శీర్షిక : భరత మాత కీర్తి కిరీటం.
రచన : శ్రీమతి పుల్లాభట్ల జగదీశ్వరీముార్తి .
కల్యాణ్. మహారాష్ట్ర .
పల్లవి :
-------
ఎగిరింది ఎగిరింది మువ్వన్నెల ఝండా
భరత మాత కీర్తి చరిత చాటి చెప్పు ఝండా
అనుపల్లవి:
----------+
సాధించిన స్వాతంత్యపు స్ఫుార్తి గీతిగా ..
మన అందరి తల రాతల మార్పు తీర్పుగా ॥
చరణం:
--------
మన దేశ చరితలకే ఘన కీర్తీ ఝండా
పింగళి వెంకయ్య చేతి చెలిమి బలిమి ఈ ఝండా
ఆంగ్ల పాలకుల కంటిని నలుసైనది ఝండా
తాటదీసి తరిమి కొట్టి గెలిచినదీ ఝండా ॥
చరణం:
--------
అడుగులకు మడుగులొత్తు బ్రతుకు ఘోష బాటగా
బడుగు బానిసల నోట నినదించిన ఝండా
తెల్ల దొర్ల నిరంకుశత్వముాడ్చు తీర్పు ఈ ఝండా
నల్ల వారి నగుమొామున వీర తిలకమీ ఝండా ॥
చరణం:
--------
జాతి మతము విడుమనీ, మమత పంచి మనుమనీ
కష్ట సుఖములో చెలిమిని పంచు గుణమె ధనమనీ
పరోపకార చింతనే , మన జీవిత మార్గమనీ
నిత్య సత్య శాంతి బాటె సమకుార్చు విజయమనీ--
స్వాతంత్ర్య బాట లో శాంతి కోరు ఆయుధమై
ధర్మచక్ర మాధ్యమముగ భరతావని గెలిచినదై
భరత వీర సైనికులకు శక్తి స్ఫుార్తి తానై
ముచ్చటైన మువ్వన్నెల రంగులీను పతాకమై. ॥
****************************************
No comments:
Post a Comment