ఇదేనా (నా) దేశ ప్రగతి.

శీర్షిక  : ఇదే నా దేశ ప్రగతి.

ప్రక్రియ:  ఆటవెలది.

రచన : శ్రీమతి పుల్లాభట్ల జగదీశ్వరీముార్తి.

కల్యాణ్.మహారాష్ట్ర .

విశ్వ మంత జుాడ విందాయె కనులకుా

జ్ఞాన హీను లెల్ల జగతి నిండె

మేధ తోడ వారు మేడ మిద్దెలు గట్టె

చంద మామ జేరి చిందు లేసె ॥

తెలివి మీరి వారు తెగ నరికె జెట్లను

కలుషి తమ్ము జేసె  గంగ నీరు

పెరుగ జనులు పెరిగె పెంట కుప్పలు చాల

పర్యవరణ మెంతొ  ప్రబలె జగతి ॥

పీల్చ గాలి లేదు పిట్ట కుాతలు లేవు

చెట్టు జాడ లేక చెదరె భూామి

కంపెనీలు పెరిగి కల్మషాలవి నిండె

కణము లెన్నొ పుట్టి కాటు వేసె ॥

కామ మెంతొ పెరిగె కాలమెంతయొ మారె

పెరిగె స్వార్ధ పరులు పెక్కు గతుల

భరత భవిత నలిగె భాగ్యహీ నతగల్గె

 బ్రతుకు లెన్నొ భువికి భార మాయె ॥

తినగ తిండిలేదు తిరుగాడ పనిలేదు

బ్రతుక, చెడెను మనిషి బాధ మరువ

రోగ హీను లెల్ల రోజు రోజుకు హెచ్చె

విలువ లెన్నొ తరిగె విశ్వమందు ॥

వావి వరుస మరచి  వక్రమా ర్గములెంచి

విలువ, నీతి మాట  విస్మ రించి

జనులు మృగము రీతి జగతిలో చరియించ

భరత మాత కలలె  భగ్న మాయె ॥