కన్నీటి కవిత

21/03/2021.

ప్రపంచ కవితా దినోత్సవం.

శీర్షిక : భరత చరిత ఒక కన్నీటి కవిత.

రచన:శ్రీమతి: పుల్లాభట్ల -

జగదీశ్వరీముార్తి.

కల్యాణ్: మహారాష్ట్ర.

మమతలు మంట కలిసిన 

రక్త సంబంధాల ఆవేదన ఓ కవితైతే 

మారుతున్న మనోభావాల కర్కశ-

వ్యవహారాల కన్నీటి వ్యధ మరో కవిత.

రాజకీయపుటెత్తుల రంకు బాసలకు

అధోగతిపాలౌతున్న అమాయక ప్రజల

ఆశ నిండిన చుాపుల నిరీక్షణ ఓ కవితైతే....

ఒకప్పటి భరత చరితల గౌరవ చిహ్నాలు 

నేటి తరంలో తమ ఉనికిని కోల్పోతున్న 

దయానీయ పరిస్థితుల దారుణ

సంఘటనలకు నోరిప్పలేని జనుల

బలహీనతల  భవిత చరిత మరో కవిత.

దారుణాల దరువులకు గాయమైన 

శరీరాలకు , కాస్తంత ఉపశమనం 

కలిగించే సంస్థల ప్రైవేటీకరణలపై

కేంద్ర ప్రభుత్వాల సడలని నిర్ణయాల

మంటల సెగలకు ,బొబ్బలు తేలిన

కన్నీటి బాధల దీన గాధలు ఓ కవితైతే ...

కరోనా రేపిన కలకలానికి తోడు

నేటి పాలకుల అడ్డతోవల ఆలోచనలతో

అస్వతంత్రపు వేదనలకు లోనైన 

నాటి బానిసత్వపు సంకెళ్ల బతుకులను

భారంగా మొాస్తున్న భరత చరితే 

నేటి ఓ కన్నీటి కవిత. ॥