నీటితో కడుగుతుా

   నీ మౌనం ప్రశ్నిస్తు  చేస్తున్న

   అభ్యర్ధనల జ్ఞాపకాలు ॥

  

 అన్నీ కోల్పోయిన నా

 అంతరంగ గవైకల్యానికి 

 సాక్ష్యాలై  వెంటాడుతుా వేధిస్తున్న 

 ఒంటరితనపు ఒయాసిస్సులు

ఎన్నటికీ అందుకోలేని 

అరుదైన  నీ జ్ఞాపకాలు  ॥